八月至今逆市上升的戲院REITS #1040

2

過去一年香港股票跌多過升,那究竟市場上仲有咩投資物係有息之餘價格向上的? 我們介紹隻「戲院股」比大家。佢同中國3D數碼(8078)唔同,無新戲上演概念、是一隻美國上市的房產信託REITS,有59%持有資產為娛樂有關資產,當中大部份是戲院、亦有近市中心的遊樂中心、商場。另外約20%為兒童教育中心、另20%為戶口遊樂中心如滑雪場、水上樂園。為什麼筆者會「睇中」及在文中提出?   戲院一向比人唔賺錢既感覺,因為有「老翻」、有youtube咁咁….至於3D電影直情比人「掠水」之感。不過就係香港所見、電影院實在有成功整合及出發之勢,戲院數目減少但劇場內的院數增加! 另不難發現而家多了不少小劇院而收費比坐大院高一點的! 佢地業界正努力營運”high-end auditoriums”。   比之前戲院只兩個劇場但只有星期六/日坐爆既情況。要知戲院要賺最緊要唔係點整爆個院、而係令唔旺既時間都可以用盡個場。另外當然要講票價、香港人知2015年尾票價加幅凌厲,曾被人「懷疑」有合謀定價之嫌。家陣睇戲一個人90蚊走唔甩。相比上一次「一齊」加價係2011年,只加5蚊。可見今時講香港、戲院叫價力都強左。而筆者由香港戲院商會有限公司整合過去每年暑假檔期票房收入如下:   2011: 3.57億 2012: 3.39億 2013: 3.84億 2014: 3.12億 2015: 4.14億   2015收入突破、去年同比上升32%。2015全年數目未出、而用暑假對比另一好處是上年股市已在5月見頂下跌、所以沒什麼旺市影響。2016基本上收益應比之前勁,因票價係2015第四季先加,再加上現今戲劇上映時間比之前早可預測、科技進步令製作時間可以預期,這一一都支持此行業發展。 當然單看香港一地之票房不足反映下方持有美國戲院、滑雪場、水上樂園、兒童教育中心的EPR Properties(NYSE: ERP)。上`方有其持有物業的行業分佈解說。留意到其物業同屬一條產業鏈,戲劇>小朋友讀書>家庭娛樂場實好有關連。EPR係一隻REITS,佢只有當中近一半持有物業為戲院、而票房收益如何不直接影響。持有REITS的好處是物業租金大部份作派息予持有人、而當中有稅務優惠。EPR Properties由2015年4月至2016年1月價格升幅為0.32%,息率6.4%(見下股價圖)。同中電比較,中電同期由$68.5水平跌至$65、而派息率為年4%每季派出。EPR Properties為每月派息、由2011年至今連續六年增加派息(下方棒型圖)、ERP在數字及波幅上都比中電好,為分散組合之好投資。若待價格回落至$51.2買入、息率升至7.5%。   棒型圖:   股價圖:     當然、讀者或問有冇野係既派息之餘係過去三季計增個價上上升的? 達到逆市收息賺價之效? 那筆者為3月將舉行的ETF課堂「留一條尾」。見下方的更好選擇,2015年8月至2016年1月尾升17%、完全擊到大市! 3月再談!    

