歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
================
嚟緊每週美股研究報告會開設一個facebook 群組，用意係希望喺文章刊登日之間，大家可以得到更加貼市嘅資訊。在不久將來，大家將會收到邀請，敬請加入。
而今日，將會為大家揀選一啲值得留意嘅ETF。而呢啲ETF，都有一個特性，就係股價走勢非常平穩，唔難預測。
當中，我想特別highlight 以上兩隻ETF，IGV以及ARKK。
大家可以看到，兩隻ETF嘅股價升幅都非常平穩。投資這類ETF，有兩個好處。第一，這類股價走勢通常都會有種連續性，只要市場環境並無大變，股價可以繼續於通道內運行一段極長時間，所以獲利難度會較低。
第二，假如股價走勢轉差，在圖表上，很容易就能看到，投資者只要按策略止賺、止蝕，風險就不會高。
再舉一個例子。
上圖係另一隻ETF CIBR，紅線係止賺、止蝕價 (Stop)。
大家可以看到，紅線自今年3月起就多次上移，原因係，呢隻ETF就算遇上調整，往往未跌到Stop 嘅水平，就會反彈再上。呢種走勢，會令最初嘅止蝕位，慢慢變地止賺位，然後止蝕位不斷再上移，意味著投資者可以賺到嘅「最低回報」亦會不斷增加。
當然，首要條件，大家要嚴守止賺、止蝕位，但只要做到呢點，風險就唔會太高。
另外，ETF 相對於個股嘅另一好處，就係佢已經幫大家分散咗風險，比起投資單一股票，會較為安全。但當然，當股市大升嘅時候，ETF嘅股價升幅亦唔會及得上單一股票。
總括而言，如果大家係想賺取穩定回報，以及想賺錢嘅難度減低，ETF會係一個好好嘅選擇。但如果係好有信心，想博一啲較大嘅回報，就用個股會較好。
最後，亦update一吓IBUY 嘅情況。
早前嘅小調整後反彈，令IBUY 嘅STOP 價上移，現價為$61.23，唔跌穿的話可繼續持有。未有貨嘅朋友，如止蝕位距離現價不足10%，我認為都可以買入。
有問題歡迎電郵至 [email protected] 畀我。星期五再講。