【莫家強】期權短評 – 呢隻股票已經升咗接近40年

呢幅股票圖,年期由1980年開始。

呢隻股票,基本上咁多年都一直維持上升趨勢。換句話說,已經升咗接近40年。

上過我堂,或者有留意開我節目既朋友,相信唔難估到係邊一隻股票。

但我想講,呢隻係咩股票,唔係重點。

喺美股市場內,可以長升十年、廿年以上既股票,唔止一隻。除咗呢隻股票,仲有好多其他選擇。

重點,係你既mindset,你既投資概念,有無攪錯到,導致你經常揀錯股票,賺唔到錢。

有好多投資者,都有個諗法,就係一隻股票升都咁上下,就要跌。但實際上,股票並唔係咁。

一間公司,只要佢既盈利係能夠一直增長,而管理層又願意同投資者分享盈利成果,咁股價要升幾耐都得。升40年,都無問題。

你既mindset攪錯,股票就會揀錯,策略就會做錯,你會買埋哂啲衰股,回報亦會跟住反映。

相反,改好mindset,所有嘢都會唔同,包括你既投資回報。

中美關係傳來好消息,固然會提振短期港股表現。但以現時中港既經濟情況,港股又真係有幾多上升空間呢?

對於港股,我暫時唔會貿然造淡,做法都係維持以高贏面既策略,收住時間值先。不過,買股的話,我依然會建議買風險較低、上升潛力較高既優勢美股。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室