Read more

利率正常化下該投資什麼

item_1d1aea1738e2

  美聯儲加息,望可鞏固市場信心同時刺激經濟,雖加息後基準利率仍未能立刻回復到百分之零點四的正常水平,市場對美國落實加息的反應還是良好的。議息聲明公報後美股雖看似不無波動,三大指數卻皆以強勢收市,道指以升224點收市,亞歐與華爾街同時向好。   記者會上聯儲局主席耶倫仍能從容面對,看來對加息政策帶來的後續反應有信心。美國失業率向來不低,上月處於百分之五的水平,勞工市場參與率雖未見大改變,但比起五年前每六個人相爭一份工的情況,現在每一點五個人爭一個空缺職位,失業情況明顯有大改善。   美國就業市場雖明顯比以往活力充沛絕,經濟復甦的條件和狀況卻未必全面。上個月,製造業採購經理指數(PMI) 只有48.6,跌穿法好淡分界線,為三年來最差成績。   根據美國以往的「零息時代」,PMI每次降至目前水平聯儲局都會以量化寬鬆(QE)應對,然而耶偏卻相反地收緊銀根,反映她對就業帶動經濟頗俱信心,相信就業改善有能力抵消製造業疲態。   聯儲局決策者們的一個決定終結了七年的「零息時代」,耶倫表示,過往曾因聯儲局決策者行動太遲加息導致扼殺經濟增長,落實後再追加結果引致市場動盪。耶倫對市場看好,也為免重蹈往日覆轍迅速落實加息,可是以宏觀經濟條件來說,環球經過不振尤其新興國家經濟復蘇遲緩、商品價格「深不見底」、美股位高勢危埋隱患增避需求、垃圾債基金問題不斷等,都反映加息後環境未必能如耶倫所想般樂觀。       眾所周知,銀行以借短貸來長賺息差,惟現時長息低於短息,此情況估計不會持久。零八年後美國政府已規管銀行持有的垃圾債規模,這樣看來加息買銀行股似乎也無往而不利,除非美國經濟當真如耶倫所想樂觀。相反,那些在QE被逐步結束和聯儲局大力鼓吹加息期間愛壓的股票或投資工具反在美國落實加息後更值得考慮。   此外,發現房托(REITS)與五年期美債的孳息率關連性近零,似乎加息不利房托之說不見根據,下方兩隻房托有關的ETF或可大派用場。派息在11-15%,留意當中價格風險亦與港的REITS近同。    

Read more

債基外5個收10%年息法門 #1008

Kozzi-value-highlight-1774x1183

係時間給予除債基直債外更多的收息方法,約在10-15%年息附近的。幾個法門如下:   1. 參加高收息指數的ETF,嚴選派息股:   指數是什麼? : 恆生指數收納香港一系列大市值的股份、由恆指服務公司決定。 高收息指數? : 收納50隻股份、相同份額(即你可當每隻投入2%),及有下列特點: a. 美國上市公司的股票或同美國極有關連的 b.最少有相等於10%市值的股份流通(參考: 香港股票一般不少於25%) c. beta值: 不高於0.85 d. 過往12個月派息率為1-20%,已連續兩年有派息、今年派息最少為去年的50% e. 最少5億美金市值 f. 每年二月第三個星期五重整組合 g. 首50隻有此特點及息率排先的將放入指數   根據此指數買入及收息,年息為8.16%(見下圖一)。差在波幅「不合格」,過去一年跌18.34%,但都比不少香港股票好了。 – 2. 精選美國某一版塊。不買正股、只收取版塊期權金。過去一年波幅只1.5%,而息為9.16%。相比中電過去一年波幅12%而派息只4%,簡直贏幾條街 – 3. 另一招收息係做大債主。做「雜借」! 即又做私人貸款、又做樓按。當然你係香港冇財仔牌點做!? 可以用ETF「買入債務」,坐定定收息。當然做鬼佬債主風險比香港人高,現旨提出除債券外其他收息法門。各個相關系數有異。   年收息11.16%(見下圖三),一年亦有下跌。用作買股收息外分散投資的選擇可考慮。留意此ETF固定月派息$0.15,若收益不夠會由本金支付。 4. 專購入美國的按揭債務收息。同上面「大債主」相比,呢隻只做按揭一類。風險較集中而息高。年派15%。留意上述四隻ETF不為保本、但同香港不少股票之績效比卻好多了。希望2016大家將視野拓闊。留些少「實在錢」收息、少去炒賣。這些財真的「年年有餘」。 5. 知道有些讀者可接受賺少D而又保本。可留意下保險、筆者新加的收息101內容、收息103都會加(比早前已修101的舊生)。坊間經紀不會介紹此傭低的方法。 好簡單,供212萬、放5年後保證有250萬。預先繳付金額可為13%或26%或當然100%都得! 如13%,回報為 [(250-212) – 212*87%*10% ] / 212*13% = (38-18.5)/27.5 = 71%。每年保證回報超10%,或每5年將錢變大七成。本金只需港幣275,000。 或26%先付,回報為 […]

Read more

30歲3萬無殼蝸牛怎脫宅買宅?

