交多五百換大樓,人人可以住公屋#421

本人36歲, 丈夫38歲,與未婚夫月入共$84K, 文職有穩定收入,打算今年結婚,明年生小朋友, 於2011年時買入192萬2房單位, 單棟34年舊樓, 現在只值260萬,升幅不大, 不過租金回報高,有4.6厘,按揭做H+0.8, 25年供款, 尚欠120萬, 月供5K ($4,062 本金, $948利息) 首2年租出去收$7800, 現已收回來作自住之用。   由於這層樓是我媽媽名,我做担保人,所以現在我還可用9成按揭,兩公婆還可1人買1間, 現在的2房單位實在太小了,想買一間大些的2或3房單位, 準備將來有小朋友兼且可養工人。如現在把這2房單位租出去, 可收$9500。想問諗sir以我現在的狀況, 有足夠能力買入第2間自住物業嗎? 還是我現在租層大的單位為結婚之用才化算? 有感將來供養仔女的費用頗大, 我應是用了手上的資金去準備將來的需要定用來投資? 結婚之費用由男方支附, 不包括以下手上現金。      我的夢想是老來有4層樓收租,希望可在50歲前達成。  2人手上共現金: 60萬 2人手上共基金: 30萬     支出(包供養父母): $25K (未計將來有小朋友和工人的費用) 2人現在可每月供儲蓄:40K  謝謝諗sir抽空回答。 答案 由於兩人合共人工是84k,是中等偏好的,再加上現在可儲收入一半($40k),理財底子觀感上是頗好! 當然見面才可確實知情況,現在惟有是見有寫一句,盡量抓著資料作答。   借貸力是84000/10000*50%*2.59mil=10.8mil。現在借貸力只用了(1.2/10.8)~10%。由於儲蓄率較高及借貸力用掉不多,建議是買多於租層大單位。現時市況未必是行將就跌,既然讀者現自住在舊樓,不如再買一間二十尾三十年的大單位作自住,將現兩房舊樓租出去。條數係咁計的:   舊樓月供五千,應每月$4000是本金$1000是利息。其實佢地而家住緊間舊樓,係低息hibor plan下每月住屋支出只是$1000,平過租公屋! 如將該屋租出去收租$8000,每月還按揭部份有槓桿儲蓄$4000,淨落袋又有$3000!   由於年齡已近40,再不擴展借貸到四十出頭會步入借貸力收縮階段,建議是九成上會再買間大兩房,比心機睇下樓,睇準目標講價。正所以炒家驚跌市、用家靠感情,更詳盡的講價要點在買樓102課程再說。只予一成首期上三十出頭有lift舊樓,比30萬首期而借入2.7mil,分25年收2%息,本金每月還$7000而利息支出$4500,即月供$11500。那在有了第二套房後樓房支出是多少呢?         舊樓的槓桿儲蓄(還本部份) $4000   舊樓供樓後淨落袋$3000  $3000   新樓利息支出   $4500 新樓的槓桿儲蓄(還本部份) $7000     其實細心再想,就當唔好理的還本部份,你新樓的利息支出在減去舊樓的淨落袋後,只不過是$4500-$3000=$1500,比起你之前「公屋價」,只係「多五舊」! 至於還本兩間屋夾埋有$4000+$7000,真係只要你肯供落新樓儲$7000,就有租客幫你儲多$4000,你打左成世工老闆都未肯比呢個福利你,頂多被逼下同你供5-10%既MPF!   比較完呢條數希望你知點選擇。而將成個故事套用在新樓就行不通,請留意! 新樓是價錢貴、租金低,只勝在有悅目的裝修,招呼朋友的會所。當然舊到住唐樓筆者不建議,尤其係雜區會比人打劫!

