雙租族與傷租族的分別#801

諗SIR 你好, 我係你FANS 同剛讀完你本新書收息論. 有D樓宇方面既問題想請教一下你. 我屋企係基層, 想向上流. 同CASE SHARING. 我本身27歲, 大學讀金融, 本身會睇好多關於金融經濟,地產, 股票等等既書, 雜誌等. 上網睇既都係呢方面既野多.  但係睇到諗SIR既書之後, 覺得自己好渺少, 想學多D野, 同今次請教一下諗SIR您.   言歸正轉,教問題如下: 本人27歲, 銀行工作收入22K左右, 月用5K, 其餘全儲. 家姐28歲, 銀行工作,25K左右.  媽子54歲, 自己公司做,30-40K左右. 仲可以做多一年多, 完左要再諗做唔做. 另外她本身係大陸穩定有收租8000RMB(10000HKD左右)係有曬契的.      我地三個都係住係公屋4百幾呎, 已經買左, 唔使俾租. 我同媽聯名係2012年9月30日買左屯門一手瓏門2房, 買入價450萬左右, 俾3成,借7成, 現在欠310萬, 每月供12000, 30年期. 上年11月開始左右租左$12,000(好平,但租客一次俾12個月), 管理費$1400. 2014年9月30日就過SSD, 現在有客想570萬買. 另外, 我全出錢用家姐單名在2013年9月在沙田買左個細單位,唔使俾DSD同用佢既借貸能力, 不過30年樓齡, 可能黎緊要夾錢維修. 買入價227萬, 借9成 ,30年期, 用(H+1.7,CAPP-3.15). 月供$7665, 管理費$520, 現欠207萬. 現在都出租左 $8,000一個月.    ***問題來了,  如果有現金100萬可以再用來投資, 想再買一層樓, 有多個方案, 想諗SIR俾D建議. 1. 如果有人用570萬買瓏門, 那我就套現260萬左右, 加100萬, 有360萬, 再用我同媽名借9成買300萬樓, 用40萬左右. 再買入多間300萬樓FULLPAY. 兩間都出租. 唔好處係我想自住有D QUALITY既樓, 想留瓏門自住, 同埋賣左就唔會買得唔番市值5百幾萬市值既樓.   2. 如果到左兩年, 仲有兩三個月後加按至8成, 570萬左右,  吐現456萬-310萬=146萬左右. 再加100萬FULL PAY 200-250萬既樓收租. 唔好處係唔知按唔按到146萬出來, 要加MC, 不知可唔可以.   3. 570萬賣瓏門, 再用我同媽名借9成買300萬樓, 用40萬左右.  仲有220萬左右就實行你收息班中所講的收高息方案, 或做其他高息產物, 亦有想用50萬炒下期指. 唔好處都係買唔番500萬以上樓自用, 同感覺唔夠踏實,同炒野都係高風險D.   4. 乜都唔做… 請教諗SIR有何建議 係最明智同會係最岩財務自由既做法.  謝謝. BEST,想學野既小明上   answer: 幾個方面,讀者要提升自己: A. 理財概念 知道讀者好比心機儲錢,惟此法的儲蓄水平受每月工資所限。真正要改善生活,要先改善自己再去搵多D錢。 買樓投資的回報其實都比買股及炒期指慢,惟不少人見到身邊朋友靠樓發達,係因為買樓多會做足槓桿。河畔花園在2008年初至2014年4月升幅為約176%,銀河娛樂在2008年10月24日收報$0.94,今日由高位跌到而家都係$43蚊,咁你話一間樓FULL PAY黎買,係咪浪費左樓一些好吸引人的特質呢? 此為回應讀者在上方2、3點關於FULL PAY之看法。   既然小明咁比心機問,那筆者分享自己覺得最好的理財方法,就係每月為自己產出正現金流,正所謂每月出糧不求人、洗錢唔需要再諗。請讀者在訂立自己的理財行動時、每每為自己產出正現金流為目標。好似瓏門單位而家月供$12000、管理費$1200,而月收租為$12000,雖一次過可收取一年租金,惟成舊錢壓死哂係呢間樓連一蚊正現金流都嘔唔到出黎。   讀者喜愛住較新樓瓏門、其實大家都鐘意既。這是大家共同的消費需求。可是該樓房由於新淨及獨特而享有較高溢價,在現時水平未能滿足各位的投資需求。同學此時都應該知道,應租樓去滿足自己消費而入手投資價值高去單位去補貼租金,即「以租養租」、或成為所叫「雙租族」。   只租樓而唔買樓的「傷租族」、除非有保證每月強大工資收入、而在20-50歲所儲的更夠支付80歲死前應有洗費,否則在此錢幣被遺棄的時代背景下、手上未執資產很難適應變幻的貨幣系統。   B. 樓房買賣法規 要知個遊戲規則先可以玩得投入。最討厭就係規則會隨便改、或一言堂。其實只要有規則定必可找到方法「玩得羸」,所以大家勿輕易對社會感心灰意冷。讀者不可以將瓏門加按至8成,運用香港按證服務多只接受新買樓房加按至九成、而不是將原有物業重按(回應點2)。   回應點3,讀者認為借錢作炒賣是高風險,咁買樓要借錢,係咪叫高風險? 今日買一個月之後放走匯豐股票,係叫買定係叫投資? 當清楚明白多種投資物的特性之後,才可分辨高低。至於「炒賣」一詞實無定義、惟一般人將炒賣視作投機行為而非投資行為。那讀者可在看一下有關書籍,現在速食文化、最緊要number、睇幾多本財經雜誌在投資學問上牌少見進步。   當你明白自己做的投資本質如何、會影響風險的因素如何、自會踏實。有些人揸沽期指令佢更踏實、因為佢用黎對沖自己實貨睇升個倉。   C. 投資品特性 筆者在<<收息論>>已將投資品勉強分為賺價及收息類。天下投資品繁多、最好當然是將每物視為一類、不作劃分。不過由初學者出發,將物品劃分再去學習是有好處的。留意收息的物品不頻作買賣、一收高息就係幾年。所以亦因此在市場上少人類及,市場需要的,係大家每日睇下有咩好買再比傭金。   年青人學懂賺價反比收息更重要。如你好似讀者咁28歲都未夠,好應趕快明白賺價品所予之回報及當中風險。至於讀者4個方案,筆者會選2+4之後再3,即係先加按套現、再咩都唔做好好學習,咪亂咁黎一輸就係50萬,自己儲3年都唔掂。最尾有資本再出發收息未遲。另外買樓之區份、選盤之旨要還未習得。好要比些耐性學習。    

