2021第四季市況展望 跌市救亡投資策略 #2380
諗sir你好, 最近開始睇到你既page同收看你的YouTube channel,受益良多,希望諗sir 可以比少少意見。 本人(31歲)及先生都是公務員,分別月入7萬及8萬。另外兩人都可領取房屋津貼:每人每月約2萬,為期10年。仲未開始拎, 未知房屋津貼能否計入借貸力。 另持有: – 物業1: 屯門瓏門兩房(先生名,2012入)市值約900萬,按揭尚欠350萬,月供$12k,管理費$2k,收租$16k – 物業2: 長沙灣單棟新樓兩房(本人名,2020入)市值約800萬,按揭尚欠600萬,月供$21k,管理費$2k,收租$16k – 保費融資1: 2023年可取回70萬 – 保費融資2: 2024年可取回110萬 – 現金及股票約80萬 現時住宿舍,2024年尾要搬,到時保費融資(180萬)+現金股票(80萬)+呢2-3年儲既錢(平均每月5萬x12x2.5=150萬)預算約400萬。 我地想生小朋友,希望小朋友讀小學前住近長老(屯門區),之後再就校網搬出市區。現有此計劃: 頭幾年繼續出租兩層樓,以租代供,自己則另租屯門大3房,以買債收息去幫補租金及滾大筆錢,待需要搬出市區時,再買多層市區三房自住,但我地無人頭可借,可能要內部轉名先。 想問諗sir, 我地咁樣部署合適嗎?希望諗sir能提供意見,指點迷津,望早日財務自由。 ANSWER: 入屯門,就係要三房 用溢價去買新樓再租比租客催殘,唔解都明呢步對或錯吧。聽讀者講碼管理費都只2千,咁還好。如果交住4-5千管理費去收些少租,真令新樓業主心理不平衡。 其實屯門,要既係三房,反而我會要兩房。當然明白讀者10年前買入瓏門兩房,年紀輕就已做業主,是一種祝福,間樓都叫大賺。但到今時如能自己作主,明白到市廣場至大興(花園),唔少兩房供應,屯門是兩房多而三房少的,原因屯門市中心落成時近89年經濟不太好,開則兩房令大家易負擔。呢個同四小龍約03年落成多兩房的原理一樣。因此入屯門,可以既要三房。 同埋,三房客路點都要兩房多。住兩房既人亦唔介意住三房,佐反轉就唔一樣。所以將瓏門兩房賣走然後入手同區三房,佢地應計到夠首期啦。 係拎到津貼後再點計借貸力,此為買樓Powerteam幫到你做既野。 2021第四季市況前望 至於資金,今時至10月相信投入資金去評級低或內地債收息屬不智,今年是內地「收水年」。其實內地收水是負責任行為,免得游資太多令通賬失控。反觀美國對收水遲疑不定,一旦股市在收水前大跌,頓成放水都難救之象,故中港投資者今年要先苦後甜,或者要2022年初中國的股債才會走好。 近年不少銀行經理鼓吹人買內地的債券,尤其內房債。8-10%的年息看上去吸引,但中央自2020年8月找出「三條紅線」,要內房減負債比率,大家就知2021年必大量內房債發出令其負債水平降低,上星期我重貼一篇2021年1月我寫既文談論過了。至於2021年1月初正出政策限內地銀行為房地產借貸,大型銀行的借貸比率只可有32.5%同房地產有關,中型約28%,結果借貸額在今年中用盡,內地房市即一沉不起。過去中央已為為收水方向作出很多提示,為行仍要建議客戶投入中國債券市場,尤其風眼之中的內房債呢? 說回股市,中國的調控人為性很高,每次調控令A股下跌皆在第一季,而最後在下一年的第一季就跌完(下圖),相信是中國人一年之計在於春,下年有新計劃吧。今年都一樣,下跌在2021年3月開始,幾時完? 快就10月,遲都應該春節前後。所以,如你要講股市,應未跌完。 股市要跌幾多? 2015年是次總跌幅約45%(上圖)。2018年一次為34%。咁我當今次跌40%,都要^2823跌至$14才可收工。現時報$17.18,仲有接近15-20%要跌。 至於債市? 由於債是到期保本,只要公司唔執不違約你都可全身而退,所以持有中國債的人要忍一下,至於買了股票的你應該明白用股票收息是不智,快取回你50%或70%的本金,投入匯豐或渣打銀行的直債,有6%年票息或渣打的7%收息,收返3-4年息你回本有突,咁就係最佳治療方法。係未找到一套可行的買股方略之前,還是不好進股市了。