未命名

某天無意中發現諗sir 的Blog, 細閱之下非常有見地, 之後買左書同再上埋買樓收息COURSE, 真是獲益良多。客套說話唔講太多  概況: 30yr, 30Kper mth, 月儲14K, 現單身(會努力找個伴)  庸才出路 Orz SAVING 400K,STOCK 70K 月供基金 230K 每月2K 如需要有80K可套現  現很後悔那個月供基金,佔總財富比重偏高(約32%), 但都太遲了 T_T, 唯一安慰系月供佔月入不太高(6%)同暫時仲未蝕,唯有當遠期儲蓄…. 現我下一步策略應該是那個方案比較好?  方案 1 本人借貸力=30000/10000*2.59*50%=388萬 你說過旺市用一半借貸力,但190萬依家個市根本買唔到樓(190萬就算買到都應該好差, 自住不想太差)。所以用75% – 80%借貸力, 先買一層約330萬樓九成上會不靠父母, 連埋雜費,INSUR約45萬, 套現曬D股票 + SAVING 剛剛好,餘下20%借貸力, 約50萬銀行借埋返來 (唔知可唔可以咁做?)放債基收 10% 息,減少供樓負擔之後人工多了,不再單身時, 再部署下一間?   方案 2 看完<收息論>, 發現自己GE投資全都是前輪, 非常危險隨時炒車, 必要加大力度於後輪, 希望架車穩定返D吾好炒車 唔買樓住, 先套現曬D股票 約40萬債基收2-3年10%息先(但好似唔夠$$開戶口 @_@), 等樓價跌 20% 時再做方案 1 是否應該套現回基金的80K,來INVESTMENT 其他好D?  宅(窄)男上   Answer: 讀者是個三十歲搵三萬的年輕人、儲到幾十萬係身,正煩惱買唔買樓,在本網800個案當中算十分典型。係而立之年儲有幾十萬,買股又未得法門,當佢係咁死儲多兩年計由而家40餘萬到60餘萬又如何? 假設兩年後真係比佢等到樓市大跌,那讀者可九成上會買到間兩房四小龍,不過由於個人進度需和同儕相應,係其他人在跌市變得比讀者更有實力之際,恐怕讀者到時又未見得會心足。   相反讀者在現時成為主業更努力儲錢保有一些彈藥,在跌市時有機成為「二樓樓主」、或會成為領先同儕的一位。筆者不以買樓為目的、而是以比較及令自己「跑贏大市」為目的,知道此陳述令本網走的路線變低俗了。可是連生存層面既未攪好、每日返工都要用「頂硬上」心態既人、真係可以遠離群眾亦不相比較、走一條清幽而又通住仙境的小路嗎?    買一層300萬市值以下既樓是有可能的,更是讀者應作的。讀者已是學生、應知道買樓自住是消費需求、可以變身成雙租族將買樓的投資需要分割開。即買間細價樓、殘一點而位置偏旺的令流轉量合符水平,起碼同大市同升同跌。他日有需要自己搬出黎、那將該房租金用作補貼自己租樓支出就成了。   當然讀者買樓只可九成上會,理論上樓房只可自住不可出租。在現今香港,變成收租佬的代價越來越大,政府有一系列政策阻止人買樓收租,可是當貨幣內含值再走下坡,未有資產係手既人只會輸得更慘。不少人靠投資股票為自己尋出路,但股市易出易入、不少專業人仕利用資訊不平衡去合法地欺壓唔識野既人,平民如乜都唔準備就走去買股票,贏到一次係幸運但要成世人連贏必要花時間鑽研心法。所以呢,打工同投資一樣,未有不勞而獲的道理。學懂如何叫錢為你工作、先可以賺取工資以外的一份糧。   細價樓仍然價硬,雖筆者有感2015年C類單位才是王者。在上星期日買樓003已找出2014年11-12月數據揭示未來一季樓市走勢,在2010年至今有幸未出差錯。翠屏花園、荃灣中心、大興花園都有240-320萬的樓盤選擇,就如入手260萬用用26萬首期、借230萬等於讀者330萬總借貸力之60%,萬一跌市都有能力可守或再買樓溝淡。對於人工只是3-4萬人仕、獨力買樓只能入手偏遠地段是正常結果,最怕係唔係DREAM HOUSE都唔肯比錢買既人、怕樓市再升令自己置業夢想更難實現。   那唔買樓又如何? 筆者看法是未有樓在手者宜先平平都買一間、對沖萬一樓市再升風險。在早年文章「租樓定買樓」已說明,細價舊樓租值一般會比較高。假設自己先肯屈就自住在較細樓房如兩房大興花園、300萬入手而月供$10000,同時為自己省下九龍區16000/月的租金支出,兩年過來即省400,000租金,連同自己供大興花園每月還本金都有$5000/月,即兩年$5000*24 = 120,000。將兩年慳到加省回的400K+120K = 520K的支出,已抵受到大興萬一入市後跌16%之幅度。最可幸是樓市如再下跌、原本在九龍$16K月租而家減為$10K供樓,一年再多儲72K那兩年點開始夠比首期等跌市執平貨。   搞好間樓讀者仲有廿來萬淨、如願意承受風險、可以借PLOAN(私貸)攤長5年還而用於投於收息班的債基方案。計借30萬分60個月還、月供$5500。連同自己的20萬係手、不妨投入無年期的債基。至於股市不妨用ETF去捕捉市場升幅、不用擔心個別公司風險,更可無論市場升跌都同時獲利。20萬加借回答的30萬,用50萬投放債基每月收息5500-6000,即可用作每月還PLOAN的供款。幾年過後還完即成舊放係債基既錢都係自己。若果日日在23-25歲行此事,30歲基本唔靠屋企都有首期。當然借貸及債基都有風險、每人作的分量要先明白再添加或減,但在此長時期的低息環境,再用舊方法去儲蓄理財只會比政府吸乾你既血。    

