九十後包租公#510案庸才

諗sir您好, 本人今年23, 現在協助家父打理生意, 月入26k, 女朋友還在讀碩士, 2014年底畢業後月入將超過24k(行業起薪點), 因本人與女友旨十分節檢的人, 預料待女友畢業後兩人可儲around 35K per month. 現在雙親打算給小弟250至300萬左右作買樓首期之用, 因小弟乃投資樓市的初哥, 所以很需要諗sir您的意見. 亦因小弟打算婚後仍與父母同住, 所以將來需要換一間大d ge單位嚟住. 現在小弟有兩個方案, 想請教諗sir您是否可行.   1. 一沙田鄰近鐵路的居屋, 28年樓齡, 現時約值260-270萬左右, 放租9000-9500/月左右, 扣除差餉管理費後剩7900左右/月, 小弟打算買兩間收租, 到結婚時把其中一間賣掉, 再加上未來幾年的儲蓄的一部分購置一較大的單位. 優點: 租金回報較吸引, 而且到結婚時仍能保有其中一個物業提供正現金流 缺點: 樓齡大, 升值潛力低 2. 一沙田鐵路沿線的私樓, 11年樓齡, 市值約450-460萬左右, 放租14500/月左右, 扣除差餉管理費後剩12000左右/月, 到結婚時加按買樓. 優點: 樓齡細, 升值潛力較高, 抗跌力強, 而且需要付的首期較低. 缺點: 租金回報較低  P.S. 按揭家母可擔保, 家母月入38k, 本人與家母亦冇任何負債. 答案   […]

Read more

你想為層樓打工? 定係層樓為你返工呢?#501案庸才

拜讀諗SIR文章多時,改變了我以前許多想法,所以決定寫信給您。   小妹是自僱(補習)單身人士,收入不那麼穩定,但至少每月可以有約2-3萬收入,不希望繼續租樓,請問如何可以向銀行申請房貸? 本人現年31歲,流動現金人仔約有85萬。 不知諗SIR可有什麼方法提供?!   P.S.不想/不會結婚,生小孩! 單身小妹上 答案 今次讀者做了理財三違反,在筆者之見會和財務自由越行越遠,先看三違反再道出解救之法。    1.從事收入不穩定之自僱業務 收入不穩完全唔係問題,不少藝人的收入都是在某數值大幅波動的。問題是你有否將收入記低,再有(銀行及政府)機構公認為核實收入。有核實收入是十分重要的,因此可令你利用借貸力去借錢。借錢又點解重要? 因借錢返黎可以買樓買債,當中產生之正現金流,或賺價所得,係不少人打十年工都儲唔到的。   你可能會想:「一定贏錢架咩?」當然唔一定,所以筆者建議買樓是看樓房能否為你產生正現金流,如果在樓價高水之黃埔有間能提供正現金流一萬的樓房,那現時樓價高企仍然可買! 因為此資產可每月出一萬蚊糧比你,你在升市跌市持有都無妨。   當然又有正現金流,又賺埋價就very good! 不少港人業主都有此情況。你見homeblogger不少個案都是人工兩萬蚊,賣樓賺百萬。即原本你儲十年先有既錢簽個名可即時放在眼前。可見作出精明之置業決定等於層樓為你打工,買入唔值錢既樓你只會打工為供樓,咁你想為層樓打工? 定係層樓為你返工呢?   說好了核實收入及置業的重要,那要出手幫讀者置業。由於補習收現金,建議讀者將補習出的糧入哂落某公司,然後再由公司出糧比自己,那收入即可核實了。讀者和該公司要有servicing contract,公司自己當然要核數同報稅啦,如讀者真係冇朋友持有公司提供此方便,那可電郵筆者搵人同你做妥。當自己有收入後就要交稅,將收入控制在廿萬以下,即夠借貸力上會又唔會破費交稅,值得安排。    2.單打獨鬥難發圍 就是單打獨鬥難成事,唔結婚就請找父母兄弟姊妹做買樓擔保人。大家身邊應有不少親戚是有收入但冇樓供的,好好利用他們剩餘之借貸力。    3.租樓而不持有令你荷包虛弱 租樓冇問題。你可以持有高回報樓房而租靚靚新樓,在上星期六買樓101在此作了點討論。無殼租住只會將自己每月現金流奉上業主,令你自己同業主的距離越行越遠。  