Read more

單身人仕產出雙份糧#791

諗Sir, 你好, 近期每天拜讀你的文章和楼换楼一書, 驚覺目前的儲蓄方式對退休生活並冇保证,很有可能生活水平將會下降。希望你能指教投資方案,以保障將來退休生活。 本人42歲,現有穩定職業,但亦擔心再過幾年行業不穩而要提早退休。 1. 收入52k/月, 另有90k commission /3月, 月儲約40-45k, 由於稅額不少(但無甚福利可享), 故要扣除部份儲蓄。 2. 近期買入一单位 ( 屬西半山單楝樓,雖不太近地鐵但社區環境不錯) 買入6.6M,贷款4.2M,20年, 月供约22k (擔心年紀更大更難貸款,故睇了諗sir 的blog 後即入市)望租予expat.收租 3. 買樓後現金0.5m 4. 待升的股票&基金0.5M 請問現金及未來儲蓄該如何處理以部處一生兩宅(一生三宅也可能嗎?)。 本人願望可提早退休及達至財務自由 感謝 沒有安全感的中年女子  ANSWER: 單身人仕要產出雙倍份量才可以同其他人一樣老有保障,既然生活自己已選擇、好應趁早努力為自己老來打點。人地買將軍澳區份跑輸無問題,但本案讀者對自己理財要求要高一點。人地買樓收租年3-4%可以算樓,惟一個人買房投資要比他人選取更高回報的。在讀者案而言,因書本始終未能將每事說明白,在看畢<<樓換樓>>後仍感幾事做錯:   1-2.西半山唔知讀者係買邊幢。首先港島區份近5年都跑輸,於新西港島線附近在近期買入又要付過高溢價、單幢樓但凡同學都知初心者不宜。 中原城市港島指數(DEC2007-JAN2013): 84.2% 中原城市指數(全港DEC2007-JAN2013): 96.73% 且暫不提新界東及新界西跑贏幾多。因素亦不在此說明。惟港島樓在近年已是跑輸一群。   3. 買中價樓動用手上太多資金、浪費了九成上會用盡槓桿之機遇。讀者應選取較細銀碼的樓。請明白現在平價樓仲升得快過西半山住宅。   筆者在<<樓換樓>>一書後再出<<收息論>>,是因為買樓不是理財的唯一法門。讀者月入為(52000*12+90000*4)/12 = $82000,commission如何計在收入要再作法,此水平借貸力為82000/10000*2.59*50% = 10.6mil。現在讀者借貸為4.2mil,只用了39.6%借貸力,要再買樓或成就一生三宅是可能的。惟現在買的住宅怎解決? 此房月供要22k,相信收回租金只在同一水平,即供樓同收回租金打個和。換言之,讀者動用了2.4mil首期,仍未能為自己產出了一分文正現金流。而家將樓賣出又要比重稅。所以筆者對此筆資金被浪費運用只感可惜,未中區份又冇現金每月落袋,除非特首係施政報告取消ssd,否則無可解也。   同學如懂那類樓房是跑贏一群,自會選取300-400萬樓房。一間三百萬樓九成上會,另一間330萬就當比五成首期將用途申作出租,共首期都只係190萬。九成上會樓由於所借較多,供樓同收租應只打個和,計及加了不少之差餉地租,或會倒蝕一千幾百。不過唔緊要,另一間330萬樓可間作套房,就當比多30萬裝修錢,惟租金由12000即提升至21000,每月多收9000,三年即可將裝修錢回本,而供樓每月只$7000,即月正現金流為21000-7000,月月袋$14000是也! 產出現金流效率為14000*12/1600000 = 10.5%,此為更正路。如果有人偷雞只比三成首期上會,付出資金由160萬減至100萬,供樓要月付$9000,效率計為(21000-9000)*12/1000000 = 14.4%,更是提高了。上圖展出剛幫朋友完成的一間,有同學讚裝修不比酒店差,ABCD收超$20000/月。更重要是兩間樓在手,可以隨時放一間keep另一間,投資策略更為靈活。月尾買樓003會更新用新間套房資料作解、提供更貼市資訊及做法。   至於昨晚收息課程同學問的債基方案,12-15%年回報為目標,即如果唔將100萬取作買樓或間套房,用於投入無年期的債基方案,一樣可月取$12500。習好方法,以讀者收入要出多一份人工不難。    

