【潘家榮】不應見升得多便衝入市

升到我都有啲驚,心諗:「係咪真係見左底,要補返晒啲貨呢?」不過自己既然用得個驚字,就更加唔應該見升得多就衝入市,反正而家個市既水平,仲低過自己走果個位,最多遲啲要更高位買返,都只係無咁型啫,又唔會真係會錯失成個大浪,所以我都係繼續忍,喺無訊號之前都唔衝入去,如果個市真係咁勁,大不了啲個股出返「1xxxx0」訊號時,點都會買得返。 呢一刻又唔係完全無野買既,今朝買左一隻,呢隻係前排推過,而今日仲創緊52週新高,不過就算買左佢之後,整體倉位都只係去到三成。  

Read more

【操作日誌0214】封關前不會積極建立持倉

承接中美股市反彈兩日,港股反彈上3萬之上,也是這波跌市以來,首次比較像樣的反彈波段。 記得2011年急熊時,第一次跌至19000後,也是有一段反彈上2萬點之上的走勢,而隨後的就是反覆震盪下跌,直到終極低位16100附近才結束跌浪。   如果這次不是升浪調整而是跌浪未完的話,暫時會以3萬至30700為部署淡倉的位置,止蝕會放在升破31000至31500之間。 預期下一浪會跌至28300〜28600附近,看情況到時會再用short.put 博多次反彈。   這波從1月29日的跌浪,已經不像去年每急跌必急升破頂的節奏,新節奏總是讓不習慣的人措手不及。   明天封關,農曆年後港股承受假期後美股的升跌,各Brokers如常增加按金。   封關前,不會積極建立持倉,目前只有小量反彈時建立的Short call,及long put。   個別股份方面,只說比較多人問我的中移動,慘跌多日,仍未止跌,通常最後見底前會出現連續gap down,今天算是第一日,但AO在低位,看是否能收陽燭倒升,不然,可能多跌兩日,記得2013年中移動曾跌至63元附近才結束跌浪。     〈期權投機風險大,輸得起先好玩〉 個人的交易方法「並不」適合大部分投資者,建議找到自己承受到的有效交易策略。 以上乃個人之操作日誌,並不構成推薦,建議或誘使買賣之行為,期權價格可能急升或急跌,過往之績效不代表將來之獲利保證,交易員隨時改變看法,投資人應自我評估風險。

Read more

150萬花紅用黎加按收息#1523

一路有追開lum sir既文章, 非常實用,簡直造福網民。   現況: 現有自住聯名(老婆)物業 (2014年2月買入價為3.68m, 現押在BOC尚欠1.4m, P-2.7%, 剛過罰息期, ) 手上有1m cash可以隨時運用 除mortgage外,無其他負債 家庭月薪約30k,但小弟之行業剛好食正條水,剛出1m花紅,悲觀預計未來1-2年都係差唔多情況2,樂觀d就長做長有   自住樓係boc做緊mortgage, 而且一直未過罰息期……但漫長既等待終於完結,2018年2月剛好2年過左罰息期 & SSD,所以希望規劃好,準備買樓003班一開二之計劃,打算之後再置業作收租之用。我會把物業50%業權轉到老婆名下,再搵間Mortgage Link比較好既銀行 (屬意係HSBC, 現估價約5m左右),希望按60%,多出資金放在mortgage link或者尋求其他穩定產品賺息。現時債息上升,風高浪急,是否時候? 請lum sir指點   ANSWER: 讀者出了一舊花紅,如果老闆已幫你報稅,那應趁今年入息「暴增」,好好把握借貸力去借錢。可能大家心諗:「只不過一年花紅,真係可以將我人工由30000/月計作1,000,000+(30000*12)/12 = 113000嗎? 如可成真那未計老婆借貸力都由30000/10000*2.59*50% = 3.88mil提升至 113000/10000*2.59*50% = 14.6mil???   筆者意見是如果成舊花紅你有打足稅,稅單睇到銀行至少計一半。另外當然要有關花紅之糧單。由於按揭是計申請個刻財務情況,讀者真係要把握今次機會。之後就當被炒,需銀行寫明要債仔當財務情況變更時知會銀行,不過真係冇見人入過銀行主動叫佢更新失業既情況。另外讀者到溫情滿溢既小銀行有著數,最好係例淡既三月去,計到半份bonus都可將借貸力增至8-9mil。講到底銀行為做生意,你又有間屋抵比佢,就當剛好企係金管條界上面,三月係年頭「借庫」總較易傾。 建議讀者將物業按到八成,因為佢主欠錢,要趁此時增加。讀者手上有1m,不屬太差,但重申要把握今次出花紅良機,除了錢多了,借貸力亦增了。   有錢後買樓定買債? 由於讀者行一拆二後已將夫婦其中一人甩名,另一半買樓可上八成,因此加按後連自己現金應有250萬在手至場,可以其中80萬用單名再買樓,120萬入債基疊增收息,淨50萬策應。始終市況易變,買股難料,買債都唔可以all-in。   網上智慧說高收益債券基金不宜持有,更有被銀行call-loan風險。網上話不宜持有之因是:「債券價格對利息o既影響, 係linear o既, 基本上一加息, bond price 就跌, 絕無例外。」筆者經常提及利用債基、直債、式短公司債去收息,佢地都是一些(BBB>B)級的債券,走勢近似下面一隻ETF,叫HYG,那我們看看HYG走勢,理解由2007年之後債基走勢:     2013年之後伯南克話收水,HYG不見大跌 […]