Read more

新手想買樓收租如何部署?#497案偽專才

IMG-20130725-WA0004

本人與太太幾年前置業,30多歲,290萬,借8成,25年,聯名,月供9000,現剩200萬按揭。單位現時市值約490萬。   本人與太太月入共90K,固定支出約45K,當中包括供樓、供養雙方父母、基金、保險、養車、飲食等。手頭資金有100萬,但50萬放左係股票市場,走不了,另有10萬做左人民幣定期,流動現金只有40萬左右。   想問如果我二人打算再買一層作以後收租之用,現在應如何部署?第二層樓是否只可借6成?現時是否合適時期?投資在樓宇還是其他地方較好? 答案 讀者在自己專業有一定認識,但在買樓投資可真要再花一下時間。將十年時間儲起既錢用於一次到幾次之投資,怎能不過問不研究清楚呢? 無奈不少人只道聽途說就將幾十萬積蓄雙手奉上,在不明白的情況下去投資,比不努力去賺錢傷十倍。失業至多賺少十幾萬,仲可能有綜援,投資失利一輸成百萬,你辛苦返十年工都未必儲到,比失業漢之生活更可悲。   建議先作研究學習從兩處可見,一是第二層樓如是收租投資,可借五成,而在供樓之負擔比率不可過四成。即四萬人工,加埋欲展新貸不可超16000。二是沒有走不了之股票,股票是你越是唔肯走,越是走不小。試想你打仗總是將精兵師團解散,留返班庸將同你打天下,那百萬雄師都會死在你手下。股票方法筆者已有周顯及設立了股票研究部,希望各位在股在樓,都可收到名家第一手訊息。   由讀者人工來看,己可部署一生三宅之事,如時間配合可在幾年內完成。方案是部署一年內買間細樓收租,靠細價樓加碼。再等樓市下跌用九成上會搬去優質屋苑,一生三宅頃刻完成。先將現居套現至樓價70%,即可套出4.9mil*70%-2.0mil = 1.4mil,加上手頭上約一百萬現金,可令自己舒服付三成按揭,報稱自住多買一房。買入後一邊供自住樓,再搵人幫手供左新買間屋佢,期間中活用買樓101、102課程所講之一拆二之法,兩夫婦間拆一個人出黎準備侯低吸納。   為何要拆一個人出黎? 因為現在香港一位冇物業人仕是受幾方政策之惠的。首先買樓可報自住,九成上會批出機會大增,另外買樓更不用付double stamp duty,又慳至少幾萬蚊。既然可借足九成那第三間樓定必重注,在市低時機出手買入比太古城更優厚之地段。   12月4日優惠 比太古城更優厚? 筆者認為九龍塘、何文田、或新晉九龍站是也! 那你會問讀者月入只九萬那如何買九龍站呢? 可真要等一等! 在2005-2006年間又一村、何文田盡是五百萬樓盤,所以此重注不在年內實現。惟讀者借貸力頗充沛,有90000/10000*50%*2.59=11.6mil而現只用了2.0mil,實可在來年但位再借二百幾萬,入手間三百餘萬的細價樓收租,再等時機入手第三間。  