Read more

諗SIR-人民幣債基收息新方案#790

你好 諗sir,  本人剛上完收息101,103,得益不少。本人今年36,做小生意,但生意每況越下,希望有一安定收息收入,再考慮其他出路。 Asset: 有一沒有mortgage 村屋約220萬。現正申請mortgage套150萬。 另外人民幣現金250萬。大籃籌股票200萬,都是些沒有什麼升跌的 生意資金需要預留80萬左右, 即流動資金為600-80萬有約520萬 Expense: (每年) 每年家庭大約30萬左右。保險加基金大約20萬左右   請問有何好建議? 1 我的情況應怎去求出路?  2 想買入直債?回報應以多少為佳? 那一家收費比較便宜? 3 人民幣出路很少、有沒有什麼好收息的? ANSWER: 本案讀者自己做生意,明白資金有500萬餘,算是不錯。算叫做早年趁機遇賺到一筆大錢,問題係而家點用呢舊錢守到尾呢? 或至少守一段長時間。要知生意有周期,有時唔係肯花功夫就豬籠入水。有資金者要認清令其衰亡之兩大主因,一是胡亂投資,認為自己投資同做生意都一樣咁掂。二是銀紙的內含值不斷被侵蝕,銀紙每天都比昨日不見使。古羅馬初始用金幣之黃金含量達90%、到後來只50%更要重發新幣、用價格管制、最尾令經濟活動在黑市進行、政府稅收再減少之惡性循環下而滅亡。到千幾年後的中國、紙幣終盛行而成為法定貨幣、那要改變貨幣含量比重新鑄幣更易、致使現今政府毫不忌諱去用貨幣發行量去催谷經濟。大家手上既錢究竟可以買幾多野、根本係任憑人控制。當權者之粗暴及平民應如何自處、在上述關係可再理解清楚。   生意人已令銀行警醒佢地懂得利用政府「刻意」安排之漏洞,就係可用不同合法原因去規避稅款。政府知而不堵、因老闆為社會提供工作機會。另一方面,唔交稅即係無收入證明或至少係低收入,要借錢應在成件事開頭就部署好。明白知銀行批按揭流程老闆自可借錢只樓投資、令自己更多租金收入。要明白房地產租金會同逍賬一齊上升,即你今日收10000租金,十年後如物價上升、租金都會上升去補償貨幣內含值損失。準確些咁講,香港33年(1980-2013)租金升了454%,而樓價升7倍。租金升得較慢原因,借用PETER PAKER兄的觀點: 租,係冇得炒的。可見其伸延閱讀。本網主要網羅令讀者知識有增長之文章,各位可按筆者指示或自行在本網「尋寶」都可!  租,係冇得炒的: http://homebloggerhk.com/?p=28249 <<樓換樓>>之列表再新加入租金資訊   香港 日本 英國 新加坡 數據時期 1978-2011 1975-2010 1989-2012 1981-2012 總通賬 435% 79.4% 85.35% 77.2% 年平均通賬 13% 2.27% 3.71% 2.49% 樓價名義升幅 714% 67.43% 164.53% 348.56% 樓價減去通賬後的實質每年升幅 6.56% 1.48% 4.32% 4.9% 租金升幅(只香港數據 : 1980年用C類單位作準,當年為31點。到2013年為141點。升幅454% 數據來源: 香港差餉物業估價處、各國政府統計處、Thmoson Reuters   生意人如要利用樓房買賣去保存財富,在開首入手抵押力低的村屋是不合配。既然讀者已做,那也作罷。讀者可趁細價樓跌極有限,加上在樓市當旺市時銀行更易借貸,用個人身份去買樓再上會出租。幫時間過去租客幫手去再供滿一層樓。以接近600萬之資產,擁有兩間樓一自住一放租實不為過。如果等市跌再買,生意人在跌市借錢很難,唔被銀行call loan已是萬幸。至於要更好去減低call loan機會,宜在開首買樓時作全盤考慮,此為買樓課程見面時想授予之心得。另讀者工作時間稍為自由,建議用合適樓房間成套房,首期連裝修用130萬投入收$21000租金,而正現金流為$12000,130萬投放收$12000,即11.07%   […]