Read more

【聶Sir】十五個交易日後終見人行再有操作

人民銀行連續第十五日沒有進行逆回購操作,卻進行了MLF操作,MLF的英文全寫是Medium-term Lending Facility,中文譯作「中期借貸便利」,MLF (Medium-term Lending Facility中期借貸便利),由人行透過微博發佈於2014年9月創設的貨幣政策工具。這是人行採取抵押方式,通過商業銀行向市場提供中期基礎貨幣的貨幣政策工具。對象包括符合宏觀審慎管理要求的商業銀行和政策性銀行,期限一般是3個月,到期後可以申請延長期限,也可以和人行透過微博重新協商確定新的利率。 MLF可以提供市場流動性,補充市場流動性不足。同時也可以穩定中期利率政策,引導商業銀行降低貸款利率,降低社會融資成本,促進實體經濟發展。   昨日人行進行微操作 而昨日人行進行3,930億元人民幣的一年期MLF操作,利率維持在3.25%,今次操作原因是人行考慮到春節後第一個工作日銀行體系流動性將受到稅期、中期借貸便利 (MLF) 到期、臨時準備金動用 (CRA) 部分到期和法定存款準備金繳存等因素影響,故此人行有意加強預調微調。筆者留意到中國農曆年假將於2月15日 (年三十) 開始,至2月21日 (年初六) 才完結,當中包括了五個平日,不排除人行不想2月22日A股市場重開時資金緊張,有可能於今日的農曆年假前最後交易日進行逆回購操作。     成交額可能會再萎縮 回看恆指表現,受到上日美股道指升逾400點刺激,恆指昨日高開390點,之後最多升709點,曾高見30,169,筆者理解是投資者趁長假期前美股上揚紛紛沽出港股,所以午後升幅顯著收窄,僅升379點,收報29,839點,三萬點關口得而復失。另外,港股通昨日起關閉,至2月22日 (年初七,A股市場長假後首個交易日) 重開,令昨日港股大市成交金額減至約1,288億元,與今年暫時最低成交金額約1,250億元只差約38億元,不排除今日港股成交額會進一步萎縮,非除美股表現波幅,否則未來一天半恆指應在29,500至30,000點徘徊機會大。 聶振邦 (聶Sir) 證監會持牌人 筆者確認本人及其有聯繫者均沒有出現以下兩種情況,其一是在執筆前三十天內曾交易上述分析股票;其二在文章發出後三個營業日內交易上述的股票。此外,筆者現時也並未持有上述股份。 以上純屬個人研究分享,並不代表任何第三方機構立場,亦非任何投資建議或勸誘。讀者務請運用個人獨立思考能力自行作出投資決定。

Read more

【潘家榮】要確認走勢好轉才逐步入貨

跌左咁多日,今朝終於有個像樣反彈,恒指曾經升返上30000點之上,升超過六百點,可能好多人見到咁既形勢,都好想揾野買衝返入市,擔心如果個市再升,就會錯失左入市機會。如果你係因為呢一種心態而想快快買返啲貨既,我勸你都係小心啲好,因為投資市場永遠都充斥住貪婪與恐懼,而我地如果係因為恐懼而做既投資決定,好多時都會係錯,究竟你係真心覺得個市見底,而家係千載難逢既入市機會,定係純粹因為見升得多,好驚自己唔夠貨? 要知道跌市唔會直線咁跌,間中都總會有反彈,如果我地每次見到反彈都衝入市,真係多多都唔夠輸,所以我寧願等個市再升多段,確認走勢開始好轉,先會逐步入返貨,而唔會只係見佢升幾百點,升一千點,就急於入市,欲速則不達。過往每次調整尾聲都有個位俾大家,話上得返咩位之上就可以開始買,不過今次,暫時未有耐出現呢個位住。