Read more

人工萬二銀竟可「一生三宅」?#495案偽專才

諗sir,你好!拜讀閣下文章多時,獲益良多!但小弟天質不高,對自身之困難始終未能想出解決方法。希望諗sir能賜教。   小弟今年28歲,與太太有一層聯名自住樓。26年樓齡的舊居屋、已補地價、建築面積約470呎。06年買入只為80餘萬,現銀行估價約290萬(HSBC & BOC)。按揭餘54萬左右。小弟與太太入息不高,兩人各自月人約12K。   小弟對現有居所其實幾滿意。雖然面積不大,但高層,兩口子住得都幾舒服,可以既都唔想搬。想把現有物業加按,轉埋名俾太太全權擁有。套現一筆錢準備一拆二。但問題黎了………   初部問過HSBC,供30年,2.15%,借105萬,以太太入息計,每月還款不足4K,可過壓力測試。應還有小小借貸額未用盡,扣減現有按揭後應可套現50萬。 50萬用小弟名當自住物業(按9成)買,以小弟入息,最多可以買幾多錢既物業?因為現有舊居屋   現時又是否一個合適的時間一拆二?還是把50萬用存款掛鈎按揭存定錢,留定彈藥先,等過幾年樓市下跌番D先再買多一層物業?還是諗sir有更好的建議? 小弟最終目標希望可以有二至三層物業,好等老來生活有依靠。 盼賜教,謝! 答案 由於經常收到中年一輩的個案提問,幾天前有讀者告訴可否在年輕人置業多給文章,故今天選出28歲的讀者個案作答。讀者己有物業、更賺得二百餘萬,和自稱低收入人仕的讀者對比,此筆買樓賺得金額十分重要。且看如何運用助讀者改變人生。   讀者趁低補了居屋地價十分重要,如非今天根本不能將居屋加按,或要再補近百萬才能將居屋活用。讀者看了homeblogger之一拆二之法,想去銀行一問究竟,發現原來自己的借貸力太低,行不到一拆二之法。那也十分正常,一個在港低人工的人,怎會能和中收入人仕在財務上享有同等待遇呢? 心境可自行調較,但金錢是現實及能計出的。讀者兩人共可借(12000+12000)/2*2.59 = 3.1mil。   讀者諗會將居屋加按105萬,減除現有欠款後可套出約50萬。那手持半百萬的讀者用九成上會可最盡買咩樓呢? 讀者自己可借盡約150萬,即加原有之半百,可買二百萬樓房。留意此例是,如借貸力充足,如有50萬在手,再加借最多420萬買入470萬的樓房,惟如本身人工不足,根本很難和銀行打交道。   放棄九成盡槓方法 那讀者怎辦? 還是循規蹈矩用五成上會買樓收租好。原因是新買入樓房簽下租約,租金收入可加強讀者借貸力,即在12000再12000之餘再另加收入。讀者和太太可將現有居屋套現更多至150萬,因290*70% – 50 > 150。套出後可向翠屏、金獅那些二百餘萬之屋苑打主意,用約1.5MIL做首期、只借少於1.0MIL就可開展做收租佬! 如識買入唐樓再改間隔收租,隨時可以多份糧係手。但留意如二百幾萬樓有張年收廿四萬的租約,你就咁攞去銀行下次做借款會引人懷疑的,試問在現世普通一間樓如何收10%年租回報? 這中間需要一些作法。   人工萬二銀竟可「一生三宅」? 那讀者加按令自己有1.5MIL負債。買樓收租又有1.0MIL負債,早前借貸力計及最大只3.1mil,之後點再買第三間呢? 讀者回復元氣,儲下錢收下租之後,假設新樓收租$8500,借貸力會更新至(12000+12000+8500)/2*2.59 = 4.2mil。即減去讀者已借之1.5mil,還有4.2—1.0-1.5=1.7mil可借。另一個當然要讀者人工增加、或找個擔保人。找擔保是另一個topic,本星期六在買樓101再談。惟月入萬餘元之庸才,因有人生伴侶,再先購一房在手,竟有方法觸及「一生三宅」! 十分鼓舞!!   此案可令大家知道不是人人都係將錢按出,然後九成買樓再偷雞收租就掂。要知偷雞是靠經驗,而你人工低到某個水平就要另覓方法。本案讀者有計算上不太允許錯誤,更比其他人需去捕捉升跌市再加上有比平常高回報的收租單位。當然最基本亦最重要的,就是專心去提升自己收入,利己利人。