Read more

加按後令人唔使供樓#783

  諗SIR:  你好,本人已完成收息課程,現正等待上12月的收息執行班課程。  背景: 本人34歲,公務員,月收入$30000 ,跟公務員SCALE,每年調整。 太太31歲,社會服務工作,月收入$22000,如不轉職最多升至$26000。 未有子女。   本人與太太於2012年11月購買黃埔花園建469呎物業,購入$335萬,8成按揭。剛一拆二給太太,做7成按揭,借了$343萬,分30年還,HIBOR PLAN,每月還約$12600,現己套現約$85萬 。故現時本人沒有持有任何物業和摟按借貸。   本人於2014年4月借P LOAN$30萬,分5年還,約2%p.a.,月供$5400。這30萬加上本人和太太的儲蓄,連雜費和稅共$46萬,購入日本大板物業,當時日元匯率0.0766(現時跌至0.0640),以日元計實回約7.8%,但現時被匯率蠶食了回報。以現時匯率計每月收港幣約$2700。   每月人工扣除還樓按、私貸、俾家用、生活開支後,兩人約儲$12000 一個月(未計日本樓租金收入)。   本人和太太現儲蓄只有約15萬港元,沒有買保險和任何基金。故此,加上轉按的$85萬,共只有$100萬。   問題: 本人只有一發子彈,現時應單名9成上會再買一層樓自住,並將現時物業放租(因不想犯法9成按出租,雖然7成都不應該,但好像風險較低),還是待樓價跌等待機會? 本人有點後悔借P LOAN影響本人的信貸額,是否應該先盡快還清,以便9成上會? 另一個想法是,本人上畢收息班後,希望將$100萬放於債基收息,以改善正現金流,但又想直債保本,你堂上說過現金不多應用債基,是嗎? 本人想達成一生三宅,但現時似乎未有機會達到,請問我該如何部署呢? 謝謝!阿傑 answer:  讀者未有留意的是,他需要購入樓房再將其出租,希望用出租物業的租金作核實收入去提高自己的借貸力。在借私人貸款後才後悔,明顯是未有籌劃就行動。大家在作收息、買樓、又或投資外國物業之前先宜清楚了解自己財務狀況。有些同學可以收住息等市跌、亦有些同學等唔到要即上會、有些同學兩萬人工都可完成「三宅一生」,原因是對借貸力之由來了解透徹,令自己買完樓後借貸力有補給,再買下間投資仍覺得心應手。   筆者講解過的收息物可提供年10%息口以上之回報,不過大家出發理財宜先了解自己「手上副牌」。即先用借貸力計乘算出自己能力,再運用方法去擴展,知自己借盡多少才去作出預算買樓應用的借錢QUOTA。咁做明顯比本案「邊做邊諗」更好! 讀者現家庭借貸力為(30000+22000-5400)*50%/10000*2.59 = 6.03MIL,黃埔樓借了343萬,即借貸力用掉57%。再去買第二宅勉強可以,惟在旺市用盡自己借貸力去買樓不贊成。   由於黃埔樓剛套錢,有罰息期。咁呢兩年應專心供樓令本金結欠額下跌,務求兩年之後可再轉至五成按及將樓轉做出租用途。當然此舉有兩因素影響提早或延遲完成。一是樓價再跌就算讀者點供都轉唔到五成按,是政府一旦放寬借貸規限讀者乜都唔做都可將其轉出租。一搞好租約租左間樓比人,樓房租金之8成可計作個人借貸力。係租金$13000之下,讀者借貸力即提升至7.77mil,減埋黃埔樓都有剩4.34mil。自己即可九成買另一間樓自住,完成一生二宅。用此法伺機再重覆,要完成三宅都不為難事。   借私貸去買日本樓,即運用一個高息而又短年息的借貸去看好日元兌美金匯水,錯了三次。筆者不是反對人買海外物業,惟對於儲蓄偏少的問案者多不會建議。<<樓換樓>>書本已有提及,買樓是運用樓房抵押後之低息借貸去拉長30年歸還,再搵租客幫你供樓加上貨幣內含值下降去保障自己財富。現時買樓都不敢說是個賺錢項目,只是想在各國貨幣戰當中保有自己財富。   除了專心供樓,讀者可作就是將套出100萬好好收息。資金一百萬不合用直債保本,要知此等十幾厘息而又保本的投資機會都要歸向有錢人,個人流動性高而銀行主動提供低息借貸令回報攀升。債基對讀者會是個不錯選擇。一百萬收$12500利息,對於讀者而言套左現令自己唔使供樓。   