Read more

30歲兩樓收租有車位,發生咩事? #1522

個人一直對樓市及投資有興趣,可惜一直未能參加你課程,最近從上海返港,已報讀收息101課程,二月廿四日終可親自拜會諗Sir您 我本人30歲,單身。月入折合港幣35000,積蓄90萬。每月能存20000。我深信被動收入能改善生活,現與家人居於元朗鐵路屋苑單位,自己資產如下:   九龍灣私人樓,買入不夠4年,暫未能轉按。買入3.9m,銀行估價5.05m,現放租10.4k,欠3.6m 九龍灣一房,暫未能轉按。買入2.1m,銀行估價3.5m,現放租   C 車位買入90萬,放租2300   期待你的回復,感謝! 中華浪人   ANSWER: 筆者上星期都寫過一篇文章叫一位同學唔好買樓,主要係佢老豆攪到佢銀行太多CASH,唔使利用樓既槓桿。   至於今日呢位,都係唔使買樓,佢30歲太生性,已經買左兩間樓,應已用盡借貸力,好難再買。更何況30歲有兩樓加一車位之配搭,只要結婚及婚後搵老婆名單人HOLD樓,那就完成一自住兩收租仲加一車位的步驟,咁既牌面就當30-45無所為一味靠租客供樓,到40-45歲已領先同儕,生活起碼富足。   唔買樓,可以揸CASH,或者買債。當然後生可少部份買股。雖然本BLOG讀者不少是炒股高手,話唔定二月初的波幅已有人日賺百萬,不過諗sir自己冇買賣,跌1000點不影響本人陪阿仔返學之心情。如閣下好似諗sir咁蠢,唔識搵市場快錢,那不妨認識後考慮債、保險、或ETF呢D投資物。   讀者可將策略比其他人行得更穩,利用上方基金作債基疊增,收8-9%年息。上圖已顯示基金3年之annualized stadnard derivation只2.15%,比一般債基之4-6%更低,比內銀股份之15-20%更低!   報價在2018年2月7日,即港股由33000跌至30500左右水平的日子,可見根據aastock的報價,債基價格又11.12跌到11.02,跌幅少於1%。筆者只見不少買股買牛熊的人在二月初被台離場,但買債既仲係收住息咁食花生。當然若市再向下,收息人買債都應利用ETF做好對沖向下風險準備,舊生可參考收息104,當然減倉亦可以,但減幾多或者除減之外仲有冇其他選擇? 這些已在課程討論,總之望住5粒豆做人。   另在上圖顯示,基金投資了34.1%在有評級債券,另外有關對比基金所用之夏普比率、存續期都在廿四號講解。另外相信有人質疑30歲3萬人工點可以兩樓一車位?  仲計三資產入手應是: 第一間報自住可九成、當時3.9MIL買入,只需40萬首期。當然買入後偷偷地報自住是違規,小心內地公安拉左佢! 或者坐洗頭艇由深圳去香港。 第二間可六成、留意而家都可以報自住樓,不過HKMC唔做,只有銀行做一按。當然你「狼死」,可搵財仔借二按仍可兩成首期上會但貴息,估計讀者應只行了一按,亦因如此只夠買一房。2.1MIL買入需80萬首期。 第三係車位,由於唔係住宅不用付15%印花稅,缺點係最多只做10-15年按揭及一般只按5成。不過讀白應該是一炮過比哂的!   那讀者30歲擁三項資產,讀者要付幾多錢? 為40萬+80萬+90萬=210萬,當佢做左七年野,要月儲2100000/7*12 = $25000/月,此數亦接近讀者報稱月儲20K的數。當然估計讀者買車位既錢,極有可以是番按第一間樓卹得,因樓已供4年仲係當年入手價之90%,應該從中拎過錢。咁既情況,要月儲既數目比25K可更少。所以話30歲要生性有樓,唔係冇人做到。

