【紅猴股評】不可被情緒掩蓋理智

  十多年前有位朋友告訴我,他不大相信中國的企業,事實上當時也有不少弄虛作假的公司,因為他抱有這個立場,所以便一直不買中國股票。十多年過去,弄虛作假的公司繼續時有出現,業務越做越大、業績越來越好、股價越升越高的公司數目卻更多,這個立場助他逃避了不少風險,但也錯過了更多機會。   傳統智慧告訴我們,投資要取得理想回報,便一定要冒風險,當然若只是滿足於皮毛的回報,只需到銀行做個定期存款便可以。可是,若越想要多一點回報,要冒的風險也需更高,但又不好為了增加回報而胡亂去冒險,投資者可以去冒險,但要冒的是可計算的風險。投資者的態度不應預設任何立場,然後便「一竹篙打死一船人」,而是要為有興趣的公司做認真分析,從而知道那些是好,那些是壞,計算好要冒多大風險,再去做相應的投資決定。   若果凡事立場行先,表面代表自己很有見地,可是也因此較易傾向偏聽,只接收和自己立場相近的分析,抗拒甚至抨擊和自己立場不同的見解,亦未有為每一個分析或見解進行批判,某程度上腦筋也會動少了!好像美國的金融市場發展較為成熟,制度健全,監管較好,有投資會認為公司業績披露可安心信服,但是多年來也有Enron造假、次按爆煲、Lehman Brothers倒閉的多個負面大事出現,小事更不消提,而近年初創及獨角獸企業火熱,Bad Blood事件的「女版Steve Jobs」騙局卻成為一個當頭棒喝。   作為聰明的投資者,最基本的條件是要有獨立思考,不要人云亦云,尤其是現在是社交媒體不斷演化的年代,Facebook等很多時給我們看到的是思想和自己相近的意見或廣告,因此我們更需主動去找些持有另類意見的內容,而非抗拒接收這類訊息,就如我們若果很喜歡某一間公司,不要只細閱正評,也需主動找不看好這間公司的分析報告或文章,閱讀後再進行批判思考,令分析可以更全面。往往肯去放下成見,才可看到一件事情的另一面,結論或會不盡相同。 最近看過一套名為「脫歐:無理之戰」的網上電影,真人真事,為求戲劇化而稍作改編,講述「脫歐」的幕後英雄Dominic Cummings領導的Vote Leave計劃怎樣利用數以億計的社交媒體定點廣告,向沒有強烈主見的中間選民製造其後證實並非事實的恐懼(如英國每週向歐盟進貢3.5億英鎊及大量士耳其移民行將湧入等),杯弓蛇影下,民意於短時間逆轉,不過一年後連他也反思並承認「脫歐」可能是個錯誤選項,亦令英國至今超過三年仍被怎樣「脫歐」的問題所困擾,加上造成民意兩極化下的持續社會爭端,這次投票在情緒凌駕事實下,整件事似乎並沒有贏家!   這些大打輿論戰及心理戰的事情令我想起投資界的所謂沽空機構,他們藉發布上市公司的負面分析,並事前累積淡倉,透過股價下跌從中獲利。沽空機構在初出現時命中率很高,因為他們傳達的大多是事實,不過後來越來越多人見獵心喜,沽空機構的數量增加,反現良莠不齊,命中率也告下降,因為他們已變質,為沽空而沽空下,誇大了目標公司的問題,志在製造恐慌以獲利,多於幫助投資者認清問題公司的作假之處,而投資者往往卻成為唯一輸家,在股價低位沽出了質素還不差的公司。投資市場上人言可畏,投資者需保持冷靜,不要預設立場(如沽空機構的目標公司定必有問題),客觀持平去分析每一件事情,切記不可被情緒掩蓋理智!   簡志健,持證監會持牌人士,博立聯合創辦人 (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)     