Read more

中產家庭換大樓 #780

諗sir你好, 本人34歲, 結了婚, 有2個小朋友(一個4歲和一個半歲). 本人是公務員, 月入$7.9萬, 每月可儲約2-3萬, 而太太月入$2萬, 現時一家連工人共5人居於一個於2010年頭買入的一個395呎沙田第一城單位($180多萬)自住. 單位現在市值約$370萬, 現造按揭 HIBOR +0.7% = 約1厘, 分20年還月供$5500, 現仍欠銀行$120萬. 由於太太不善亦不愛理財, 所以一切開支都是由我一個人負責的. 現時個人現金連股票約有$150萬.     由於現有單位不夠住, 所以本人希望在2年內買入一個3房單位自住,由於現時的單位是我和太太聯名的, 所以我想把單位轉做我太太名(藉以避過雙倍印花稅), 再加按單位, 分30年還, 吐出$70-80萬, 等待時機再用我個人名義(用3成首期)買3房單位, 而2房單位就出租!     1) 以上”轉名”和“加按”的做法是否可行和有好處呢? 因轉名後按揭利率就冇可能1厘了 2) 本人有近10多張信用卡, 這是否會減低我的借貸力呢?現在是否需要大量cut卡呢? 3) 另外, 樓市是否有下行風險? 現時hold 2間樓風險是否過大呢? 4) 而把單位由聯名轉做單名, 我要怎麼做, 程序又怎樣呢? 另外有什麼開支我耍留意呢(如律師費,印花稅?) 謝謝!! 達 answer: 達哥哥搵成八萬蚊個月,一家四口焗係細單位,結婚已幾年加上小朋友將會讀小學,有想換三房的想法實為正常。係決定換唔換大屋既問題上,不少人會將呢點考慮變成自身財政能力去想,其實買樓大部份人都要問銀行借錢的,所以更應看借貸力。買樓可以只比一成首期、而九成樓價都係借返黎,而筆者建議大家避免過份借貸。讀者家庭借貸力為(79000+20000)/10000*2.59*50% = 12.82mil,現在只一樓在手欠銀行1.2mil,借貸力只用掉11%,很有空間可再借。大家在旺市要再買樓,最好只消耗借貸力之一半。萬一市跌都仲有借貸力可入市,可攻可守也。   […]

Read more

九成按揭同七成之分別#766

阿sir您好,本人己讀了十一月的收息課程,正等待十二月收息103課程,本人庸碌半生,現猛然醒覺為自己及家人計劃一下,以下是本人的資料: 有一樓現價六百五十萬按揭還欠一百六十萬聯名持有,供二十年約每月一萬, 自己生意收入五萬,太太是家庭主婦,家中小朋友七及四歲, 現金有二百萬而每月家庭總開支約三萬餘, – 本人正想有以下的部署:加按套現二百萬連同現金一百萬,共三百萬做十至十五釐之債基方案,等下一個樓市週期買第二宅。 現想問,我應按多一些嗎?如加息,加按的息會升,現金流會減嗎? 另外夫妻聯名申請加按,太太沒收入惟之後報兩份收入同先生同一公司出糧,咁可以借多點嗎? 我打算加按後再買間樓九成上會借比親戚住,有租金的,可行嗎? 聽講按證公司每隔一年會寄信黎比自己,點去應對呢? – 如我將該九成上會的住宅減低按揭成數至七成,有什麼手續? 又或將加按金額投入債基及保險double方案年收15-20%就算? 謝謝你的耐心 真庸才 answer: 加按私息口上升必令供樓支出增加,可是在於上一加息周期頂點,即2007年,港元定期息口1季成3%p.a,恆指超30000點。再一息口高企期1997年,連閃卡都炒起有價。所以筆者唔介意忍受加息初期對樓價的少少影響,資產在經濟向好後升值再加上租金提高令成件事會有所進益。 – 讀者一個人做生意要養活成頭家,情況實有點兒「踩鋼線」。要做的首件事當然要提振自己借貸力,畢竟自己賺錢,未夠槓桿後再加上先借美金再等債務貶值去令身家膨漲得快。不少搞生意既人都唔報稅,要搞好。另外現時用員工身份借錢可上九成及簡單些少,當然用老闆身份借錢都可但成數有機要低一點及文件要齊,這是不少小生意所欠缺的。另外用老公公司去出糧比老婆然後聯名買樓,咁即係銀行將該公司查察睇董事再對一對買賣合約上之成交人,如九成上去香港按證幾可肯定該收入不被承認,咪真係以為整幾張支票比老婆搞錯覺出糧就過骨,要收入令人信服在各方面都要辦好才可合規地提升家庭收入。 – 至於九成上會既樓租比人是不合規的,至於點解咁多人會「偷雞」行事? 只恨政府打擊未盡力,萬一真係捉到成排人出黎而業主要call loan平盤,市場上大量供應有能即將樓市推低。你問政府唔係想打擊樓市升幅咩!? 當然唔係,政府要求既係市況平穩,大家每日乖乖地返工交足稅。樓市唔爽無發展商勾地,每年可會少撈一筆。至於「偷雞」業主係會將信件答自住,而水電煤亦會全包租客,萬一被人查問,唯有認多個遠房親戚。租約不時都搵相熟經紀做好多時印花稅及填資料都不做妥。 – 當然九成業主的心態是希望存有幾年僥倖,到時樓價升或自己本金已歸還些少,再加自己資金可將九成上會的樓減至七成。當然租出七成上會之樓房都是不合規的,可是筆者在銀行工作一段時間,實未見銀行會組成「打擊隊」去伸張正義。要將九成樓減至七成,最好係搞個轉按,新行有現金回贈之餘亦可補貼支出的律師費。律師要將九成加於樓房之押記去除而令樓房只餘第一債權人(即銀行)之押記。之前如選用一筆過付清按揭保險保費,可按比例退回。 – 至於讀者要集中將現樓加按,更應從中搞埋一拆二,令自己或太太變成「無樓係身」,那下次再買樓可少比雙倍印花稅及其中一人單名上會九成(當然用途讚成要係自住)。先生公司數目企理,又或如證明到自己係一個出糧準的打工仔,都可將現居加按至七成,即套6.5*70% – 1.6 = 2.95mil。而供款增至約$17000。2.95mil加上自己現金2.0mil,有近500萬一係可考慮私銀服務,五百萬控有八百萬債券,有點像jackson師兄的「32萬。年11.4%。低風險」方案。直債投資是保本所以風險低,其實錢夠令自己融資成本低實可令自己在低風險情況下推回報高至11%。本金少或想靈活可以投放債基收息,200萬都收成$25000一個月,讀者可令自己收入增40000/月有餘,夠供樓及部署下次買樓首期。