Read more

四間樓點用萬四人工在四十歲可達?#483案庸才

30102013

諗sir,你好! 本人40歲,月入14k+兼職3k(有報稅)另有替更的士但收入不穩且沒有報稅每月收入約為2至4k。另太太(未注冊,但有2名小孩分別4&2歲)34歲月入17k。 有一層08年購入140萬市值300萬並於今年6月轉按到痕生銀行,按7成210萬(扣回之前欠款可得100萬),每月還10k,租金收入10k。   另一自住樓(同屋苑)11年購入220萬,自住,按7成,原來月供5500,太太在滿2年SSD之後,把樓以200萬轉名給她弟弟,借5成,每月供4800。仍然自住。 再以我名購入2間屯門,1層1房183萬7成上會月供6k,收租6.5k;另一間2房200萬,5成上會,月供4600,租回原業主,收租6000,都要加太太擔保。 另再借多私貸25萬,分5年供,每月約還5K; 每月仍然月供股票10K(1398 & 3988)之前供果D已經在今次買樓沽出套現。 現手中已無餘$。 想請教如何繼續再財富增值,本身亦有些打算。 1/等2015年過罰息期可出售08年所購入之出租樓約可得100萬。 2/等2015年過罰息期可轉按現自住外弟名下現市值300萬之樓,如5成按可套得50萬,7成按就有100所得 3/之後再等時機用太太單名購入較大之3房單位自住,本來自住的就可出租 4/ 本人之工作已經屬夕陽行業,如失業將會轉做職業司機。因此亦希望能夠於將來或者能在2018至2019年買入一部的士。 希望諗sir教路令之後的路更易行。 萬分感激! 肥全 上 答案 肥全萬四人工,己在四十歲擁有四間樓,實在令筆者眼前一亮。你可以話佢好彩,博到盡買到一蚊冇剩再遇上大升市。但90%之成功皆不是僥倖,起碼佢之前每月供一萬蚊股票就唔係好多人做到。   是的,月儲一萬其實真係唔多,可惜在筆者以往所見無邊幾個能做到。現在肥全已在四十歲前盡佢能力播種,是時間加強防守,等待收成。肥全能頗清楚列出現有資產的借貸、現金流,實是大家投資前需注意地方。       現值 購入 借貸萬元計約數(月供) 租金收入 物業A(原住房) 300 140 7成上會210(供10000) 10000 物業B(轉到弟弟名下後搬入) ?? 220 5成上會100(4800) 自住 物業C(一房) ??? 183 7成上會128(6000) 6500 物業D(兩房) ??? 200 5成上會100(4600) 6000   現時讀者手上已無現金,主要原因是未有好好運用自住樓可以新造按揭至樓價九成的特質。另外用平於市價的價錢轉讓比太太之弟弟,好處是可以打少些少印花稅、但按出金額只能到平價計之九成。何況讀者只套至一半,實在是全盤計劃中之敗筆,令現在自身防守力減低,一定要為跌市作好好打算。   […]

Read more

跌市第一滴血! 如何考慮樓價高低?#472案窮中產

19102013

諗Sir, 你好, 拜讀你的文章多時, 你見解獨到分析合理, 小弟敬佩;特以此留言咨詢諗Sir之寶貴意見。   小弟年37, 已婚, 我的職業為公務員, 月薪34000, 太太為私人公司文書職位(她工作的公司都算係獨市生意, 職位相當穩定), 月薪20000; 現有一層新界東已供滿綠表居屋(04年100萬買入, 現在樓齡20年, 3 房實用5百多尺), 夫婦存款等資產300萬, 9月初買入了一個同區不足4年樓齡的私人屋苑(2房, 實用5百多尺)580萬, 向銀行做了樓價7成即4百萬按揭(30年期), 月供約16000, 原本打算買了後放售現住的居屋, 吐現後做定期再觀察市況; 買了之後樓市進一步交投收縮, 驚覺入了貴貨, 一方面居二市場難搵客承接, 價錢更有回落之象;   二方面, 如不放售現住單位, 十多萬的雙倍印花稅將不能取回, 更可能要被銀行追按揭成數差額; 三來市場一片吹淡風謂樓價2~3年內跌3~5成, 驚自己買了貴貨; 我夫婦正想生育一名下一代, 雙方各有父母, 但都不太依靠我們供養;   現猶豫不安, 請諗sir為小弟分析一下, 小弟是否做錯了決定? 下一一步又應該怎部署? 減價都要賣走現住居屋? 繼續住現居屋, 將新買入的單位放租? 將來若真的樓價跌, 值得為居屋補地價嗎?   答案 居屋補價是將當時(市價x售予住戶的折扣價)去計出補價的。如要補價,永遠是市跌補有著數。在筆者而言除非樓房勁升,至補地價後亦能淨賺十年儲蓄或更多,才會考慮放售。現在居屋已供滿,賺價應二百萬有餘,惟觀察讀者人工和儲蓄比率很高,本不應賣出居屋套現。加上讀者現在心煩更未攪清楚自己在買樓及投資上之部署,希望考慮清楚文中所述要點後,自己再想清楚一次。   居屋就像讀者的一個堡壘,加上賣後不能再享免補價機會,當然留著是更好,可惜在本次之建議,綠表居屋將成為失誤作彌補之一個籌碼。十分喜愛免地價就有樓住,而免地價住居屋應是幫讀者「月搵五萬儲近五百萬」之其一主因。相信讀者應不是炒股致富一流,由他文中所述心情,不見得有深厚應市經驗。   考慮提供之正現金流 請將580萬之500呎兩房放租,看租金到收回多少。現在讀者新屋應要供$15000,收回租金應可相若,抵銷供樓支出。讀者可能心想樓價大跌點算? […]

