【漁民系列】漁利投資日記 Day 18

11月18日周三。運輸行業的風中勁草開始有升有跌,個別如海豐(1308)、中遠海控(1919)繼續創新高。擒日大陽燭的勝獅(716)今日再升,小弟掛0.47的買盤成唔到,但唔想高追,唯有等佢整固再買。原來疫情令全球貨運形勢大變,歐美急需補貨,令出口樞紐的貨櫃短缺,因此全球貨櫃運費飆升,仲創歷史新高添!唔怪得知運輸板塊近月咁強橫,如果唔係漁夫系統,小弟根本唔會發現到呢個趨勢。
小弟手痕痕,睇下運輸行業有冇咩落後股,發現有兩隻齊魯高速(1576)及中航科技工業(2357)今日出突破訊號,能量上升,但20日能量分別只有5%及0%。睇睇兩個圖,市值較大的中航科工仲未突破成交密集區,市值得19億的齊魯高速好啲,RS及OBV都正面,但兩隻始終都非首選,觀察住先。
金屬與採礦,中國宏橋(1378)、洛鉬(3993)及中鋁(2600)、江銅(358)及貴金屬的紫金(2899)繼續升,其中五礦、江銅、宏橋仲創埋52周新高。贛鋒鋰業(1772)及鞍鋼(347)則回吐。小弟按照原定計劃,在江銅再升一棍時平埋剩餘的call,算係對自己有交代。
經船長提點,又睇下金屬與採礦行業,原來擒日俄鋁(486)出咗訊號,睇往績似乎ok,股價似作勢升離成交密集區,RS及OBV對辦,不過對上喺3.7-3.85元及4.2-4.4元都有蟹貨區,以同屬鋁業的中鋁表現都唔差,俄鋁似乎亦值得留意。中國稀土(769)亦係好似想升離成交密集區,但RS及OBV似乎冇咁靚,對上0.48-0.52則有兩三個月前形成的蟹貨區。
小弟睇下睇下,有隻有訊號但較冷門的大明國際(1090)係做不锈鋼的,市值只有28億,但睇圖卻覺得唔錯,4月至今穩定地級級升,20日能量竟然有80%,RS及OBV都正面,又請各位漁友品評下。不過成交實在太疏,大戶不宜(我諗好多漁友都唔合資格~~)。
製藥行業,整體板塊唔算太差,但早前出訊號的藥明康德(2359),剛公布入股腫瘤學藥物公司,股價即刻插水,市場似乎唔太鍾意呢單刁。師姐喺跌穿10天線已經走晒,佩服!今日插到成交密集區頂約121元附近就彈番啲,有漁友博stop hunt入貨,其實若以跌穿成交密集區作止蝕,小弟都覺得值博,不過只嫌板塊唔夠強。
其實今日玖龍(2689)亦係忽然大陰燭大成交下跌,在CFO沽貨的消息下,股價係咁意插穿50天線就回升番,又一次完美stop hunting示範?
食品與飲料,受惠刺激內需國策,都有幾多股份突破後表現都唔錯,11月仲密集出突破股,如現代牧業(1117)、天韻(6836),今日仲有隻升20%的華寶(336)。呢個板塊睇落都值得留意。
睇完咁耐板塊,又睇下ETF。之前頭十位大部分都係A股ETF,如今好似有少少唔同,第2位係安碩亞洲除日(3010),第3位係安碩MS台灣(3074),第8位係領航標普五百(3140),第9位係安碩印度(2836)。亞股ETF似乎漸漸有力,係咪反映宏觀資金流向?要問下船長先。
今日寫住咁多。

============

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00
wtsapp icon top