未來兩年有咩投資要跌五成? #1265

Sir 你好,

本人一向留意你的投資分享及個案分析,獲益良多!今次希望能得諗Sir為我解答,以便解決投資與安居的煩惱。

本人35歲,公務員,月入$56,000;太太33歲,專業人士,月入$52,000;流動現金100萬。2015年以太太之名在紅磡以2成首期買入590萬一房單位,以H+1.7攤30年供款,每月大約供$17,000,現估值680萬。因為未來一至兩年內打算生小朋友,希望能換上2房單位,但又因美國預期加息至2019年底,本人不知下列那個方案更為適合:

 

1)     將單位加按套70萬,本人買入土瓜灣2房二手單位(預600萬以下; 2成首期),然後將一房單位租出(預大約$18,500)

 

2)     將單位加按套70萬,本人之後買入新樓盤啟德/南昌(睇好未來長遠發展) 4百幾呎2房單位,預700-750萬2成或更少首期上會,然後將一房單位租出

 

3)     將單位加按套70萬,仍住單位,以不變應萬變,等2019再入市買一間2房作一家自住之用

 

期待你的答覆,謝謝!

 

ANSWER:

加息同樓價升跌無關聯,唔好睇財經雜誌,亦都唔使相信。撰寫雜誌個位人兄辛勞工作為三餐,但要寫出好文章需不斷在工餘時間看書看養份文,加上被訪問個位大都只係跟足主編思路應酬式答下,人材不再留在紙媒身上,什麼「兩年樓價跌五成」、「息魔殺到股樓有難」,已在2012至今鐵證害人不淺。不時都收到者賣走自住樓後感懊悔的個案,寄語新一年做理財決定要靠自己,本網主要教你點計出黎。當然確切執行之法需付費到堂學習,但要了解個大概同框架是免費的!
4

2013年封面

 

筆者不才,冇水晶球睇到2019年發生咩事。不過若有機會獲特朗普接見,如筆者問佢點睇2020年近佢落台個陣將發生咩事? 相信會換來一句”STUPID QUESTION”及被逐出白宮。一個做實事及落場打過仗既人,係唔會花時間思考呢D假大空既問題。毛澤東於湖南開始長征之前,我唔問米都敢肯定主席出發前唔知終點係延安。返黎2017,根據CME GROUP的利率期貨顯示,2017年底加兩次息的機會有33%,加三次息有24.5%。該網站利用金融業內交易員之真金白銀落注行為作判,比起屬外行的傳媒工作者更可信,至於2018年之後筆者唔知。人要分清楚咩事屬你能力所及,做好佢。對於不清晰的將來,最好應對方法是提高自己能力、而唔係去搵先知。

 

特朗普搞輸左盤生意、佢會破產。當然一生佢不愁錢、但會無面子。

毛澤東搞個黨,押上生命做注碼,不用談。

彭定康搞衰左香港回歸,返到英國佢保守黨既政敵會好好招呼佢。邊好似而家有光環,大把演講show做?

領導香港既AO,又或特首,搞衰左個政策,糧照出工照返,咁既制度,點會有人材?

所以「侵-Trump」勁,有得解! 純屬因果。

 

 

幫到閣下既,唔係專業知識。而係批判思考、與及保存財富的能力。偷錢唔一定要賊仔,你入銀行、交稅、去健身、食李生請你鋪buffet,全部都要慎思而行。

 

要睇今年點行、必著眼於中美貿易順差。2017年1月19日環球時報標題文章”特朗普團隊休拿貿易戰威脅中國“提及「中國對美有較大貿易順差,但是那些順差更多遵從的是“存在即合理”的邏輯,而非某種不公平貿易政策的結果」。中國一方已出言恫嚇美方不要打貿易戰,美國點回應將主宰全年政經格局。參與收息103的舊生除了新品種債基及直債投資方案外,亦會知悉筆者怎為市況作分析,已讀過103的舊生是半價上堂的。若筆者有得見「侵-Trump」,我寧願問下佢會出咩招制裁中國。另外,下列港股例如利豐(0494),佢最鐘意同美國佬做生意,筆者tip佢唔使兩年個股價就會跌五成。當然筆者名氣低,無iMoney同我做「專訪」更整返個靚咁既封面(葡萄中….)。不過陸生堅係醒,佢2016無買大價股好耐,上年已投細價港股市場。

6

啟德一號是半居屋,觀點睇舊文自己搵。買南昌,區內人口成份之收入仲低過將軍澳,當然作此話述是為分析樓市而來,唔係歧視。至於筆者對讀者提出之三個方法都不認同,建議是將自住屋加按、而將金額收息,再行以租養租用收息補貼租兩房。另外佢2015年做錯決定買一房,今時要花錢換兩房已見其害,但報應估計仲未黎哂! 新一年筆者祝福佢可以捱到2018等SSD過左用同價將一房放翻出去。

 








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室