Read more

我究竟要儲幾耐先還清手上按揭?#419

家庭情况:小弟今年34岁,内地人士。太太,女儿,外父,外母均为香港永久居民,太太33岁,女儿3岁,目前与外父,外母住在一起。 入息情况:小弟在某中资公司任职,常驻海外,公司包吃包住,工资加补助22K人民币/月,另外每年奖金有100K-150K人民币左右,加起来每年净储35-40万人民币。太太为家庭主妇。   物业情况:2011年,以外父名绿表购入560尺居屋一间,时价250万港币,现在估值350万港币,外父已经还款150万港币,还欠银行100万港币,要由小弟负责供完。2013年4月,以太太名,小弟做担保,购入已补地价400尺居屋一间,购入价305万,7成按揭,每月银行按揭8050港币,目前出租,租金1万港币。   中期目标: 小弟太太马上会生第二胎,然后会带着孩子们出来海外和小弟在一起。小弟可以预见未来11年,每年扣除所有花费,可以保证净储30万人民币以上。小弟希望在45岁时,能够full pay这两间居屋,然后再四成按揭,买一套现价700万港币左右的三房,然后就转香港身份,回到香港工作生活。 长期目标:等两个孩子都大学毕业时,也就是小弟55岁左右,我和太太手上可以有至少三间已经full pay的房子,一间自住,两间出租。 还请指教:我的这个目标是否合理,或者我该如何制定行动计划来实现我的中长期目标。 谢谢!  答案 有報導指香港人獨特在出在和工作都是同一地方、平生走動不多、見識不廣。相信沒統計計出平均香港人一生要走幾多公里,不過外地人長大後多離鄉別井找工作,而港人少此煩惱,實是同意的。就當要返上深圳廣洲睇廠,那都是平日在內地、假日在港吧,很少會長時間離港! 能在出生地找到工作崗位、和朋友父母常共聚是福份! 今次個案是由外地人發的,見homeblogger由小小一個網站發展到現時小網站一個,能記載本地外地人的理財故事,十分欣喜,希望大家續欣賞本樣的自家創作。   讀者買入已補地價居屋出租、實在不智。不知是否在2013年初對居屋走漲行情大大看好、作此決定。筆者斷定居屋升勢是為虛火、昨日同經紀朋友吹水,談到石蔭村八百幾呎三房,經紀客人四百幾萬買入、如自由市場價成為五百萬港元,真係o哂咀! 雖然係套廁單位、但位處在的石蔭村,睇緊呢篇文既各位真係到過該地? 不過既然已買,有正現金流二千(10000-8050),well,由得佢。到兩年SSD後稅率下降時才作打算。   先講讀者45歲時,能否全清還欠100萬港幣560呎居屋債項、和新置的400呎尚欠210萬居屋債項呢? 新置房應是攤了30年,所以每月還$8000。計一個人究竟係某時間內能否全清按揭,本樣建議下列步驟: 現時讀者係34歲,目標係45歲,那先將所有按揭的單位之還款表抽出,看看由現時計起到(45-34)=11年後究竟平金尚欠多少。如本個案為新置400呎居屋欠:$1,476,167。560呎居屋債項現時欠銀行100萬,供款年期不詳,就假設是15年吧,那時候間屋本金尚欠:$292,937(月供約$6500)。   2.列出各項開支,知道自己每月儲蓄 *月入計為(22000*12+150000)/12/0.79~HK$43000 月入 $43000     收租 $10000     支出 $8500 支出細分1(如有需要)   供樓1 $6500 支出細分2(如有需要)   供樓2 $8000 支出細分3(如有需要)   儲蓄 $30000     筆者對自己的財政還理解得好的! 你可以將自己的財政放上表,看能否成功BALANCE!   3將到時(45歲)的結欠加起,即$1,476,167+$292,937=$1,769,104。然後再將每月儲蓄乘以到45歲的月數,知道期間可儲11年*12月*$30000=3.96mil。由於可儲金額大幅高於到時結欠,所以讀者可在45歲全清兩單位按揭。 […]

