歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
==========附件==========
有朋友問：「使唔使好似二月咁要清貨？」
暫時，我覺得唔使。戒備心，係要有；啲股票如果跌穿位，係要走，但到呢一刻，我 睇到嘅係個市同幾個月前大跌前有好多唔同嘅地方。
- 之前，大家對個呢個肺炎病毒嘅認識唔深，唔知點應對，易有恐慌。但今日，睇到歐、亞地區嘅疫情都無明顯反彈，要減慢病毒傳播，方法就係要全民出街帶口罩，好多地方一早已經做咗，美國，則要去到最近好似個政府先識驚，終於提醒民眾要帶口罩。當然，都要睇當地民眾是否合作，呢一點要多啲時間觀察。
- 有幾類股票，其實表現唔差。一、科技股；二、疫情受惠股；三、業務遍佈國際嘅股票。當然，任何股票如跌穿位，都要走。但未跌穿位，而走勢仍然向好嘅股票，就唔使太擔心。
特別想提一提，喺過去嘅一個星期，有兩隻之前好鍾意嘅股票，都創咗新高。第一隻係Wingstop (WING)，第二隻係West Pharmaceutical Services (WST)。以下，兩隻股票，我想講講部署。
WING，最大嘅發展空間，係國際市場，佢哋除咗喺美國本土之外，仲喺其他九個國家，都有業務，而且由於佢哋係做外賣生意比較多，所以受疫情影響較少。佢嘅股價有再度轉強跡象，進取嘅投資者可現價買入，以$113.13作止蝕。其他投資者，可待整固後出現反彈，止蝕位上調時追入。到時，我會在facebook 專頁通知大家。
WST，從事藥物包裝業務，某程度上會受惠於疫情，近日股價走勢亦向好，同樣進取嘅投資者可於現價買入，以$197.72作止蝕位。其餘投資者，可待整固後出現反彈，止蝕位上調時追入。
呢啲喺個市差嘅時候都能夠做好、股價破頂嘅股票，通常喺個市企穩後，股價都可以更上一層樓。此類股票，絕對值得留意。
而例如DOCU繼續破頂，AAPL、MSFT呢啲股票嘅走勢都唔差，亦係暫時我對後市唔係睇得太差嘅原因。
相反，好多轉弱嘅股票，其實都係有自己嘅問題。例如Facebook (FB)，受到多個大型品牌抽起廣告嘅事件影響，股價大跌，止賺、止蝕位已跌穿，有貨應該離場。
有好多舊經濟股，例如係Disney (DIS)，走勢都再度轉弱。呢類股票，我相信大家應該都唔會買。我個人認為，唔單止唔應該買，如懂得玩期權策略的話，甚至可以開淡倉。
較容易掌握嘅淡倉策略，係做到期日後少少嘅Debit Put Spread，好處係可以睇中線股價下跌，兼風險有限。
總括而言，對於後市，係要有戒備心，但只要你手持嘅股票走勢無明顯轉淡，我覺得又唔使太擔心。相反，若見到市況於短期內已經可以恢復過來，一啲喺跌市時唔跌，升市時立刻有得升嘅股票，更會係我哋可以買入嘅目標。到時，會再update大家。