Read more

窮中產如何上流?#458窮中產

LumYeung Sir,   多謝你既回應, 你本「樓換樓」我同老公已經細心閱讀過, 實在獲益良多。其實睇完之後, 覺得自己好落後, 以前成日以為自己係專業人士, 有份穩定既工, 放工睇無記, 咁又一day, 真係99歲既阿毛都醒過你。   我同老公決定發奮, 第一步起碼買多一間樓。上次向lumyeung sir講過,我自己月入50k, 老公月入60k, 31同32歲, 兩年前係沙田聯名買左層樓$4m, 而家市值錢$5m。最近去左銀行做轉名到我自己名下, 7成按, 月供需約$13000, 30年。我地以家有1.5m cash, 希望用老公名買多一層大d既市區樓將來生bb用, 呢間樓唔一定而家用。想問下lum sir 意見。   Target 6m 市區樓, 有2個心水: 1)      四小龍, $5-6m 大既可買600-680呎, 2房, 8-10年樓齡, 交通都方便。見到d neighbour都係年青家庭多, 相信都易買易賣。希望第時仲有南昌站效應。 2)          傲雲峰, 六百幾呎, 價錢免強有$6m, 選擇少, 9年樓齡, 見到d neighbour好多阿公阿婆, 以比例計好多都係一手到而家。交通方面, 將來有土瓜灣站係正下面, 又近啟德, 將來發展相當不錯。 請問 lumyeung […]

Read more

買住半間樓頂檔先咁騎呢?? (答)

阿May個case正是極多人諗緊。有些少錢而冇樓係手,想買樓但太貴買唔落手,點解決??   每個人係住方面都非常主觀。有人話佢住係柴灣勁方便,又有人話元朗好好住。當然唔同人有不同生活方式,造成上述現象。而當你想買入自住既區域樓價太貴,你係咪就咁痴痴地等呢?   其實現時既老一輩都係由細樓換大樓,一步步搵自己既dream house! 所以如你儲到些少錢,不妨比三成首期買間舊些少既樓租出去,補貼自己租金。由於呢間樓都係放三到四年,不妨睇舊些少,但勁好租既選擇。   ->>按此看問題   至於你會問我買左樓,一旦我既dream house跌到價,我買左間樓蝕左錢計埋咪冇賺? 諗樣認為條數係咁計: 你睇中四百萬既樓,租金係一年樓價3.8%即每月$12600。你而家用手上六十萬case買間一半價錢既樓,即做七成按揭上間二百萬樓房收租4.3%,計埋雜費收$6800一個月,按揭分廿五年還每月六千,當中本金還$3800。咁即係話咁做可以有$6800-$6000+$3800=$4600落袋。   萬一樓價一年跌兩成,咁就正啦!! 你dream house只需$3.20mil,非常好你可以考慮買唔買,有(賺80萬!)。而自己收租樓就蝕$0.4mil,真係落袋既租夾埋$55000。呢一年比左既租為$120000。係可以講你(賺)左$0.8mil-0.4mil+55000-120000=(賺)$0.355mil。換句說話講就係你買入一間同你dream house平一半既樓,先令自己(約)交少一半租,但drawback係如樓市跌你比「只租不買既人」貴10%入市,你問自己肯唔肯。   萬一樓價一年升兩成,你dream house買唔到當蝕$4.0mil*20%=$0.8mil,而自己間樓賺返$0.4mil,加埋落袋既租$55000同埋120000租金支出,你(蝕)$0.465mil。當然呢個係賬面上,因你個$0.8mil虧損係假定出來。其實你用細樓升值有四十幾萬落袋就真! 就算加埋SSD沽樓,你套到三十幾萬可以幫你守多三年(夠比三年租)。換句說話講你買間平一半既樓收租可以幫你市升(蝕)少一半。   呢個例子當然假設了兩間樓升跌同步,不過concept可以應用係好多地方。此設置為減低你投資組合既波幅。即係等於你先買平間樓,升跌都少一半,係黎緊呢個估佢唔到既市況,可以運用。留意係如果你target親都係千萬豪宅,買賣洗費會扭曲上面所提回報。咁樣做比起你只租樓博鋪大細,令自己更有預算。