Read more

財務自由難道好似天上既月亮咁,得個睇字?#418

你好諗sir:   我已結婚,和太太都是三十出頭,三女剛剛出世。   我在一個今年不知明年事的中學教育行業,過去五年由 13K 至 25K 都試過,現月入18K,不過八月約滿拜拜已成定局。由於十年內行業前景實在麻麻,我已報讀part time碩士課程,打算另謀一條出路,講句唔好聽,係置諸死地而後生。太太收入比較穩定,最近加人工至 18K,將來有穩步上升空間。   早前因為三女快將出世,父母本來已退休,又出番黎做保安,幫不到手湊仔,不得不請工人照顧三個化骨龍,所以將不夠住兼已升值150%的兩房自住樓賣出,以月租 13K 租下同屋苑三房。賣樓簽約前未曾接觸到 homeblogger,思路受限,不知道當時的決定是不是最佳決定。   賣樓將套現2.5M。如不計套現所得,我和太太合共只有30K 存款,還要預留 20K 交下半年的碩士學費,還有7K 請工人之洗費。   現時計入供樓,比錢父母,養兩個小孩,保險,最慘就係當年收入高時受氹,月供4K 基金(A字頭公司既 101)無得走,幾乎已經月月清。現在就算太太加人工後,都只能抵新請工人開支,而三女之洗費和供樓變租樓之額外開支(以前供 4K,而家租 13K,扣埋地租管理費都要額外比多 8K),再加上學費,都不得不係賣樓所得度扣。   現在我的短期問題就係,賣樓筆錢點投資?這兩年每個月要抽番 12-14K 出黎,當然我不期望 12-14K 都係回報所得,只希望本金盡量少縮水。長遠黎講,如果讀完碩士轉型成功,收入三級跳當然好好,但失敗的話,有好大機會係最少十年內,都會受困於月入 15K-30K 之困局,財務自由難道真係好似天上既月亮咁,得個睇字?   再補充一點,我仍打算最少要買自住樓,長租始終唔係辦法,兩年後二仔升小學,應該會搬到其他地方,打算那時再作決定。   答案 為人師表搞到每年都擔心續約、人工高低起伏、由上文已見為何高官們紛將仔女送往海外受教。而上述「錯配」事件之引起不能全數抵賴予教師校長們,而是一個好的人,入到一個差的制度,要麼就同流合污、一係抽身脫離行業。近年政府不斷撥錢去教育、醫療機構,唯制度不公,上樑不正,錢始終去不到有需要的人手上。   賣樓套現2.5M,自己同太太的存款少量,支出減去人工仲要每月抽番12-14k出黎,即你賣樓筆錢可以頂(2.5mil/14000)=178個月,即十幾年。如果樓價同物價跌就冇計錯數,不過如樓價不跌,再加上生活指數在十年升一半(其實每年通脹只要有4%,十年買到既野已少一半),好可能五件過後你筆錢已花掉一半,到時冇樓在手份工又危,肯定遇上男人最大危機。   筆者建議你係2.5mil抽10%出黎,買入間2.5-3.0的舊樓,再搵朋友住入去,得閒叫佢幫手同你仔女交學費。其實只要你將視線轉到荃灣、元朗、土爪灣30-40年樓齡的舊樓,是有可以買到有lift及可按揭攤長至20-25年樓的住宅。買樓的目的一來是當買注保險、第時有咩事仲可以有間屋收番黎住。萬一他日收入有波動,到時你想買都未必有銀行借錢予你。第二是舊樓其實收租回報頗高的,幾年後如真的轉型成功可轉打「進攻足球」,不妨將屋一拆三,計及現在荃元一帶大兩房舊樓價錢都係三百萬左近,窗位合的大兩房是可間出三間套,共收租$15000為現時市價。那些可將屋的正現金流幫補你家庭支出。   用了10%買賣,剩餘二百萬港幣,如果你肯比時間不斷係唔同銀行搬黎搬去做一個月定期,人仔定存平均息口收4%之上,收息月均港幣七千或以上,但有人幣兌換風險。有朋友問及點解仲有銀行報人仔定期3%咁低,那你要看年期。其實銀行給予一年期3%年利率,計及是比一個月6%年利率更高成本! 如果你唔想一屋都係銀行信,都係每三/六個月續下定期好一點,當然有時間亦好想去銀行涼冷氣,每月搬一次銀去享受新資金定存優惠亦冇問題。   由於讀者家庭月入暫不過40k,仲有三個小朋友,縱在三十歲出頭抱著二百五十萬,始終離財務自由還遠。在此起首有三個步驟: 一.    買間房子細細間。租比人讓時間為你工作。樓市跌亦蝕有限錢 二.    除去定期所收息的金額,務必令自己產生正現金流,此為理財第一步 […]

