【莫家強】影片教學 – 其實技術分析想唔想得過?

唔知大家會唔會諗,用技術分析,又或者睇圖嘅方法去買賣股票,其實有無效?以下,係我嘅一啲睇法。

1)     圖表,係所有投資者,用真金白銀進行買賣嘅結果

點解有一啲patterns會不斷重覆出現,係因為有啲我哋對投資嘅emotions,係唔會變。籠統啲講,就係我哋聽到嘅貪婪與恐懼。

一隻股票,大跌落嚟,持有者會驚。又或者,你本身係睇淡個市,又或者覺得個市好貴,但只要佢一直上升,升得夠多,好多之前無入市嘅投資者,就會因為擔心錯失機會,又或者貪心想賺錢,就會轉而走去追貨。

呢啲情緒,只要唔變,圖表上有一啲patterns,就會不斷重演。

2)     唔好相信可以一招走天涯

片中嘅例子,我用咗14日RSI。教科書上嘅用法,係RSI 升穿70,就代表超買,就要沽貨。但如果將呢個套落玩法Mastercard (MA),佢係完全錯哂。MA出現超買,喺過去十幾年,唔單止唔應該沽,仲應該要買,贏出嘅比率係100%。

用喺Microsoft (MSFT),都係超買市買入,贏嘅機率會高啲。

但用喺啲弱勢股,就有較大機會股價會喺超買後,好快就倒頭下跌。而我想講嘅係,同一個指標,用喺唔同股票身上,效果可以完全相反。

3)     投資避免加入過多個人情感

用技術分析用得好,好處係,你可以將買賣決定交畀啲技術訊號,而減少被情感左右買賣決定。如果你都想克服貪婪、恐懼,方向就係要開發你能夠信任嘅技術買賣系統。

以上嘅方享,希望可以為大家帶來一啲唔同嘅睇法。有問題,可以喺facebook 問我,又或者電郵至  [email protected] 。下星期再講。

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top