Read more

【莫家強】期權短評 – 大市成交有所回跌

恒生指數,暫時第四日上升,但大市成交有所回跌。 只計上午成交,第一日升市有549億,第二日有487億,第三日有516億,而今早,只有446億。 不過,雖說成交有所縮減,但仍較月初跌市時,上午成交額不足400億,現時既成交仍未算太少。 但我睇,港股既形勢就係咁簡單,有錢入就有得升,無錢入就跌。我會繼續留意成交變化。 至於美股,似已回穩。有兩樣嘢令我有呢個睇法。一,「恐慌指數」已較高位大幅回落。二,好多強勢股都升得好靚。例如,兩隻信用咭股都好靚,我相信有機會再展升浪,只要唔係股災,應該有排升。 另外,都仲有好多股票係做得唔錯。總之,記住個general rule,買要買啲有基本因素支持,又近得好既股票。 當然,美股都有衰股,就唔好買。 明日課堂會分享更多我既睇法,報咗名既朋友,到時見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。      

Read more

【莫家強】期權短評 – 恒指連升第三日

先講港股,恒指連升第三日,加上成交配合,有機會繼續行反彈浪。現水平至27100點,沽壓唔算大,假如無壞消息出現,有機會反覆上升至此水平。 但之後呢? 大市會再開始評估企業既盈利前景。先講恒指四大權重股。騰訊和友邦,都尚可以。建行、匯控,則沒有太大既盈利上升空間。當然,現在兩隻股票都在低位,有反彈唔出奇,但要完全轉跌為升,機會不大。 至於美股,大家可以留意一吓以下股票。 兩隻電訊基建股,AMT同SBAC,超強,破哂頂。BFAM,都係破哂頂,你既佢幅股票圖上,係完全睇唔同市況調整既跡象,呢隻股我知有朋友揸住,強股,要繼續揸。公用股NEE,又係跌都無跌過,繼續破頂,都係要繼續揸。 其餘唔少強勢股,都離歷史高位不遠,正在收復失地。同樣地,美股反彈完,下一步市場既焦點都會重回盈利前景,所以大家揀股嚟買,都要睇業績。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。        

Read more

【莫家強】期權短評 – 港股表現唔差

港股,表現唔差。美股咁跌法,騰訊又跌成咁,恒指都只不過跌三百幾點,下一步,睇「十點半」。 十點半,恒生指數企高於25000點以上,後市有機會有技術反彈。相反,低於24850點,唔使諗,加淡倉。中間位,反而最衰,難做嘢。 策略就係咁。轉頭上NowTV 做節目,10:45am,返嚟再詳細講。 [13:15更新] 所以話,要睇「十點半」。 今早,真係睇住個專家做live,講到個市好淡。正常。道指跌800點,返到嚟港股,點會睇得唔淡。 但就係,要記住,永遠唔好喺一開市就下決定,因為最重要既並唔係開市前發生既事,而係開市後,市場對件事既反應。 當然,老實講,我都估唔到恒指可以倒升,但起碼,今朝都叫做啱決定,有啲斬獲。 後市點? 恒生指數,有反彈唔出奇。因為,恒指升跌,最主要只係睇七、八隻股票既走勢。但我可以俾個數字大家。呢一刻,恒指上升23點,但全股市只有457隻股票上升,卻有1027隻股票下跌。個市有幾好?唔使我講。 總之,恒指還恒指。如果你唔係玩指數既,揀啲弱勢股,照可造淡。 美股,同樣地,睇今晚表現啦。呢排玩美股,你預咗會亂,要睇住,有機會要出入多啲。唔想咁煩,有兩樣嘢可以做。第一,玩公用股。第二,遲啲先玩。 今晚如有特別睇法,再update大家。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。        

Read more

【莫家強】期權短評 – 趁呢啲位可以開淡倉

對於港股,我完全無期望。今早,見佢升幅收窄,十點半前都升唔返,基本上都肯定個市唔好得去邊。趁呢啲位,我覺得可以開淡倉。 但淡倉,要識開,最好係做一啲風險有限,又可以放長少少既策略。另外,可以揀一啲之前已經跌開,而今日就連反彈都升唔起弱勢股票,重點造淡。 另外,都有朋友問:「有無咩股可以買?」 都係嗰句,點解唔買美股? 兩個股市既強弱差別,非常明顯。昨晚美股,升得好靚,道指上升372點,而絕大部份我哋睇開既股票,都能夠跟升。美股幾個主要指數,未來應該能夠再創新高。甚至,美國既強勢股,有機會藉住牛市既最後升浪,大升特升。總之,跟住個方向,順勢而行,啲股升就一直keep,跌就走,咁就唔會太危險。如果真係俾我哋估中個市,回報將會相當理想。 今日比較忙,仲未得間食lunch,去食啲嘢先,再傾。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – McDonald’s只跌0.25%