Read more

陸羽仁 – 生化與中國、ETF

外圍歐股因為希臘政局動蕩而下挫,但美股反應唔太大,杜指跌55點,跌幅只有0.3%,睇嚟美股可以平平安安過埋今年。     美國的交易所上市基金( ETFs)大行其道,唔係好似香港的ETFs主要係指數基金,佢地的ETFs投資乜都有,睇美國的ETFs的狀況,多多少少睇到今年投資個局,你估佢地今年最好表現的ETFs係乜嘢類別? 就係生化類和中國大陸類啦。     在生化類中,最勁的First Trust Biotech ETF 今年升49.5%,它是一隻持有美國生化股的平均比重基金(即組合內每隻股票不論大少持貨比重一樣)。另一隻平均比重指數基金SPDR Biotech 今年亦升43.5%。至於iShares Nasdaq Biotech ETF就係按生化公司市值決定持貨比重,就升35%。因為不少細價生化股今年表現特別理想,就令平均比重基金表現較優勝。     生化股ETFs係一個資金蓬勃的大類別,另一個資金細少的組別表現標青,就是投資中國股票的ETFs,買A股的PowerShares China A-Shares基金升54.6%,追指數的db x-trackers基金升46.6%,另一隻Market Vectors China基金40.9%。中國股票上半年表現麻麻,到11月開始放水減息,又搞滬港通,A股借勢大升,相關ETFs亦食正條水,臨尾跑出。預計中國股票基金今年有良好表現,明年會吸引多啲人投資A股和H股。不過有了滬港通之後,新問題係對大陸股市有興趣,可以用滬港通直接買A股,不一定需要買H股,所以即使更多外資買大陸股,都不一定要買香港上市的大陸公司股票。     講完好要講最衰的ETFs,唔講都估到,最差是俄羅斯,Market Vectors Russia指數基金跌44.6%,其次投資資源股的Vanguard Natural Resources基金都無運行,大插43.3%,買石油股的基金亦重創,PowerShares DB Oil基金跌41.4%,買鋼股的Market Vectors Steel基金跌28.9%,買油股氣股的SPDR Oil & Gas E&P 基金跌28.8%,呢隻算跌得少啦。     順勢追中國股票都係2015年初段的熱門主題。敲冷的睇油股俄羅斯股,Market Vectors Russia係追綜俄羅斯股市指數Market Vectors® Russia Index,投資比較分散,佢今年跌咗44.6%,如果佢今年再跌50、60%,去到呢啲殘渣價時,真係可以留意吓,呢隻基金在2011年金磚四國投資概念仲流行時,上過高位43.16美元,而家得番15.54美元,已比高位跌咗64%。(有興趣可以看看它的5年圖http://goo.gl/B8kt72) 俄羅斯呢個大國,死唔去,俾人打到重傷,慢慢又會爬番起身,可以留意呢啲暴跌洗牌時,有無乜嘢投資機會。 