Read more

收租好過打劫?#417

我個case咁既,兩年半前我股票賺左幾廿萬,就買左層250萬的樓收租,而家賣360-370應該冇問題的 換樓係想遲d自住的時候,改善居住環境 買多間就冇能力了,Income 約30000,除一間樓外無重大負債。   其實最驚賣左買唔返,或唔敢買返 又損失h+0.7 plan,月供$5700,樓齡21 本身收8200蚊租,最近加租到11000。 由於同個租客都兩年感情,11000租到11月放佢走啦,因佢買樓了。 就係咁所以起左放埋佢既念頭。另一原因,是搵新租客又要簽兩年!如何是好?    讀者是股票炒手,兩年前賺左幾十萬買入一間樓。現時如何是好?   答案 買多間就冇能力? 讀者家庭收入是$30000,借貸力為$30000/10000*50%*2.59=3.88mil。所借金額不詳,應該當年是九成上會,因為佢提及只用廿幾萬就買左層2.5mil的樓,所以已用借貸力為2.25/3.88=58%。持貨不是太重,如再有現金在手,等跌市買間細細地再收租都可行。如果用太太名九成上會,樓價又跌回2011年水平,是可以買多一間的,所以唔係冇可能。仲有,如果樓房用途本身申明是投資物業(或日後同銀行申請後批准),可將租金收入納入家庭收入之內,借貸力又增加了。筆者之建議是不用沽出現樓。   收租好過打劫 另一原因是現樓由於用低息按揭計劃,提供莫大現金流。所以有人話收租好過打劫! 即月供$5700,收租成$11000, 無啦啦多出$5300每月洗。當初投入首期加雜費約三十萬支出,回報為$5300*12/300,000=21.2%,試問有咩投資可有此穩定回報?   況且讀者收入不知是否穩陣,一下子全職做了股票炒手,未必再能維持原有借貸力,在跌市下更見艱難。至於換樓佢要自己衡量,因為借貸力不足,如只靠自力去換樓那要放出現樓,再買入時用盡借貸力,萬一樓市下跌買入新樓就如加倉,遇上跌市令早前所賺盡失。所以換大樓在旺市不宜,計及讀者的借貸力不高,更是不宜,請耐心等候。   其實在問題中他已有所感覺了,所以話:「最驚賣左買唔返,或唔敢買返」。筆者只是用數字解出他心中感覺到的風險,其實在數字上說,他亦承受不起賣樓後樓價再升之風險。所以呢百幾萬對此讀者來說,賺不得。

Read more

樓換樓要先fore水四百萬!?#412

諗sir你好!很高興認識到這個樓市問答平台讓我們對地產投資多一些認識。想請教管於樓換樓問題,因為身邊不少朋友也有類似情況,就是自已雖然有樓,怕大跌心思思想換,人工OK但手頭資金太少需要非常依賴銀行借多個7成的情況:   本人今年30歲,2年前380萬買了將軍澳清水灣半島695尺單位,供30年按9成(加保險O個隻),用一個不錯的RATE H+0.8%。因擔心該區前景極度不明朗(堆填區+太多地低價賣出,地點又不方便等)所以打算換過香港島。暫時target鯉景灣OR鰂魚涌一帶,個人感覺港島區即使大跌也無咁傷,亦好傻好天真咁唸住學老人輩由太古附近慢慢轉去太古再上半山。但由於由差區換好區,所以唔知道跟據前人經驗,應該在旺市時高價換更高價,定係市況差時更底價換底價??定係放租一段時間先?我比較不想立刻賣走出去租,不少同事09 10年以為會大跌賣左層樓,而家買唔返之餘又要蝕本,希望諗sir可以指點迷津。   個人情況:因為手頭銀根不多,所以都好需要按9成,銀行借貸是一個重點。我暫時流動現金只有30K,股票債劵100K,月入57K,有需要可另申請一筆為期10年每月15K的津貼。未來打算結婚,但暫不會要求另一半幫手,也EXPECT以後自已一個人負擔全家開支。煩請諗sir多多指點!謝謝! 答案 由於讀者未提及清水灣半島現價沽出預計多少,看成交數據再用高層單位計應值五百萬。   讀者最主要問題是應否在旺市高價換更高價吧,那要看讀者現時的購買力,57000/10000*50%*2.59=7.38mil。如換入太古城單位,單靠一人能力是可購入該處細單位,但勉強。再加上現金只是十幾萬,等於三個月人工都冇,萬一有咩事都幾令人擔心。好處當然是可有15000為期10年之津貼,但每月萬餘元之津貼又點去抵銷連印花稅都近50萬之換樓支出呢? 再加上換樓是要比double stamp duty再退回,淨係呢個連裝修都要預備「一百個」係手,洗費都等於清水灣半島。   買入現值7.3mil樓房的洗費 首期(7.3mil-4.2mil) 3.1mil 印花稅7.5% $547,500(如證實是樓換樓及在半年內完成,可退回一半)  傭金 $73,000  三房簡潔裝修 $300,000  總計 $4,020,500   可見支出已等於你現自住房的八成市值。由於前人換樓的時候冇BSD, DSD, 九成上會限借4.2mil,所以前人的經驗現時不適用。加上自身借貸力只一般,還是由理財基本儲錢出發,增加儲蓄份額為上。   如果真係不習慣儲錢,在未來不斷買樓當強逼儲錢是好方法。惟現時風勢不順,只好等。