道指跌過500點,大部份藍籌股大概跌2%多啲,對於買賣開港股既我哋,根本唔算啲咩。 而McDonald’s只跌0.25%,公用股Nextera更加有得升,呢個就係我早幾日講既嘢,你可以冒幾多風險先?你知自己想賺幾多錢,可以冒幾多風險,就揀自己適合既股票。 詳細策略,上堂時,或喺同學會群組先分享。但點都好,general rule係順勢而行。如果個市唔對路,我走貨會走得好快,但就係咁,就算出現股災,我都肯定唔會輸大錢。 最後,美股之後點睇? 短期走勢差咗,毫無疑問。留cash,等恐慌出現啦。港股,就算低買,暫時我都覺得無價值。但美股,每次低位企穩,都係機會。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】好多朋友由細食到大

呢隻股票,我諗唔使多介紹,好多朋友由細食到大,無錯就係McDonald’s (MCD)。 有睇開我節目既朋友,應該會聽過我講近年McDonald’s有咩轉變。以下係其中三點: 1) 上調加盟店比例,減少直接聘請員工數目; 2) 減少宣傳開支; 3) 利用科技提升營運。 先講少少background。 Mcdonald’s 喺2012年中開始,由Don Thompson 上任CEO。 但呢位CEO,係一位無乜能力既CEO。結果係,喺佢在任期間,McDonald’s 既股價毫無進寸,停滯不前。 「咁經濟差,行業經營困難,換CEO都未必解決到問題架?」 好彩,McDonald’s 既董事會無咁諗。喺2015年初,換上新CEO Steve Easterbook,從此就令公司重踏正軌。 增加franchise,減少宣傳開支,我唔多講。當時,呢兩個係非常正確既決定,但就唔係可以令McDonald’s長遠成功既主因。 真正成功既關鍵,係呢位CEO好清楚McDonald’s身處既位置,並且,好識得將科技融入生意,為盈利注入增長動力。 咁佢做咗啲咩?其中一樣,係引入大量自助點餐機。唔好睇少呢啲機,隨咗可以方便大家點餐之外,仲有以下用處: 1) 最明顯,係減少人手支出; 2) 仲有,原來McDonald’s 有數據指出,大家用點餐機點餐,係會比喺櫃台消費更多; 3) 更重要,係佢哋可以收集大家既behavioral information。簡單講,就係連你喺邊頁menu睇咗幾多秒,邊種產品你望都唔望,佢都知道。 大數據、AI,好多人都識講,但真係已經開始用,並且做得好既企業,暫時並唔多。而Steve Easterbook既McDonald’s,喺呢方面已經行得好遠。除非出現股災,否則呢隻股,我相信仲有排升。 如果,當時佢哋無換到CEO,仲係繼續由Don Thompson管理,可能到今日,Mcdonald’s仍然會係繼續靠賣廣告,苦無對策,只希望生意能夠僥倖好轉既公司。但只有換上合適既人,公司才能再創高峰。 CEO既優劣,對一間公司既發展,極其重要。個CEO唔得,就要換。留一個無能既人做CEO,傷害好大。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】期權短評 – 港股資金繼續流走

港股,無乜特別補充。資金繼續流走,而呢啲錢,一走,可能永遠都唔會返嚟。 純粹講恒指,有反彈唔出奇,因為只要能操控幾隻股票,已足夠令恒指上升。但港股要整體徹底轉跌為升,已經無乜可能。對於港股,不宜抱有太大期望。 相反,美股,好強。 幾個月前,我喺呢個專頁已經開始寫,唔好對港股有期望,要玩,就玩美股。當時,有人話我:「美股升咗咁多,十年老牛,仲叫人買?」 今日,類似既說話,已經無再出現。因為,呢幾個月,美股仍繼續跑贏港股。而我相信,喺嚟緊既時間,美股仍然會一直跑贏港股。 有一點,我一直想大家明白。就係,股票唔係升得多就會跌。反而,真正既情況係,只要你揀既股票夠好,佢係可以升幾耐都得。 你識揀股票,其實已經係成功咗一半以上。餘下既,就係要tune好心態,喺升市中賺取最大回報,同埋跌市識走。 另外,有朋友問:「你估美股可以升到幾時?」 暫時,我覺得最多、最多可以再升兩年。即係,最遲到2021年,應該點都會轉入熊市。但有兩點,我想補充: 1) 以上星期美股既表現去睇,美股於今年內變熊既機會唔大; 2) 美股牛市,應會以一次好強勁既升勢作結,之後,就一跌無回頭。 美股,幾個主要指數,我絕對相信仲未見頂,但要記住,一定要跟足策略玩,博升勢既同時,要識得控制風險。 >>>>>>>>>>>>>>>>>>>>> 而正為香港爭取更好未來既朋友,萬事小心。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】期權短評 – 兩者強弱既差別,顯而易見