Read more

為blog中2.59及借貸力作解 #762

  諗Sir, 你好! 本人已完成11月份買樓001課程及正在上收息投資課程,希望諗Sir能夠因應本人情況在執行前給予意見及方法。 小女子今年44歲,單身,獨居自置物業,位於紅磡大型屋苑,樓齡28年,469呎兩房, 2009年買入價2.2M,7成按揭,息口2.15厘,尚有23年供款,月供$6300, 現估值5.3M。月薪$36,000 x12 months, 月儲$16,000 (已扣除供樓,曰常開支及交税)。   流動現金港幣35萬, 美元7萬,lump sum基金,現值11.4萬元,股票60萬,打算吐現十餘萬。小女子希望能夠在資產上產生正現金流及為以後退休作準備, 有以下想法: 加按自住樓至7成,套出5.3M*70%-1.4M樓欠款=2.3M (符合在旺市用一半借貸力4.6M), 然後投放在直債,債券基金或保險,賺取10~15% 息率,希望在2~4年待樓價回落買多一層樓收租。諗Sir, 希望你能給予意見及這樣是否有效運用現有資產發揮作用,謝謝!!   ANSWER: 讀者現居的紅磡469兩房筆者都睇過,細個間房連床都可要鋸細才可放入。單身讀者決定了不學庸才找伴侶襄助,那要銀行慷慨解囊,又有什麼方法呢?   首先請留意個人借貸力會漸走下坡,情況是咁的:   借貸人年齡 借貸力常數 40歲或之前 2.59 45歲 1.95 50歲 1.55 55歲 1.08   即如果好似讀者咁近45歲,個人借貸力計算轉為35000*50%/10000*1.95 = 3.41MIL。亦因如此,讀者將手頭自住樓盡套借貸力將用掉5.3*70%/3.41 = 3.71MIL,大於佢所負荷。另佢原想法只用新套額2.3MIL去演算之後符合一半借貸力(2.3/4.6),相信在上堂後已將此想法修改。   另留意讀者亦不可行一拆二叫信任伴侶九成再買樓上會之法,要完成一生三宅達老有所依有難度。當然,讀者在早年趁低入手樓房及現有約1.6MIL積蓄,為筆者思考解答提供了出路。作法是將現居只加按至5成,符合日後轉出租最重要是租金之八成可添算作個人收入,應對讀者最弱一環: 低下借貸力,只等同一對搵18000之夫婦。當然加擔保可對讀者有幫助,惟自己找黎租客才是不求人之法。計租金收$16000日後加按至五成及日後將其租出,借貸力即升為(35000+16000*80%)/10000*50%*1.95 = 4.66MIL,套現得5.3*50% – 1.4 = 1.25MIL   其實讀者在理財路上不缺錢,只缺借貸力。可能你覺得不缺錢之事好怪。筆者解釋是讀者再買樓,99%係七成或九成上會借錢,維持呢個人工冇一炮過買樓之希望,除非夾硬買個細價盤或樓市大跌。那讀者之理財FOCUS在點去部署下次借錢。至於資金,其實加埋加按那1.25MIL一個人擁近300萬已幾夠中短期所需。長遠目標是為自己提供跟通賬而上升的36000每月被動收入。   […]

