[曾幾何時靚仔都著Bally] 鹹魚翻生 又有Kickers

1. 冇乜特別,Quite Simply,就係Dr. Martnes上市,當然係在英國。你心諗:下?仲未上市架咩?
2. 實情都好多呢啲例子。外國啲「品牌」,眾多原因,有啲N年都唔上市,特別係歐洲啲公司,驚死英國佬美國佬搶佢身家。
3. 另外仲有啲,係上完市又退市又上,甚至一早得返個franchise,最早嘅創辦人都冇人理。例如 Burger King,2006先上市,又退市。然後2012又上過。又賣盤,好煩。唔止,仲要可以分開不同地區玩。印度Burger King早兩個月上市升一個開。印度人都食牛?咁印度有回教徒架嘛。雖然印度BK應該真係冇牛肉漢堡的。(**)。唔止,中國區個franchise又話另外想上市。唔止,之前香港仲要分開兩個,機場山頂一間公司做,其他地方另一間。煩到一個點
4. 講返,好多「老牌」公司,上市歷史好短。之前都寫過, Aston Martin上市都未夠一年。當然仲有早排上市嘅McAfee(歷史唔長,但大家以為呢啲公司一早上咗市嘛)。
5. 上市唔上市喎,當中有好多取捨嘅。Rule of Thumb 一般都係上市好過唔上,但唔上有唔上嘅原因。咁有乜好壞,就真係Commerce 101了,應該任何做股票research 拎最低工資嘅都識(雖然實務上有啲人拎十皮八皮人工都答唔出)。但最簡單,蔡東豪話齋,上市公司可以玩「財技」,可以印公仔紙。至於唔上市有乜好?當然就係閂埋門打仔 本人鍾意拎晒啲錢包二奶 租晒自己親戚啲舖你吹咩,唔使睇啲濕鳩分析員基金經理指指點點。但而有咗「同股不同權」,就兩者兼得了。
6. 講返,著咗Dr Martens唔知係咪真係行得快啲(我冇著過,唔好問我,我著adidas返工的)(***)就唔知,但近期生意不錯。收入按年升到近20%。疫情下喎。因為網上銷售。
7. 又,同好多牌子一樣,早已經在外人之手了。一係好似LVMH咁奢侈品美心味將軍七菜刀,一係賣畀私募基金。時代唔同啦,讓專業的來,當然係財技商管專業。呢啲嘢有時令人幾反感,但麥當勞唔係經Ray Kroc一搞,只係一間屈在唔知邊嘅普通舖頭。
8. 私募基金一接手,當然係cut cost,全部踢晒去亞洲製造(應該之前都好多係吧?)。另外,以前聽講話啲鞋有得「一世保用」,你畀一個開,但成世幫你整,或者著爛換過對。私募基金接手當然就冇呢啲嘢啦,真係「誰人有相信一世一生這膚淺對白」。近年啲咩一世保用一世免費,相信大家都係笑下算,正如我亡友話齋(****),上床前嘅潤滑劑啫,唔想講嘅買支KY效果都差不多。真真假假何必介意?
9. 聽聞話而家啲Dr Martens手工差咗好多,好快著爛。公司堅持冇咁嘅事,用家可以分享下。但,係咁架啦。個個都一對鞋著幾十年,梁蘇記咩!(*****)。個個都一部電視睇幾廿年 一部洗衣機用幾十年,點掂?冇架啦。Welcome to capitalism(******)(*******)
10. 抽唔抽得過?鳩知咩。價都未定。唔好咁爛賭啦。
(*)個題出賣年紀了。四十歲以下嘅明唔明?
(**)正如杜拜都有鼎泰豐,但就變咗雞肉小籠包了
(***)做Research著 Adidas 返工都得?得,唔怕畀人炒咪得。
(****)亡友真係亡友,邊隻字你唔明?不過句嘢係我講的,但佢發揚光大不停同人講。而我睇到呢句嘢,係一個女仔寫嘅書。
(*****)再問一次,四十歲以下嘅有冇人明?
(******)其實唔止Capitalism.Capitalism 有咗都幾長時間,但近幾十年更加係高度金融化嘅社會。同60/70年代好唔同。可以由列根 戴卓爾 蘇東坡 佛利民 Big Bang(唔係韓仔)講起。但記住,倫敦變成金融中心,係因為Big Bang,唔係襟蚊籮。
(*******)諗起名校女生埃汾太。佢話佢啲中學同學?著對Timberland去打波。「咪好快爛?」。就係一個月換一對!有錢人同你嘅世界係唔同的。囡囡回想當年Timberland一對應該千幾銀,Dr Martens就五舊水,一對Timberland三對Dr Martens咁上下。正如江湖傳聞,Chanel啲衫唔係拎去洗的,著完就掉啦

============

了解更多:股市漁夫系統 免費試用

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top