【股海崢嶸】Kevin Sir 短評

20160718-00

 

上星期五下晝,見升幅收窄晒,仲以為個市要抖吓。好彩我一向都睇法還睇法,做法還做法,唔會因為自己一時間嘅估計,而亂咁改變自己嘅策略。所以我嗰日都有講,繼續坐貨乜都唔駛做,千祈唔好估頂。結果今日個市又再破頂,現階段,坐定定已經係一個最好嘅策略。

 

最近都收到一啲朋友問我邊隻股咩位放好,個市跌到咩位可以買返。我知,如果我好似其他行家咁,答咩位咩位會有阻力,跌到咩位就會有支持,咁樣大家一定會收貨。

 

但係唔好意思,我從來都唔認同呢個方法可以幫大家搵錢。

 

所以我有我嘅堅持,我寧願講一大堆道理,都唔想求其講個價位出嚟。要喺股市嬴錢,唔係咁樣炒黎炒去㗎,邊有人會估到個頂同個底喺邊㗎。你一廂情願諗住會有調整,有無諗過如果回都唔回,你就錯失咗一個大機會?

 

唔好顧住問貼士,做法正唔正確先最重要。

 

 

Facebook Fans Page【股海崢嶸KevinPoon






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室