Read more

庸碌半生。猛然醒覺為家人 #761

阿sir您好,本人己讀了十月的收息課程,正等待十一月的收息103課程,本人庸碌半生,現猛然醒覺為自己及家人計劃一下,以下是本人的資料: – 有一樓現價六百五十萬按揭還欠一百六十萬,供二十年約每月一萬, 穩定收入四萬,不穩定收五萬「因自己工」,太太收入一萬六, 有一小朋友七歲, 現金一百萬, 總開支約每月四萬, – 本人正想有以下的部署:加按套現二百萬連同現金一百萬,共三百萬做十至十五釐之債基方案,等下一個樓市週期買第二宅。 現想問,我應按多一些嗎?如加息,加按的息會升,現金流會減嗎?如果可行,我會先加按套出現金先,再上你的103堂,那我可即刻做債基了。還有什麼更好的建議? 謝,祝生活愉快。 丹尼斯 answer: 讀者收入四萬,再加太太萬六,算是中等。借貸力為56000/10000*2.59*50% = 7.25mil。係呢幾年部署收息買樓之餘,建議將其不穩定之50000收入「放埋上台面」,即造成可被證實之個人借貸力。此事好處為借貸力可大增至(56000+50000)/10000*50%*2.59 = 13.7mil,不利點為新增收入要交稅。在按揭批核最要緊看申請那一年之收入之前題下、有時為借貸交多一年稅冇問題。當然此文章為免費系列,太多人可以收睇。看倌如只自行報大收入或用支票出糧去令人收入大增,意圖在首關已被洞悉。要從借貸之根本去理解及明白自己怎去定位去解決銀行將會作出之種種提問,可以由買樓001之初心者2015年1月班出發,先了解基本及整個以樓為主的理財概念。而較進階之技巧講明要續在要買樓002才可了解更多。 – 至於現居應盡加按,因為讀者家庭收入尚可,不需刻意將加按額留在五成而將其申作出租用途,好方便下次再借。由於700萬元以下物業的自用物業申請加按套現,銀行只能提供最高估價七成按揭貸款,而貸款額不可超過420萬元。所以讀者套盡都係4.2-1.6 = 2.6mil。此事成就之後,借貸力用掉2.6/7.25 = 35%。偏低水平。 那讀者應否再問樓? 筆者答案是由於讀者已年近40,實有需要在借貸力於四十幾歲走下陂之前,先完成一生二宅。 – *附加資料: 700萬元至1,000萬元以下物業,銀行只能提供最高估價六成按揭貸款,但貸款額不可超過500萬元,至於1,000萬元以上物業,銀行只能提供最高估價五成按揭 – 係12-1月睇樓再係3-4月成交是個不錯之買樓安排,當然如該區有新盤可會為該區引入新因素。年尾少人同你爭盤,年頭銀行借貸較鬆手,都為自己買樓造成好條件。當然可揭示的是,筆者在昨晚完成之買樓003未有為黎緊數月之樓市情況作樂觀預測,有所見解是發現有些事情是會發生在中原城市指數之升跌之前(見圖)。如想攞得更盡可將原居一拆二再加按、做此事可令自己九成輕身上路再上會買樓,付出之首期只幾十萬,咁讀者加按後有三百幾萬,再只用多幾十萬作首期完成第二宅,自己仲淨成二百幾萬去收息,結果將十分開心。另要留意將九成上會樓租出是不合規的,真要咁做可要懂怎去規範風險。 – 收息點會十分開心? 假如讀者將佢1.0現金加入2.6mil新套控有3.6mil在手,加按了2.6mil令佢每月供多$10000,而買第二宅加埋雜費用掉60萬,例如屯門卓爾居,四百幾萬有兩房租出收約$13000,該屋苑在當區有獨特性合某一層客。此房上會後預供$14000/月,而淨低3.0mil不妨用債基收息,件收12-15%即月收$30000-$37500。成條數就係-$10000+13000-14000+30000 = $19000。時間一過就有多間樓供滿、更可有幾百萬cash比自己養老,此為完成一生三宅之起步點。 技術相關之課程附註: 選區買樓 、初始按揭- 見買樓001 將自身隱性收入轉為借貸力 – 買樓002 睇圖睇市、一拆二 – 買樓003 債基方案 – 收息101

Read more

諗SIR-真正一世的嚴重錯誤決擇#759

按: 早年筆者記得有讀者用「一世的嚴重錯誤決擇」為題發問。筆者在解答本案後,認為本案更貼題。當然本文讀者不是如此差劣、只不過佢點出的幾個投資決定、實值得大家再深思。 – 諗Sir您好, 本人最近先有幸拜讀諗Sir您的Blog和書。發覺一直被做Financial Planning既好友教育0下放棄投資物業而專注基金是一大錯誤,白白錯過了十幾年步向經濟自由的時間,換來的只是辛辛苦苦飽受數次金融海嘯下累積到剛break even的基金表現。對比諗Sir門生們的個案,實在遠遠落後。現虛心向學,望能盡快收復失地,盡快達成經濟自由的安逸時期。 – 財務狀況如下,煩請諗Sir賜教︰ • 本人38歲月入HK$75K,太太33歲月入HK$40K。 • 自住單位月租HK$10,500; 另外每月基本開支HK$57,000 (已包所有MPF,保險及交稅) • 每月基金供款: 本人HK$10,000; 太太 HK$3,100; 累積基金價值:本人HK$1mil; 太太 HK$175,000 (基金plans大約仲有十年期,如提早surrender將不能全數收回所有基金並放棄一少部份早期投放落guaranteed return的儲蓄和合約完成後應得的收費回贈。) – • 其他資產︰RMB$240K定期; 股票 HK$140K; Cash HK$300K • 2013年初,我以單人名義擔保了老父的自住樓(估值HK$8mil),套現HK$2.3mil (供十年;月供HK$21,000 (本金儲蓄約HK$17,800); 現欠銀行HK$1.9mil; 罰息期:2年),並用五成首期以太太單名購入HK$4.38mil村屋放租(供二十年;月供HK$11,000 (本金儲蓄約HK$7,400); 欠銀行HK$2mil ; 罰息期:2年; 收租HK$16,800, 現估值HK$5.5mil) 。 • 短期計劃︰小朋友會下年初出世,之後打算2016年中收番間村屋大裝後自住。裝修budget大約HK$800K – 問題如下︰ 1. 現在所動用的借貸力只是20%-30%,幾個月後倆份Mortgage都快完罰息期,會考慮將太太物業轉按加按到七成供三十年。除此之外,應該怎樣有效運用我們的借貸力呢? 讀畢諗Sir的著作後,明白用老父的物業以十年期套現HK$2.3mil實是大才少用,但外於憂慮其他家庭成員的反對,不便以太長年期獨佔套現。始終這是老父唯一資產,將來可能成為佢或其他家庭成員的應急錢來源。有否更好的方案? 2. 以我單名買第二間樓是否最有效增加正現金流的方法,但要符合按五成放租要求,以我現有的資產及借貸力是否可行? 3. […]