Read more

諗SIR-如何對沖債基收息10%後的風險?#776

Lum Sir 你好! 無意中幸運地發現你的BLOG,十分喜歡,並報讀十月的收息課程。希望請教Lum sir,給小女子一些意見。謝謝。 本人背景:  – 小女子27歲,會計,與父母同住。雖然已經供滿,但不想動用父母資產。 – 每月人工: HKD 40K – 每月支出: 約HKD 13K 資產:  – 現時估值HKD 3M 的屯門兩房B類單位, 已租出,租金扣除支出,每月打平 – 股票,基金及債劵投資約HKD 300K – 現金約HKD 500K (包括TAX LOAN HKD 300K) 負債: – 按揭欠款HKD 1.86M –>該單位現時估值HKD 3M –>於2013年尾以HKD 2.7M購入 –>按揭7成, 利率P – 2.85% –>供款年期30年 – TAX LOAN HKD 300K –>2014年年頭借入 –>利率3.2% –>還款年期4年 –>之前用作買股票收息用途 五年內計劃 […]

Read more

諗SIR-40歲、單身、失業、會否太遲了?#774

諗Sir,您好, 本人現年40歲,單身,與家人同住一公屋單位,而該公屋單位家人已於早年買下。本人有碩士學位但學位屬科學性,所以可謂學無所用。本人最近失業,會重新審視一下現在個人狀況後再重新上路。 本人年幼時一直有個夢想,就是一筆過買下樓房作收租用,不用按揭給銀行,以為這樣可省卻利息。但辛苦的儲蓄是敵不過通漲及樓價的昇幅,又最近才拜讀到諗Sir的文章,亦於早前上了諗Sir的收息班,唯現在才知道時間和金錢的關係實在是太遲了。 – 現資產配置為1.1M現金、1.7M股票及人民幣定期三年後取,到期有約0.5M港紙。欲攪小生意但暫未有頭絮向那方面發展,又,欲為將來打算,雖以我現時狀況有點遙遠,但亦望可達致財務自由及一生三宅,所以特意來信望諗Sir賜教!感激不盡!   小女子上 2014.11.14 ANSWER: 唔敢講讀書係無用,不過如你讀書目的係為左賺錢,咁可能會事與願違。搞小生意係可以賺到錢兼改善生活, 不過你有冇聽過人話:「你都唔識做生意!」當然口生謾罵之言實在不對,可是做生意是門學問絕對同意。 時間同金錢既關係, 大概解為金錢之內含值會隨時間降低。反而黃金,房地產都未曾出現此情況。當金融海嘯時樓價大跌,主因是貨幣供應大幅減少致各商品價格未能提振,一張銀紙之內含量未有因為經濟走疲而大為提高。再引伸就係先借錢換房地產此概念,此舉是睇準貨幣內含值將走低而房地產及黃金在人心中之地位不會動搖,又或如真有動搖之情況出現,都係入市好時機, 1997, 2003, 2008如是。 – 當然買樓多要借錢,如果租務回報低而借錢息口過份高,咁買樓就不易賺錢套利。可是香港跟美國都將維持低息在一段時間,加上特首鴻圖大計,就只為各位提供多1000個單位, 咁既情況下要樓市步入漫長熊市有點艱難。另一件事就係學位眨值,加上香港服務業繁盛, 高工資加上高學歷根本係個致命傷。公司只預萬幾銀請個同事, 又點敢冒險「高攀」招募碩士生呢? 讀者已完成收息課程, 相信要為自己人工再加一萬幾千, 根本唔使再去讀乜鬼野博士。在此說明筆者對於有志求學問的人是十分敬佩的, 亦同意為香港求出路需多為各行業添加技術元素。可惜香港人都係求財既多, 肯用心創作或求完美既人少。讀者將佢1.1mil現金入手債基,用每一百萬可收12500去計, 此數目即每月收13000有餘。比起自己辛苦用讀書去增進個人事業,債基實在給予了一個又快而風險可控的方法。 – 股票方面,正如ETF班有講,將2/3 股票沽出而1/3 轉作同恆指或A股有關的提案,成件事可維持原有大籃籌組合之同等升跌之餘更有息收。150萬之2/3騰出了買債基收息,每月收息一萬銀有餘而儲兩年即有廿幾萬, 夠借九成買間樓上會。讀者不要現時心急買樓上會,因看來投資水平在初階,希望要痛下苦心習好投資。人到40花太多時間在工作,和讀書, 恐怕令自身經歷太少, 宜放手先了解後作多點新嘗試, 為自己近來不感之年。