Read more

跌市撈底三個三字訣

Dear Lum Sir, 多謝你的e-mail, 或者我講一講我的情況俾你知, 待你俾D意見我們,  本人同先生都是大約四十歲, 本人收入約20K, 先生約25K, 有一對子女, 大的9 歲, 小的4歲, 現住在屯門區快將供滿的兩房單位(還有兩三個月)價值約3.6M -3.8M(本人和先生聯名持有), 手上的現金不多, 有大約值20萬的股票, 人民幣約5萬元. 隨著子女日漸長大, 希望換三房單位, 最終希望在退休前有三間樓在手, 本人現有以下打算, 望Lum sir 指教:   1. 在供滿後再按給銀行, 以套取現金待樓價下跌時買第二或及第三個單位, 自住單位由本人再做按揭, 按7成, 供30年; 2. 在供滿後單位會轉為本人單獨持有, 先生會等樓價下跌再買三房單位/ 細價單位; 3. 在樓價下跌時, 我們打算讓先生向銀行借九成買三房單位, 然後再用先前樓按所得再買二百萬以內的舊樓單位收租. 4. 在買完三房單位後, 現住單位會出租, 出租單位只可借5成, 如没有銀行的出租同意書而出租, 會有甚麼問題? 答案   看來讀者都係有錢必還,爭人錢唔安樂的人。此同諗樣有錢爭住先,等通賬貶抑自己債項的原理相違背。明白兩個小朋友,人工不算多,現金自然少。在近日跌市加速讀者贖樓決定。本樣收到問題後有再問過讀者如贖樓後有何打算? 同n咁多人一樣都係想:「遲下有筆現金係手望跌市來臨改變命運」。其實你想趁跌市執平貨,唔係坐係度咁簡單,請你先具備幾個要點     懂借貸 跌市最令人缺就是現金。除非現時已借到好盡,大部份人不應在四十餘歲開始減債(贖樓)。另外想清楚先去還錢或贖樓,現時將間樓先供滿後再借出,倒不如咁轉按套錢呢? 除非間樓係居屋。加按套現可將樓房升值部份套出。你咁早贖返張契除左得個睇字,仲要租個保險箱黎放好份契,每個月洗多成千銀。冇咩著數可言。 […]

Read more

有冇比慢慢捱多27年更好辦法?

Alan 諗樣兄你好! 本人有一些問題,希望閣下能賜教一下。本人和太太都是44歲,有一個17歲,中6的兒子,如無意外九月將入讀本地大學。我月入約16.5k,人工平均每年只加約$150-200,太太part time收入平均約4k。99年以首貸借95%買過舊區的唐樓自住(近1m),捱過負資產後於08年頭差不多價格賣出,在親人的屋”借住”了2年多。死慳死抵下,於2010年中借90%,以個人名義1.71m 自由市埸買入TKO一居屋單位,連裝修及其他使費接近耗盡現金。係一間細行上了差不多1.6m會,30年 H+0.65%,現在約供$5100 (利息~$1100)。近日樓價急速上升,HXBC估到~3m。拜讀閣下的blog後,發現其實可能有不同方法,比慢慢捱多27年更好。 資產: TKO居屋自住 估價~3m (按揭欠 約1.45m) 現金 ~50k RMB定存 ~40k 教育基金 ~200k (預留給兒子的大學學費) 我諗過番按套一筆錢出來,轉做人仔定存又好,又或者買兩電加Covered Call收息+期權金。希望等樓市跌時有機會入多層樓,盡快財務自由。但亦有以下一些顧慮/限制: 1. 番按以我現時的年齡,未必能借足30年 2. 番按的話供樓利息會提高(現時~2.15%, 我的Hibor plan是 ~0.9%) 3. 樓是我一個人的名,若番按可能受壓力測試所限,借不足70% 4. 妻兒皆在區內上班/學,若換樓亦會在TKO區內 5. 現時家庭收支大致平衡,沒有太多餘錢能儲下,要等兒子大學畢業才有新的收入來源,但到時可能會因照顧家父而要resign。 6. 現時的居住環境+裝修太太很滿意,若非必要,應該不會搬遷。 希望諗樣兄可以提出一些意見及建議,幫助小弟,謝謝。 答案 Hi alan, 看了你的來文,知道照顧兒子開支大,現在年過40,係時候為自己退休想一想了。  相信讀者是一個活躍的投資人,好像其他香港人一樣主動進出股票,得到結果一係不滿意、二是同理想越行越遠   實在收入未能在旺市負擔兩間樓,梳信你有睇開本網都知點計到了。家庭月入約兩萬而供數已用了二萬半數的再一半(即係20000*50%=$10000的一半啦),再加按只令情況更糟。   請問有讀過筆者寫的庸才專才通才系列嗎? 內容如未令你看上眼請莫怪,提出之主旨是庸才想改善生活要搵人幫,一係要結婚,二可以搵銀行。方法二是行不通了,你可以套50萬出黎等樓市下一個低潮,再等金管放寬借貸條件後乘風出發! 反而個案在太太,及17歲的兒子有機會走下位。佢地合資格單名申請公屋,搵到既房相信夠住兩人,但以現時進度等勁耐,但仍鼓勵你參與此抽獎遊戲。 因為個人條件不合,加上在99年後虛渡近十年光陰,更在08年放出原可部份抵押加買第二套房之工具(舊樓),到2013年你只可以耐心等,絕對要係下一個浪做妥。   至於收期權金是不錯,但緊記做好cover,同埋要做好後有肉食。筆者冇留意兩電既期權金報價,點樣計到有錢賺希望你係度同大家分享下。相信經歷咁多後,你或者會感受到有樓係手幾咁好。但留意你在往後時間承受投資失誤既能力,會此早十年時大大減少。   人和不合、時勢失利、等係最好之策略。