Read more

點解樓咁貴都有人照買? #755

您好!我已完成收息課程101,將會上買樓101,收息103。本人46歲,單身,剛加按自住樓,吐現220萬,分20年還,每月還11K,月薪60K,每月可儲金$45000,現有$80萬股票,現金$380萬。打算待時機出售。有以下計劃,唸Sir請指點: – Plan A)在屯門、元朗買$400萬以下樓,3成首期,租給朋友,用$150萬買債券,餘下買債基。 Plan B)用$300萬買債券,餘下買債基,待時機再買樓。 由於工作時間長,日子不太好過,希望早日財務自由。請唸Sir指教。 打工仔上 – ANSWER: 係大家作出任何投資決定之前,請先了解自己的理財目標為何。讀者或許留意到買樓、買債是有用。所以自己有錢都想買些。惟此作法會令自己在跌市時心感不安,因全盤打算只彷效他人作法,最後見面前路上有些阻礙,因而棄車而轉向的人筆者見不少。若一早定立個較遠大的目標,自會從容面對前面的一些小障礙。 – 讀者所想,明顯係「工作時間長,日子不太好過,希望早日財務自由」。當然呢個亦係大部份香港人之想法。想作此點,咪要令被動現金流產出數目至少等於你洗費、最好等於你人工,更要令此數目同通賬一齊上升。係銀紙濫發之下,基本上可假定中長期必然是通賬,通縮就算有都只係1~2年。 – 讀者在儲蓄方面做得很好的,儲蓄率為75%。想先解為什麼要買樓? 因為樓一旦買入所收取租金係會同通賬一齊上升,在<樓換樓>已有提及,1978年至今香港樓價升幅能追上通賬,詳細數據在書本細述。另有日本、英國同期同類比較數據(source:各國政府統計處、Thmoson Reuters)。本文再加入近期圖表,展示由1999年至2014的住宅樓價升幅、租金升幅、及消費物價按年變幅。(下圖一、二、三) 資料: 香港政府統計處及差估處 – 樓價升幅: 1999年是100點。15年後是約250。升幅約1.5倍 租金升幅: 1999年是100點、現時住宅租金升幅為約60%(160點) 消費物價指數(CPI): 見圖3,由1999年至2013年的按年CPI變動,到2013年完結累計升幅為約10%(1.10) – 結論一: 過往15年買樓黎供,基本上越供越輕鬆。因消費物價指數上升而供樓月供額是固定的。時間一過供樓金額基本上少得買不到什麼。即有個極端例子,係太古城開賣時月供只係千幾蚊(當然當年千幾蚊好好洗架啦!) 結論二: 過往15年租樓比人做收租佬,所收租金越買越多野,因15年租金升幅為60%,而CPI上升不足。當然,要有時間更深度研究埋CPI各項分類才有更精準定論。 – 上貼圖幾幅及作出結論,是想證明你想「唔使撈」,現金流產出最好靠租金或其他派出會隨通賬上升之投資物。可是香港有此特質的資產其實少得可憐,亦解釋左點解樓咁貴都有人照買? – 那讀者,每月人工為$60000,年被動收入需$720,000。在前幾篇文章已解釋,有三個(但不限於)方法去產出正現金流 A餐: 就咁買間樓收租,產出率為5.6%(此基本功在買樓001講解) B餐: 買間樓再間房拆租,產出率提升至11.6%(買樓003) C餐: 用債基冇年期。產出率高至15%。可惜每月收息額不隨香港通賬上升(收息101) – 用A餐方法產出720,000年正現金流所需投資額為(720K/5.6%) = 12.85mil(一千二百萬餘) 用B餐方法產出720,000年正現金流所需投資額為(720K/11.6%) = 6.2mil(六百萬餘) 用C餐方法產出720,000年正現金流所需投資額為(720K/15%) = 4.8mil(四百八十萬) – 當然入市前要學好點對沖及關顧樓市及債市潛在風險。另使用筆者方法實有助縮短大家要達成「唔使撈」之年期。 至於讀者,應用所學知識去為自己拚出$60000月收入。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室