$544蚊一呎香港向南樓點幫到讀者? #1297

Dear 諗sir,

 

諗sir你好,本人拜讀 貴blog已有一段時間,有報讀買樓課程,亦打算報讀4月的收息101,希望你能指點一下。

 

本人26歲,已婚,月入38k,太太月入25k,我倆均未曾置業,現居於家人名下物業,沒有供樓負擔,扣除家用、開支、保險,每月可儲30k,未來兩三年未有生育的打算,因對香港的未來及教育沒有信心,自己又未有能力送他到外國。

 

現時手頭資金+股票約100萬,家人亦可借出50萬協助置業,正考慮以下方案,請問是否可行?

 

  1. 不動用家人資金,購買一個400萬左右的小單位作收租投資之用(首期+開支約50-60萬), 其餘資金分配到債基及股票上,兩三年後看看有沒有機會轉較大的單位。

 

  1. 購買一個600萬的兩房單位收租,畢竟現時400萬以下物業的就選擇不多,但此舉風險較大。

 

另外,父母有2個已供完已補地價的九龍區居屋單位,市價分別550萬和400萬,正考慮是否應遊說抵押銀行套現,買樓收租投資。 另亦考慮諗sir提及的買債收息,請問以現時的資產狀況是否可行?

 

十分感謝,希望收到你的回覆。

 

90後夫婦上

 

ANSWER:

讀者如果連埋父母資產計,去買債收息就一定可行。但以兩人投資知識及經驗計,買債收息就絕不可行。請勿將父母的辛苦資產平白輸走,何況父母都係居屋輩,錢係逐蚊逐蚊咁賺返黎,仔女需將錢慎重處理。讀者的工資及儲蓄都在中等水平,有何方案利用自己儲到的一百萬,自食其力,行出一條廣闊大道?

 

搞好理財需對賺蝕有良好心態,不少人對投資物買入及賣出之訊號有知悉,惟受賺或蝕影響心情,最尾空有訊號而不作行動,就如聽到警報但唔會走火警,那搞什麼警報都無用。訊號是硬知識,可以學得到。心態要時間磨練,26歲的讀者能否為父母樓加按所得(550+400)*60% = 570萬作出好決定,筆者有疑。

 

由父母供哂間樓,加上讀者自己儲錢都唔係懶,可預示5年之後讀者唔愁無財可理,最緊要而家從實踐中學習。打理樓房更著重實踐,租客之處理又或租金之調節,很在於業主與租客怎作面接。交間樓比租務AGENT打理,筆者看法是始終唔夠自己打理好,一來緊張情況唔及自己落場、二黎若想過小康式的財務自由生活,業主一般退隱後都會自己搞收租,慳返請AGENT的支出。面接有如設備損壞維修、加租續約,請走租客,此等事情建議讀者買大屋苑細房一間作探討。反正無樓在手,趁後生買樓收租等租客供滿佢,錯極都唔會太遠。就當樓價大跌,亦可與全港業主承受價跌,人蝕你又蝕,其實問題不大。

 

有些人係懶聰明又或根本是貪心,奢望自己判斷比施永青仲準,又或希望廿蚊一本雜誌加埋萬零銀人工既小編功力可助佢看通樓市,低買高賣。可惜2010年至今無人成功,而最近更出現恐慌性入市。若樓價真在2017-18跌下來,懶醒又心態唔好既聰明仔又大注入市買三房,咁就預左被狠摑兩把,陷入「佢大蝕而人地無蝕」之地,十五年積蓄一下子在樓市蝕走。家陣唔係話無樓唔得,但以香港人而言,再加埋股神巴菲特都講:「三十年按揭是最好的投資工具」。原因係買樓係最方便單邊賭銀紙貶值的工具。只要銀紙貶,基本上買樓長揸都會贏(詳見CASE #1292)。可能你問:「咁樓市跌業主唔會被CALL LOAN逼死咩?」那你就要問問,沙士個陣有幾多個親戚被人CALL LOAN。其實CALL LOAN集中在少撮人仕,如佢地當初安排好一點,亦可把CALL LOAN避免。
7

感謝專頁「我既世界無垃圾」。上圖係1983年既星島晚報,當時恆基旺角一呎樓賣$544,咁你話月供需要幾多錢? 供到97年每月要供幾多? 呢個世界無賺盡,真聰明既人都會明白、更需衡量孤注一擲的後果能否承擔。有錢人亦唔會刻意披露財富,除非佢好想多交稅。







本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室