Read more

五至八年內有兩間樓收​租

    大雄: 你好! 小弟今年24現在同父母在街市開舖…父早在有強積金開始就開始用供$800 (報自僱)母報家庭主婦 (沒有收入)小弟在街市幫手沒有正式支人工…(打算報自僱,做數…不過唔知怎樣報比較好…)   – 我同父母 每月淨儲6M另外還有一位姐姐27歲做SALES月入平均14000   沒有儲蓄-.-現有 47年唐樓A(~200M) 自住 沒有欠債剛剛買了 240萬連租約樓B 收租 可收$8000 按5成 分30年 2.15 姐姐供 爸爸名另外有70萬HKD 和 30萬人民幣定存到2013 年中   – 因為父母年紀唔少,想係5~8年內有兩間以上收租之用….小弟想47年唐樓買給姐姐,套現100M 作5成按,再租給父親8000,可以增加姐的借貸能力套現100M——>先轉人民幣定存半年 半年後有父親交租給姐姐的紀錄 可以增加姐的借貸能力14000+8000(0.7) 作收入…再用100M人民幣+70M HKD 買C   – 現在只能用姐姐去借錢…小弟就不用借原因一 現在樓價覺得高,所以只用姐姐,留小弟的能力下跌之用原因二 小弟還沒有想到支多少人工給自己比較好…以上是大約的想法可以嗎…??另外我自己的收入可以怎樣做數??小弟同父母是保守之人,股票有買,不過都係覺得買樓儲錢比較好~麻煩你…..謝謝你… 答案   對不起遲覆了,諗樣同大家一樣,希望盡用每一天,休息時盡情休息。大雄既工作及財政狀況,係想運用借貸力時都唔想見到既,情況包有自僱冇入息證明、抵押品(樓宇)年歲高、樓宇業主高、姐姐的負債比率亦因剛買入2.40mil樓而加高了,係呢個三高一低情況下點攪呢? – 首先如將唐樓賣比姐姐,先要考慮如家姐再供多一間樓能否承擔,即將47年唐樓賣比家姐,假設借一百萬,每月都要還近5000蚊,恐怕加埋上一間會令個人負擔比率超過50%,即個人總債項超過總收入的50%。 – 你賣左間樓比姐姐,就當租金係八千,冇番半年租金收入記錄銀行係唔會將該租金當作入息証明的! 就當你連約成交,係做按揭時提供租約,但係個租客又係賣樓業主本人(即你父親),諗樣真係諗唔到銀行會唔會接受。如用差餉估值計租金,個租值可以同市場價差好遠,所以你諗既「 14000+8000(0.7)」二穿一,未必可行。 – 另一點要注意,係47年樓齡用作按揭好難做到廿年供款以上。連十五至廿年都已難批。對症下藥應該要換樓,47年既自住樓有兩個諗法,一係趁高售出,但新買入既樓可以要細些少。一係搵人幫你攪「多間隔用途房」,谷高回報。除非你間樓有機被人收購,或有可能整做樓上鋪,否則你要諗諗趁高出貨。 – 或者唔駛諗得咁複雜,其實手上約一百萬港元現金可等時機,過幾年再買入樓房收租。現47年自住樓可能父母住慣左,賣唔成就算。不過為長遠計,你自己一定要整番d收入,用現稅階計報約兩萬月入實適宜。因為你自己有免稅額約11萬,如父母超60歲更可埋父母免稅額,有祖父母免稅額亦可報埋上去,計及稅階你都係交一萬幾千稅。你當資助下政府,睇下佢有冇建房福利惠及你啦,請你自己暫不要做業主,看政府有何「梁策」!