道指大升371點,另一邊廂,恒指只能靠中移動支撐,才能保持不跌,兩者強弱既差別,顯而易見。 我既建議,好直接,玩美股啦。 但美股有咁多股票,應該點揀? 你問我之前,我想先俾以下三個選擇你,A、B、C,你揀一個,我再教你點做。 A:要穩陣,一年賺15% – 30%回報; B:可冒風險,一年賺25% – 40%回報; C:博,一年賺40%,甚至1倍以上。 點樣都揀定一個先,然後,我教大家揀股既方向。 >>>>>>>>>>>>>>>>>>>>>>>>>> 揀A既朋友,純玩公用股,已經可以做到。唔好睇小公用股既回報,好多靚既公用股,係可以長年穩定每年升近20%以上。之前喺同學群組,我post 過13隻優質公用股俾大家,只要喺入面揀3-8隻,適當地分散風險,目標回報已可做到。 唔好處,係你想一年賺30%以上,機會好微。 >>>>>>>>>>>>>>>>>>>>>>>>>> 揀B既朋友,可以集中投資優質藍籌股,特別係一啲喺全球都有業務既優勢巨企。但無論如何,同前者既分別,係藍籌股點都會較受市況影響。 今年上半年,個市好,好多我哋揀既藍籌股票,其實都已經升咗25%至40%,一年既目標,半年已達成。往後半年,的確會有變數,但一句講哂,美股未升完既機會仍然較大。 >>>>>>>>>>>>>>>>>>>>>>>>>> 揀C既朋友,一定要預咗冒風險。可以賺一倍而無風險既投資,我話有,你都唔會信。呢樣嘢,的確要有合理期望。 揀呢類股票,我建議,可以考慮以世界發展既趨勢行先,再博一啲有優勢既中型企業。 網店過人化,Shopify (SHOP)有機會得益。呢隻股,幾年無乜點升,但今年上半年,已升過倍。做IT既朋友,你哋有優勢,我哋唔熟,就買最穩陣既Microsoft (MSFT),你哋熟,可以買規模細而有潛質既科技公司。 當然,有機會錯。但如果你係決定要博呢個回報率,就唔好怕輸,計好數,又有exit strategy,就去博啦。 學識三個唔同方向既投資要點,做最適合自己既事。美股,係一個俾到希望大家既市場,有制度,而好公司亦好多。放眼世界,你會睇到好多機會。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

【莫家強】期權短評 – 揀啱股票更重要

1) 美股期貨今朝超級肉酸,但現已倒升,不過,未必代表市況經已回穩; 2) 點解叫大家走貨,睇返去年第四季美股既跌市情況,就會明白; 3) 唔使擔心走咗貨會上唔返車,賺錢與否,唔在於係咪要喺個市升返既頭一兩日上車,反而,揀啱股票更重要; 4) 比較Mastercard 同Nvidia 既走勢,明白揀股既重要性; 5) 美股,如繼續行牛三,回穩後先追,啲好股仍會有好大既上升空間; 6) 但牛三尾段,唔再係雞犬皆升,有一部份股票大升,同時會有更多股票升唔起; 7) 順勢而行,回穩升返,又set 到止蝕位,會買返啲股; 8) 相反,企唔穩,再跌,就一路留住cash,唔玩住。 不妨睇多兩三日先,特別留意啲股票既表現,等個市話俾我哋知應唔應該追貨。 有特別嘢再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。    

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室