【莫家強】每週初步測試 (20200803)

歡迎大家加入新開設「美股研究報告」會員專用 Facebook 群組

https://www.facebook.com/groups/386563215606501/

======附件=======

OP21080003

======附件========

美股,其實上星期五我覺得好關鍵。

 

本來,整體美股嘅情況,我都唔係睇得太好。但上星期五,明顯地有唔少股票造好,令我對後市重新有所期望。

 

先跟進之前推介嘅股票。

 

上星期講過,KNSL 嘅走勢不俗,只要跟返止蝕位,順勢而行去現就可以。但事實上,我無諗過,佢真係可以升得咁勁,單日上升17.47%。呢隻股,揸住嘅朋友,可以繼續持有。後市,要睇吓有無機會出現整固,然後企穩再上。有的話,可以加注。

 

LRCX,走勢都相當不俗,上週四股價破頂,週五企穩,我相信只要個市嘅走勢唔係太差,隻股再上嘅機會仍大,止蝕位$336.28,唔跌穿可以繼續揸。

 

CDNS,又係走勢好靚,上週又係持續破頂,揸住貨嘅都係繼續揸,止蝕位$95.24。

 

APD,之後距離止蝕位好遠,上週出現回調,如能企穩再上,止蝕位向上,可以買入。

 

至於LIN、HZNP都無問題,唔跌穿止蝕位,繼續揸就可以。

 

DOCU,早前走勢曾減弱,但未有跌中止蝕位,上週走勢向好,我認為可追入。止蝕位$186.77。

 

想要穩陣少少嘅股票,可以繼續留意住隻WST。呢隻股票,講咗好耐,係做醫療包裝。我知,有唔少朋友都想揾啲疫曲股嚟買,但問題係,我哋要考慮啲疫苗公司嘅本質。

疫苗,若能研發成功,當然間公司會可以賺好多錢,但假如失敗,亦可以乜都無,所以,佢哋嘅股價難免會大上大落。如睇好明年疫苗嘅需求會增加,其實WST都可以受惠,而且更安全。有貨要繼續揸,未來若有整固再上,可再買。

 

同埋,要留意住啲網購股。

 

 

IBUY,走勢強勁,反映整體網購行業走勢理想。好多網購股,走勢都好強勁,但個別股票嘅上落會較大,有時會容易撞中止蝕位然後再上,買ETF則會較少出現問題。

 

另外,稍後時間會喺Facebook 群組再上載動力股名單。星期三,再分析ETF情況。

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top