【李聲揚】富貴險中求

恒大債券都有人買?夠平咪有,細劉都買啦,賺到錢添。

TLDR:你話,搞咁大壇嘢先賺得910萬美金,要飽食驚風散。咁咪簡簡單單,買大公司buy and hold咯,再唔係月供ETF咯。總好過做鍵盤戰士日日話爆煲,自己先爆煲。

1. 呢個公告夠晒悶(https://bityl.co/40pe),但嚟到我手上,梗係又可以寫篇文。最緊要大家支持。

2. 如果只睇標題,甚至睇第一版,都唔知係乜。只係講「出售票據」。哦。賣價6243萬美金,面值6300萬美金。哦。即係蝕錢?

3. 梗係唔係啦。第二版(即係我呢張圖)咪話你知,賺910萬美金。7000萬港紙喎。

4. 點解?好簡單,個賺蝕唔係係「面值」決定。「你炒過黃牛飛炒過股票就知」。你嘅賺蝕係賣出價減買入價(同埋中間啲相關開支啦,不贅),同面值可以冇乜關係。你300蚊買張演唱會飛,500蚊買出去,你就賺200蚊—張飛係100蚊定1000蚊飛,同你賺蝕冇乜關。邊位買股票果時有理過你隻港交所嘅「面值」係乜?(留意「面值」甚至唔係每股淨資產唔係帳面值……咁其實係乜?其實咩都唔係)

5. 而呢堆票據呢,係4月時,好平嗰時買的(https://bityl.co/40pq)。所以咪賺到910萬美金—計真啲,6243萬美金賣出,即係成本5333萬美金,執17%。半年咋喎。

6. 不過,呢隻「票據」,係債券了。所以個面值就有意義嘅。到期渣到尾,咪收6300萬美金。「咁我6243萬美金咪好笨?」。咁,首先,有利息,有機會成本,都冇話你知幾時到期,分分鐘等到2047(其實係2021-2024,冇話得一隻,通告再後面有寫)。另外,萬一嗰條友到時找唔到數點算?而家6243萬我錢已收啦,到2047佢破唔破產都唔關我事,我賣咗張債券畀第個啦

7. 咁你又諗,第個咪好笨?為咗57萬美金(6300-6243萬),等多幾年喎,仲要可能人地找唔到數。咁又錯啦。因為中間仲有息收嘛,渣住嗰個仲可以收多幾年息。6.25-12%一年不等—當然假設找到的話。大家商業社會,自己計數啫。

8. 講咗咁耐,都未講有乜特別。特別在?出通告呢間,叫做利福國際(1212)。而嗰堆債券,係近期近聞多多嘅,恒大(3333)

9. 先講利福國際,不致於冇人識嘅。劉鑾鴻嘛—留意,唔係劉鑾雄。係細劉唔係大劉,雖然都同恒大搞埋一齊。但兩兄弟,一般嚟講,在證券交易法規呢,並唔係「一致行動人士」(另外有機會講)

10. 利福國際做乜架呢?SOGO。尖沙咀,銅鑼灣(*)。仲有寧寧舍舍銅鑼灣SOGO間和三眛係利福國際直營的(所以咁多年屹立不倒)。仲有在啟德投咗塊地。

11. 當然,同大劉嘅公司都差不多,好多時呢啲收租寧售呀,副業嚟啫,正職往往係揸鑊鏟。但近年兩兄弟已經收歛好多,唔同以前股壇狙擊手咁玩法,又買華置(係呀,原本華置係人地的),又搞嘉道理(半島酒店,唔係農場)之類,另文再講。

12. 實情,都冇乜好評。成班大肚腩茶餐廳廢老指住電視教美斯C朗踢波咩。咁事後當然話到你知,4月時恒大講到好唔掂(其實成個市都唔掂),啲債價插水,細劉咪去買咯。咁早排又好唔掂,冇理由沽嘛。但而家掂返,啲債價彈返,咪套返現。幾咁簡單。正如我見美斯都係推幾個輕輕力挑高個波入網之嘛,其實唔難。

13. 你啲網友就梗係只會話恒大爆煲啦。但諗嘢唔好咁二元,講到尾係值唔值搏啫,你見姓劉嘅一樣落去撈底。你醒過佢?結果呢?本人寫到明唔會死……住(咁人就總有一死,唔使第時死咗出嚟抽我水,況且我Patreon寫到明,唔死唔等於你要買)(https://bityl.co/40qB

14. 值得講小小嘅係,利福國際雖則唔多人識,但規模都唔細。舊年19億港紙純利呀!近100億市值的。

15. 另外,同系仲有隻利福中國(2136),姐妹公司,利福國際冇渣住利福中國,但大股東都係細劉。咁利福中國做乜?好易估,就係大陸嘅SOGO,久光。

16. 呢隻就細好多啦,17億市值。半年純利1億都冇,舊年全年要輸錢添。成90億淨資產,好大折讓。但好多都係固定資產。

17. 最後,嚟緊新鮮滾熱辣隻恒大物管,8月引咗堆戰略投資者。包括乜人?甘比啦,利福國際啦,新世界姓鄭架啦—嚟嚟去去都係嗰班人。

(*)實在SOGO海外玩不同Franchise,例如台灣之前係太平洋SOGO,早幾年就改名做遠東SOGO。最正係台中又整間廣三SOGO。更吹脹係遠東/太平洋SOGO在大陸都有—但大陸另外又有其他Franchise,十分混亂。正如當年香港Burger King,機場同山頂店一個Franchise,其他地方又另一個。

============

了解更多:股市漁夫系統 免費試用

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top