Read more

成功為什麼與努力工作無關?

諗樣兄你好! 讀過富爸爸,知道只靠勞力收入只會讓自己一世在營營役役,因此我們需要尋找被動收入。而讀過你的blog,被知道在香港這個國際都會,尋找被動收入的。深感興幸能在如此年紀便能接觸到你的blog, 讓自己能好好準備﹗ 小弟今年23歲,月入21K。與家人同住葵青,現樓約值330萬,尚餘50萬供款。 本著早儲蓄,早收成的信念,小弟現月儲$7K。由於要還學債,養家庭,這水平己是十分極限。現手上有流動資產約100K。本計劃再儲蓄兩三年至流動資產300–400K,然後再置業。但又眼見樓價節節上升,及認為愈早置業愈能及早建立被動收入,因此正思考現在是否置業時機。而首期部分小弟打算與家人商擬,把現住樓加按借出,以四十年按揭攤分債務,讓通脤減少負債。(兩年後,小弟月入可提升至38K) 今天借此機會,希望諗樣兄你能在此指點指點!首先謝過! 另外,由於如「置安心」計劃推出,又是否合適的買入機會?   ANSWER: 今次讀者宜將父母手上樓宇加按套現,為自己第時結婚買樓做準備,等樓市有變才買入。23歲根本就係一個本錢,等得。以廿歲來說,如果兩年後有38K收入是不錯了,但有冇諗住趁後生未有家庭負擔時多作準備,及利用本身才幹,將兩年後感覺secured既38k人工先提升到50k呢?   眾所周知,新畢業加入四大行既會計生工作頗為艱苦,在公司掉盡年青歲月而老黎孤家寡人既女仕更比比皆是,月薪只是一萬幾千,時薪計仲低過老麥。相反,每日工作六小時既地區總監卻年薪百萬為起步,坊間究竟有冇文章,為此現象作出歸納及總結呢?   三個層面論搵錢 從事專門或極厭惡工作令人可獲取更多報酬,此乃第一層面,亦是最易明解。專門知識加上予人方便又可得另一重報酬,生意人也! 而要更有效取得報酬,需要將自己從事的工作所發揮既影響力提升至第三層。即係如果你係強國海關做野,你係一個決定全關貨品出入口既官員,你既報酬隨時多過省長。權力貴乎在可影響資源分配或成件事既結果,各位年青一輩要努力加上把握時機由第一爭上第三層。第三層既madam簽個名就有錢落袋,麻甩佬紮成世鐵都搵唔到!   當然諗樣唔係歧視紮鐵工人,睇而家香港走勢建築業人工調升可期。但係希望此文幫到成十點仲係公司捱緊既你,好好思考未來去路。仲有最後但係最重要既係, 點解人幾廿歲仲係停留係低效工作,性格使然也!   希望讀者參考本文心法,在工作上更上一層樓。誠信、工作投入感這些量度唔到既素質,才是老闆在晉升時最為看重的! 至於2012年可去銀行搞個靈活按揭戶口,將父母間樓套100萬出黎,一半可以存係靈活按揭戶口而收番同按揭息口等同既息。另一半可買入一些港元存款證或換做人仔做三個月3%年息定期,再過幾年先低吸自住樓吧! 如果你比心機儲錢同埋工作順利,2015/2016每年買一層都冇問題,樓市係唔會只升不跌的。   至於置安心同居屋近似,投資價值稍低。除非免五成地價而自己又想住係該屋十幾廿年,否則有能力者都不建議買入。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室