低收入讀者追趕一生三宅理想#502案公居仔

Lum Sir有幸這幾天發現到你這個BLOG(遺憾自己咁遲先搵到你個BLOG),拜讀你的BLOG,獲益良多,小妹愚笨,還需要時間一一細讀,了解當中的理財道理。我讀10+頁未見有類似案例(咁低收入想買到樓),本人年紀唔輕,希望LUM SIR可以指點迷津。
 
  
背景: 本人35歲,未婚,與退休媽媽住公屋,我於教育機構做文職,如不被裁員,收入穩定。2個家姐已婚,大家姐有講過同我一齊買樓,她現居私樓,估計有mortgage約<500K,月入$25K,年尾有花紅,實際年收入約$400K – $500K,她有子女2名,開支大,月光族;大姐夫在大陸做生意,在香港冇收入紀錄。
 
 
收支:
 

月薪:11K (己扣MPF)

股票:280K (HSBC 5: 3K股), 140K (939: 22K 股)

現有現金儲蓄 160K

 

支出

個人: 4000

MUM家用(大家姐給家用MUM交租),人壽保險+危疾+醫療(醫療不足,其實需要加大,但我年紀大咗,保費貴,唔捨得加): 2-3K

每月現金儲蓄: 3-5K

  
目標:

(我自己希望自己搞得掂買到樓,就不要麻煩家姐姐夫。)
 買2層樓收租制造現金流,作退休及給媽媽住安享晚年,幫媽媽買醫療保險

 
方案:
 細讀LUM SIR BLOG(或參加LUM SIR COURSE),學財技,賺更多首期錢 (第一個一百萬),再買第一層樓(媽媽單名持有);

沽出股票,420K + 160K (現金) = 580K 做首期,買村屋或屯門,元朗樓,但要$1,500,000 或以下 (如我個人承擔),收租用。之後再看有冇錢買第二個單位。有冇好的盤介紹?
 
感激你勝出你的寶貴時間賜教!!
 心急人上

答案

 

建議大家想快手明白本人blog中內容,不如去書局買本人著作<樓換樓>。

 

睇書和睇blog之分別在於有條理,全面地接收理財觀點,內容和現今倡議的努力儲蓄、平均成本法有所不同。不少堂上學生都是睇完書後再想找實作機會前來上課。當然有部份學生不是來看我的,有施老闆、周顯大師、或龔成兄的fans,為了能及時留位更成為會員,在此謝過大家。

 

讀者收入實在是低,這點在讀者自題的來文已提及了。理財是一個計數加上技巧之方案,缺乏金錢唯有找人襄助,完成理財大業。首先可cut左人壽保險,在財政上應冇屋企人需要讀者幫手,那騰出金額可加醫保去補回財務上之一個缺口。人壽保險、危疾、醫療係可以分開買的,如果經紀話唔可以,你需要搵人幫手。

 

讀者在儲蓄上是做得不錯的,在老一輩人教落的理財觀念她是發揮到極緻了! 可是大家的父母在80-90年代人工每年加5-10%不等,他們未試過人工每月被通賬蠶食,所以佢地教唔到你點係現在惡性通賬來臨的環境下理財的。老香港實在是工作機會多,可以現在要靠向外地人招手求人打錢投資才能過活。曾是四大產業中之物流業已完全跟不上內地發展節奏。如果香港人肯放下身份早廿年在內地多尋機遇,點解「順風」會由內地傳回香港,而不是從香港打入大陸呢? 把握不到參與內地發展零售的時機,從當中衍生出來的貨物流動(託運)、金錢流動(支付寶)之機遇也全輸了。已失時機、亦欠後勁,要留在香港大家只好不情願地向地產金融傾斜。

 

如果大家有得自己設計產品再做小販隨處推售,筆者都唔想每星期召集大家在堂上解釋買樓及股票之財技。股票財技交比周大師,而讀者需要運用自身借貸力,計好自己的財務狀況後再適當利用槓桿為自己製造正現金流,達成每月有幾個人為你返工咁樣,一張身份證合法擁有三份人工。讀者靠自己只可以借到11000*50%*2.59 = 1.3mil,再加埋現有資金只可以買得二百萬樓房,不好建議。可先將自己投資股票的技巧提升,將手頭股票悉數沽出。再用當中之1/10資金學習另種買賣模式,提升自己資金份量。你見筆者不多叫人參與股票,可是對收入低於兩萬或儲蓄少得可憐的人(儲幾多自己心照啦!),在打工沒進展那唯有向股票或其他投資進發了。你份糧睇盡只係一萬幾千,筆者點叻都唔會周你發大到好似十萬咁搞的。

 

現時按兵不動,因讀者已有地方住,買樓只是個投資需要,且多學投資再出手未遲。另外如人工不多借盡只一萬三十萬,讀者已提會努力投資將本金變大,但找定個擔保人幫你第時買樓是必須的。最好情況是讀者自己投資將本金回五十變二百萬,只抽當中三十萬做首期買樓,既可用盡家人借貸力自己又補有現金唔怕call-loan,那便可趕在四十關前追趕一生三宅的理想。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室