Tilly buddy呈獻: 銀行怒sell四十二小時 #1145

近排長者要抽銀髮債券,得知朋友的父母被「痕身銀行」職員拉入房間被人怒sell四小時,做法令人髮指。父母已超65歲,本著政府債券買下無壞既心態去街坊老店親襯一下,到頭來身份證被扣、游說投保為期20年的儲蓄計劃。朋友告知筆者、大家一同呼叫「他媽的」! 當然老人家對錢都未蠢得哂,係不斷否認自己有88歲命,而職員將投保年期由20年降至10年又再被拒,職員最後將父母無條件釋放。

 

08年金管對長者銷售監控得十分嚴,65歲長者想係銀行做投資一定要搵仔女陪。當日朋友父母皆65歲到銀行抽IBOND,為何職員明知唔可以即場做到生意仍要「夾客」? 找舊同事問一問,發覺近月銀行生意十分淡靜,雖恆指升了超一成,但不少街坊對銀行攬客手段感厭煩,要調動錢都靠網上理財。分行網絡不斷萎縮,這對銀行膠層而言無問題。網銀做得好只會令佢更有藉口炒哂分行班契弟。當然按勞工法例補錢送員工離職一向唔係高層做法,要同外間公佈零裁員又想節省成本,最好梗係逼班員工自己遞信走人。

 

近日網上流出了銀行內部whatsapp訊息,見到高層由摔數變為摔appointment。有d銀行有間葵涌既分行、更是連teller都頂唔順集體辭職作應對。無他的,萬零蚊人工要個靚妹上晝轉介下晝跑外幣而夜晚埋數又唔可以錯,勞心程度令人蒼老幾年。賺到一萬蚊但輸左出去識筍盤既機會又何必? 中女薄有積蓄更加唔會同你玩、何況銀行員工服務手勢有規有矩,去出面搵份萬零蚊既服務性工種不難。點會有人但同你發揮咩野Teller Buddy力量呢? 變哂Tilly(吊你) Buddy就有份!

001002

見圖知道班teller連續兩日無轉介過客就要見OH(operation head),第日大家落去分行,如何果見到teller用懇求既眼神叫你入房見一見個sales,你就唔好拒絕啦,人地都好慘。至於一些唔做出納的CS(cusomter service),每日叫唔到客入房自己要罰留堂。一些有意加入銀行工作的年輕人真要細心想清楚。至於金管規定職員推介之物品必須是客戶所需、敢講銀行推介既一次都唔會符合。賣得野個位真實好難去SELL好野,你諗下係咪?

 

至於朋友的父母,補迫坐足幾粒鐘換來RM(relationship manager)銷售同事早收工。要知現在有些銀行同銷售同事唔只計生意額,每日究竟出過幾多份建議書都要查。係上有對策下,估計父母坐低是為了職員完成活動量,至於真係想個阿伯買單,筆者估計銷售職員無此意圖。因為一個68歲既阿伯做一張20年月供的保險單,對該職員而言都係好大風險。估計職員都係為求保工作,近日搵班搵抽bond既阿伯攪一下,希望捱多一兩個月做落去咁啦。不過銀行高層為求瘦身,擺佈職員同客戶的事情相信陸續有黎。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室