歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
先講整體市況。
美股嘅情況，實在不容樂觀，幾隻大型科技股，走勢極弱，當然股價跌咗咁多，遲吓有機會出現反彈，但如果反彈後股價再跌，到時情況將會比現在更加嚴峻。呢樣嘢，大家要注意。而今日，我會同大家分享我嘅中長線部署。
首先，現時並唔係大舉買貨嘅時候。以下，我配合埋蘋果 (Ticker: AAPL) 嘅圖表，同大家講點解。
我經常都同大家講，要順勢而行，股票升嘅時候，可以一直買，一直揸，但到跌嘅時候，要識得走貨，同埋唔好隨意撈貨。過去兩個星期，其實我keep住都收到有朋友問蘋果可否博反彈。但如果你真係買咗嘅話，依家不但就要坐艇，仲要唔知AAPL嘅股價仲有無得跌。
AAPL，走勢仲係極差。遲啲就算出現反彈，雖然都可以博，但都要小心如果反彈無力再跌，呢隻股票嘅走勢就會變得更差。
另外，其餘幾隻科技大股，例如係MSFT、AMZN、FB、GOOG，全部走勢都好差。呢個情況，係過去一段時間都無見過。我比較擔心，係大戶轉身嘅跡象。如果係真嘅話，美股可能仲會有一吓急勁反彈，但反彈完，後市就可能會徹底轉壞。呢個，係過去牛市轉入熊市時都幾常見嘅一個形態。暫時，未知今次美股會唔會咁樣行，但我仍然，都要準備有機會行呢種市況。
而我嘅部署係，除非個市完全好轉，否則我喺往後時間再買股票都好，都唔會買得太盡，點都會留有現金，此舉係預防之後市況一旦再出現突然轉向，我會轉唔切身。但咁樣，唔代表個市回升，我唔會入市去博。只係，我會選擇用Long Call 博。
Long Call嘅好處，第一，係風險有限，第二係假如我哋博中方向，就算唔係買好大注，回報都可以十分理想。嚟緊，我會留意會唔會有博Long Call 嘅好機會。有的話，會通知大家。
亦因市況仍不穩，我今暫不提供股票推介。到市況好轉，再同大家講有咩股票值得買入。