Read more

諗sir – 兩萬月入追擊一生三宅#769

諗Sir你好! 本人會員編號:1385 看閣下的Blog己兩年多, 獲益良多。已上完收息班及收息103,希望閣下再為小弟指點迷津。 本人及太太33歲, 有1個2歲小朋友。本人為庸才一名,月入20K, 太太月入13K。 扣除供樓及支出, 每月只可儲6K。有1層位於青衣(十幾年樓齡)自住私樓,現估價約450萬。太太單名持有,欠約145萬, 年期尚有29年。每月供款5.7K。手頭現金:港幣100萬,人民幣定期30萬。為方便家人照顧小朋友,所以不打算放售或放租現自住居所。本人長遠目標都是希望購入收租樓,最終能達成一生三宅。 – 請問現在應否將手上現金用債基作收息,待樓市回調再入手收租樓? 還是有其他更好的配置? 希望聽取諗Sir寶貴意見. 先行謝謝 ! 煩惱人上 ANSWER: 讀者儲蓄水平實不錯,家庭收入三萬而在三十出頭儲到一百萬,更有一樓在手,已教不少同齡而人工更高人仕覺慚愧。要在讀者人工較低情況下完成一生三宅,要點是原有物業要作出租產生租金收入,計青衣樓租到$15000/月,讀者借貸力可由原本(20000+13000)/10000*50%*2.59 = 4.27mil提升至(20000+13000+15000*80%)/10000*50%*2.59 = 5.82mil,有此借貸力對完成一生二宅才有點眉目。當第二間樓有租金產出而讀者現金水平夠的話,要完成第三宅都唔係難事。條數是咁計的: – 現在持有青衣樓供款5700/月,讀者家庭借貸力剩餘額為(20000+13000-5700)/10000*50%*2.59 = 3.53mil。讀者早年用太太單名買樓在今天看是做得很對! 忍手等等樓價稍回,希望可以用三百萬執到間沙田河畔或第一城,讀者自己九成上會只消用幾十萬首期。如要留係青衣,三百餘萬都有不少選擇,樓市調整後用三百幾萬買既單位可能仲大過現值450萬之現居。之後讀者將原居租出、然後買第二宅用約3.0mil借貸力,剩餘了(20000+13000-5700+15000*80%)/10000*50%*2.59 – 3.0mil = 2.08mil留作第三宅。到時加埋自己百幾萬cash,再買第三間樓都有頭緒。仲唔夠可以等第二宅升後再轉作出租用途,總借貸力又可再上升。 – 至於不打算放棄現居又要完成一生三宅之想法,要個人收入再提高才有此選擇。這亦解釋了錢為何用。 – 現時之方略建議是再買一樓,雖樓市升勢已維持多年,可是在資產不停因貨幣貶值後而價膨,讀者唔趁而家有能力買去入市,往後能否再完成二宅實有疑問。當然看倌如是借貸力充足,那不妨可以再等一等。在此分出資金少、或借貸力低既人是等不得、或更需要博。讀者九成上會去入市動用資金不算多,快趁2015入市。就算之後樓市跌20%,在細價樓而言金額不大,加上幾可肯定香港300萬以下樓盤快將絕跡,此舉筆者看法是可以博。香港人在最低工資實施後大多接受置業之成本最少都要二百幾萬,而讀者target近同級數單位風險有限。 – 那現存之資金有何用? 讀者看法是利用收息堂提及之債基方案去產出12-15%年息,留意人仔都有獨有之債基買入,息口為9-10%。即一百萬港幣可收息$10000-$12500,而30萬人仔月息為RMB 2500。每個月都「執返」成近$15000落袋。其實佢用呢舊錢出去租間三房改善居住環境,再將現居租出去提振個人借貸力去完成二宅都是好方法。另外不少人怕加息會影響債基回報,其實我地可透過ETF去對沖加息風險,見上頂圖之ETF在2013年5月伯南克初提「收水」時,人們對加息預計提高而此ETF價格拾級而上。到今年大家已PRICE-IN加息,故此ETF價格走低。其他懂得,加減息都有得買,問題是大家會否花時間去尋找合用的資訊。    

