諗sir不時收到同學查詢，話佢睇中左一間樓，開價仲要比銀行估價低20%，問究竟係唔係兇宅? 世上的「真。兇宅」何其少，咪以為真係咁多鬼同邪野供你撞中。大部份肯低於市價賣比你既樓，古惑的另一面係咩？
先講講睇兇宅，主要靠查冊、網上搜尋昔日新聞及兇宅網、區內其他經紀收風，其中只係查冊一途最Offical的。利用$25上網做個FULL SEARCH，若你見到住宅曾被POLICE落過ORDER封屋，很有可能是發生不自然死亡。惟不少經紀話查冊見到死亡證，就係兇宅，這不太為正確。因查冊發現有死亡證作附件的情況還包括長命契生還業主為行使全份業權而向土地註冊處加註，又或一單爭產官司加備註都有可能，所以不要單單睇到有死亡證，就斷定該單位係兇宅。
留意兇宅係無法津定義，我們亦已在課程相授買家怎做足措施去避免買入兇宅，及做足準備萬一比人呃左，點利用預先前設去有效追討賠償。
大部份業主肯低於市價賣既原因:
- 樓前身做過銀主盤，現時業主買入而發現瀨野，所以搵你做冤大頭。銀行盤多由拍賣行offer，而買拍賣樓行規理解為新買家唔準問契，即係一切間屋有關之前業主的事，無論上手死左破產定爭產，都唔準問。有d人功力未足(包括筆者)又貪平買入，後尾發現間屋收到傳票，咪死死地氣搵下手攞。銀主盤可由查冊見到EX. POWER OF SALES去辨識。
- 有時出POLICE ORDER，可能唔係死過人，而係做黃色架步比差人掃左場。如你查冊見到間樓成串差人叔叔字句，係呢味野
- 一些人比人地告而想轉移資產，可能會想賣樓走佬。呢類人如已被狀告了，法庭會落釘去禁制佢地賣樓。如查冊會見到COURT ORDER。留意如買家在不知情下買左呢間樓，發庭可以取消交易，令買家搞咁大輪得個桔。
- 有些人離婚，比前夫/妻告索償贍養費，故利用賣樓作轉移資產手段。你會係查冊見到有COURT ORDER，及DIVORCE字眼。如現手業主有呢d問題，睇清楚佢究竟係咪比人告緊。
上述只列幾種，唔係全部。所以話，由人引起既問題，遠比鬼打攪你既麻煩多~