剛賣樓撈左筆,想退休應點做? #1499

Dear Lum Sir,

你好,我系你買樓001及003與收息101及103既准同學,昨晚剛上完101堂,好興奮可下周上第三堂,我一直有看你既FB,叢中見到吾少cases,真系歎為觀止,希望能夠得到你既賜教。

 

其實3年幾前看完你既FB便鼓起勇氣去你推介既沙田買左一個沙田中心376萬既一房單位,剛于11月以500萬賣出,賺左百幾萬,實在要多謝Lum Sir。 其實賣出既原因系覺得沙田已升得非常高,一房單位於市場上亦非常多,有一段時間會難升,另想換其他區既兩房單位。

而家同老公加埋有少少錢,吾知應該如何投資,希望Lum Sir 能賜教。

 

本人 43歲,收入32500,預計今年1月後人工加至35000,另由今年4月起每年有bonus30000

老公46歲,剛辭職,以前收入20000,見地產樓市暢旺,將于過年後轉工做地產(已有牌),未來收入未知。

育有一個10歲兒子在中西區返學

現金400萬 每月保險費5000,兒子補習及課外活動2500,其他支出21000

無樓

現住中西區兩房單位 租金14000(因兒子系中西區返學)

每月儲10000

 

現投資計畫如下,希望Lum Sir能提供意見:

先以我名買入470萬樓房(因系貴FB建議過荃灣中心,我打算買入中size兩房單位)來對沖樓市。 (請問是否應該買筌灣中心定其他屋苑?)

比235萬及做五成按,比15萬裝修樓房,月供11600。 正式出租,約租金13500。 等樓房升值,再加按至5成做債基收息。

到樓市跌時,因有租收及本人人工提升左,便可以擔保老公名再買入另一新界單位收租。

另,買入120萬直債或債基收息14%,即每月收息14000。

有感兒子長大,想于明年換中西區3房住,已知租金大概18500。

本人同老公既終極目標系60歲後吾工作,以上投資做法是否可行?請賜教。

由於看中層樓好鐘意,放售470萬,但其實外面同樣單位為500萬,希望Lum Sir能儘快回復。

 

心急女學生上

 

ANSWER:

首先不用客氣多謝諗sir,係讀者個人的執行力幫助到自己。正如N咁多人都想劈炮唔撈自己攪生意,真正肯計劃肯冒險出黎撈既又有幾位? 正所謂欲無後悔須修己,各有前因莫羨人。認真及細心,加上唔好心急,建議為下一步口訣。

 

由於老公轉地產收入未明,故讀者家庭收入計為約月四萬,水平一般而勝在早年因買樓而獲400萬(稅局打黎問千祈咪咁講),方向為量盡利用老公職業之便利而把錢用心收租+收息。有些人職業不便將錢用盡方法收息,例如銀行內某等級員工係唔可以做margin,冇得疊增。又或公務員一般就唔可以攪咩僭建套房收租,你睇下新司長近排咁忙,最慘連佢老公既舊情史都比人爆埋呢野慘,真係賺幾個億都補唔番。有左Facebook,媒體要跑瀏覽量最好就搵人地d暗黑史消費,唉真係彼此也在消磨…

 

無樓係手的讀者,買一間是必然。但由於本金少而老公有時間,不妨去盡點用洋樓做套房。不過做之前應先看看律政司司長點處理「自己告自己」呢件事,才作去馬。僭建本身違反了建築物條例,屋宇處可釘契及要求屋主還原,嚴重者可派人黎拆而政府收番業主錢。一間與荃灣中心同價的470萬樓,攪得正常應該收緊25k月租了,而月供估計是14k,雜費1000,即月產出25k-15k=一萬元正現金流。讀者將在未來見面得知實行要旨及方法。估計此案可動用讀者100-110萬。

 

另一方面債基疊增收息合讀者,直債就唔好,主因是直債碼大,想保本咁收成10幾厘有代價。債基可行B餐加E餐。B餐收20%/年而槓桿水平高,E餐收10-12%而槓桿少難CALL LOAN,係選取投資物在「2008年壓力測試」下跌了32%仍未CALL LOAN,E餐是可接受的投資方案。兩者可共買160萬各一半,平均收息約16%即每月產出160萬*16%/12 = $21.3K,留番400萬-110萬-160萬=130萬係戶口,有咩事可急應用。而讀者之正現金流為21.3K+10K = 31.3K,成31000元新增收入都初步夠用啦。至於老公可睇緊一下債基每星期變幅,工祊作時間自由可更有效應對市況驟變。

 

若按原本計劃買荃灣中心,留意現時的40年樓再賣個陣好難做到按揭,即係佢下家好難將樓按拉長黎還,變相降低樓房吸引力。相比下麗城及荃景更有吸引力,又或荃灣洋樓正是選擇多的地區,如果讀者真係想睇,佢可以堂上找筆者查詢荃灣相熟經紀。留意海濱及「愉城」在2019年尾前受頗大沽壓。要睇清楚。但根據買樓課堂上所用數據,棄沙田是正確的。

 

坊間上全部金融機構比意見及打廣告從來唔提買幾多錢先好既,因為佢地答案只有一個:「唔該買哂!」








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室