Read more

放棄債基方案收息 #739

    Hi諗Sir, 我是你的長期讀者, after reading your樓換樓, then, 參加你的課堂,如Japan買樓及收息101 – 102。 And will take 收息103 in Sept, 2014. Also, both of your books 樓換樓 and收息論 have been read from top to bottom and I recommended to many of my friends to buy them. Some of them bought your book but some cannot due to out of stock very quick. Please print […]

Read more

大學生有鋪收租(窮人慎入、內容或會令人不快)#736

諗sir: 你好 我已經申請你的收息101 102 103課程係10月同11月, 因有一筆cash,上堂之前想徵求你的意見。   我今年23歲,下年大學畢業。同屋企人住. 好有幸地我係一個OK富裕既家庭長大.不過我從小開始學投資,好好彩地係2004-08年買股票,搵到第一桶金(由5萬本去到2百萬) 中間屋企人比多20萬我投資 – 08年咁岩要去外國讀書放哂D股票做3個月定期而保左本 可惜2010年左右輸左獲金既(267.HK…) 之後就唔係好敢買股票,轉去炒鋪位樓市 發現原來磚頭升得仲快過股票 中間有買有賣直到而家。靠自己一開始既本ROLL到500萬左右 ,其他我LIST 既都係屋企比(我認有父幹成份..不過我好想可以成為一個上進識更進一步既中產後代) – 我現在的portfolio 1,一間工廈full paid  市值15mil左右(屋企比) 因為屋企比所以唔可以拎去做MORTGAGE, 一個月收緊4萬蚊租,租約仲有3年 – 2.有7% SHARE of 1 間收租公司 (屋企), $8000 per month after tax .no outstanding loan – 以下就係自己可以control到既: 3,淘大花園2房 上年10月買,今年3月尾先成交 買入366萬,現值400左右 借7成 @1,96%     收10500 租。供9434  ~4200 interest ~5200 本金 明年4月到期 而家同類形單位起碼租緊12000 […]

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室