Read more

只要肯去諗,三十歲可將物業一變三

阿明係一個屋村仔,自己搵$22000蚊個月,穩定autopay出糧。比上不足,比下有餘。出黎做左五年野,成廿七歲人先儲到「十皮野」。佢知道自己再儲錢落去都追唔到樓價升幅,由2007年望樓價跌到而家2010年都未見到。係一個悶熱既夜晚,阿明同佢老豆提出自己買樓之策。 係冇辦法之下,唯有打老豆間屋主意。佢間老豆係荃灣間樓可唔可以加按出黎,係2010年間荃景花園市值210萬,只欠銀行40餘個。係2010年樓宇可加按至七成,阿明將老豆間屋加按至五成,套現2.10mil*50%-0.40mil = 0.65mil。佢將供款拉長至30年,欠銀行1.05mil每月還$3540年息1.3%。佢借左老豆間屋加按後都有良心,幫佢供哂成間樓,自己又可以多舊錢做首期。唯一唔好係原本間樓就供完又要重頭黎過,供樓重擔由老豆pass左比阿明。 阿明當時廿七歲又未結婚,心諗買間屋收租遲幾年攞番黎自住都未遲。一心嚮往住村屋養番狗既佢,膽粗粗定入去西貢科技大學附近睇樓。阿明認為屋要拆開租先高回報,最好租客非學生莫屬。基本上唔難招呼又易話為。就咁佢係同年用240萬買入西貢大埔仔700呎村屋一間,租比大學生三伙夾埋租金$14000,回報達7%。當然廁所同去水位要比錢執過,廚房位可改為廁所,佢夠膽死搵個裝修既老友邊學邊做,慳返些少人工又快手完成! 間村屋做七成上會,供25年每月還$6500(本金佔$4742)。阿明入息$22000夠兩間樓上會,就算唔夠自己仲有些少私己可降低每月供款。收入就非常犀利,$14000蚊租可以供哂兩邊樓,仲有$4000蚊淨。間村屋仲叫學生同佢簽一份過租約報稱月供$14000。唔可以分租因銀行唔會接受分租租約當入息的。 三年過後,阿明三十歲,間村屋假設升值一成,至2.70mil,而欠銀行只剩1.50mil。而每月收租淨低$4000蚊又儲起,現金有約15萬。係2013年,小明只係等一個機會,就係政府批准物業可加按由五成變返做原本既七成,咁小明就可將村屋加借至2.70mil的七成,套出2.70mil*70%-1.50mil=0.39mil,加埋原有0.15mil有成0.55mil可同女友拉埋天窗買新居結婚。大埔仔村屋太好租就咪鬼賣出啦。 可惜2013年樓價都係跌唔落,政府都只准加按至七成,阿明唯有唔打村屋主意,叫女友夾幾萬加埋原有自己十幾萬,比廿萬出黎買荃德花園做九成上住會先。阿明買呢間樓之前諗左好耐,因為佢可以收番村屋住,又或者租屋搬出去住都得,但阿明條數係咁計的: 租屋住平均洗費係樓價3%,村屋碼大值2.70mil而回報有成7%,減埋按息回報都有5.7%,自己租間細些少既樓比3%洗費都可以用村屋收既租cover番出面租樓條數。所以趁早買間收租樓,可「以租養租」,減少自己婚後居住開支。 最後阿明手頭上同女友有廿幾萬,決定買樓。因樓市在2013年已累積升幅不少固買入size細既荃德花園兩房二百餘萬。女友冇任何樓係身當然可借九成上會,每月還$7600,最不足既係2013年按息已升至2.1%,做唔返2010年1.3%年息咁平。但阿明係房屋上既開支,只係$(3540+6500+7600-14000)=$3600。用幾千蚊hold成三間樓,策動被動入息,實是阿明廿七歲時認諗同肯去間屋企人借「第半桶金」所賜。希望阿明既故事啟發到你早一點去準備,認清阿明咁做亦都有佢既風險。今朝既安樂需要你提早去付出的!

Read more

買樓既幾分鐘,係台下十年功(問)

顏小姐問: 你好,最近才看到這個網頁,很有用。請問我現在自住樓大約310萬左右,借銀行100萬,月供3200元收入2.2萬。想買多層收租,請你指點下。多謝 你好,年齡41,有一小朋友,現住北角,手上只有幾萬做日常生活備用,大陸有一份資產可賣五十萬人民幣.最好買港島區,因為先生不太理財,本來有朋友的朋友三個月前在沙田翠華花園購入156萬租內地生8000月租,一次收一年租,現叫價要185萬,先生怕收租困難,但我想為退休做準備,請指點,謝謝。 ->>按此到答案

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。