Read more

【潘家榮】唔好低估跌幅

知唔知點解每一次大跌市,都有咁多散戶輸大錢? 並唔係因為佢地唔好彩,一買就跌,就算買錯最高位,都唔係一個致命傷,最致命既係佢地成日都低估跌幅,買錯唔止蝕之餘,仲要越跌越撈,結果睇錯一次就輸到永不翻身。 要喺股票市場賺錢,從來都唔係講睇市有幾準,而係講策略,可以點樣喺逆勢時將損失減到最低,而喺順勢時又點樣可以大賺特賺。但係好多散戶做既野剛好相反,永遠唔會做好風險管理,覺得平就買,但係又唔肯止蝕,結果一買錯就會坐一個大跌浪。 今日我係咁叫大家唔好買,唔係話個市要跌多幾多千點,又或者覺得個市以後升唔返,而係操作上永遠都唔好低估跌幅,逆住市隔硬死坐爛坐。

Read more

少儲蓄者可有什麼作為 #1521

諗SIR你好, 最近才開始閱讀諗SIR的文章, 起初覺得諗SIR講野好串, 但越讀越發覺有道理, 現在夜深人靜, 回想自已現在一事無成, 突然想起諗SIR, 希望能指點一二   小弟: 30歲, 與父母同住公屋, 無父母幹 家庭收入低, 每月母親只有月入四千自用 小弟月入三萬 每月省到盡約可儲一萬 大學畢業頭5年要還grant/loan, 收入更少, 一直儲蓄不多 現有現金20萬, 輪及權證30萬, ibond六萬.   自知理財能力很差, 收入也不高, 雖暫時無買樓必要(也沒能力..), 所以想請教諗SIR我的情況點去上流? 應否繼續儲錢待機買樓? 少儲蓄者可有什麼作為? 公屋仔上     answer: 陰公,一事無成先想起諗sir,筆者突然覺得自己做緊社福清潔工。先講,讀者都唔叫係差,起碼30歲都有三萬元可觀收入,仲有些少野可以諗…   Q: 應否繼續儲錢待機買樓? A: 應該,因為利用銀行借貸去脅持租客,是加快儲蓄的良方。筆者唔係想成日叫人買樓,你曉攪其實做生意更好。你想想人人都目標就收租佬,那有Elon(即Tesla車個老闆)射支火箭去火星? 社會大崩之時必見各人擁地自肥,官商勾結,此為中國歷朝之相同。但由於明清兩朝,都要經歷3-4個皇帝先至「崩」完,如清朝的「道光之緒」,由道光咸豐同治光緒共歷80年。所以要麼你搞移民,又或覺自己唔係做生意既材料,就攪好買樓收租呢回事。有PARTNER會令你買樓易一點,因為兩人人共只要共5萬,借貸力就有5*50%*2.59 = 647萬,已夠買細兩房,首期亦只係50-60萬左右,讀者而家都就夠。   Q: 少儲蓄者可有什麼作為? A: 不建議買窩輪,至於期權只要有方法,少本都贏錢,犯不著似讀者幾十萬咁落注。窩輪只係期權的衍生物,而窩輪的好處主要係有靚女介紹同差價大。至於股票,筆者建議如有打算3-4年內買樓者,轉買股為買短公司債去投資,收息104有授。例如你投資下列歐洲一間金礦公司的債券,幾年內到期,最近開價99.4,2000美金即可入場。表示你用99.X蚊買,就當買完跌左,都可以收住8%年息咁坐貨,越坐個價越converge to 100。當然公司係歐洲上市,上市公司唔係話唔會執笠。筆者只係比近似既野你考慮。投資呢類短公司債,就既有息收,又少左坐蟹貨呢個缺點,因到期有數計,個價就係100。 Q:我的情況點去上流? A: 最強的槓桿還是自己的事業,加上炒炒賣賣,筆者肯定唔係你阿媽叫你黎呢個世界既目的。做人做到日日對住部電腦既數字跳黎跳去,又或者只係叫租客努力做生意而你坐係度收租,你真係想咁!? 當然如花一世仍未諗通自己強項(其實強項係試出黎,唔係諗),那買樓收租收息仍可勉強交夠功課,過渡此生。

Read more

【聶Sir】美股上週一跌 消盡環球主要股指今年升幅

  在過去一週,因美股道指累計跌逾1,300點,令環球股市震動,道指全週累跌超過5%經已不少,但亞太區股跌幅更大,其中上證指數和恆生指數,為環球表現最差兩大股指,分別累跌9.60%和9.49%。日經指數則為上週第五差股指,累升8.46%。再看年初至今,美股三大指數升幅已被上週一跌全然消化,今年表現暫為介乎-0.42%至-2.14%。即便上周五三大指數反彈,道指升330點,收報24,190點,卻較去年底的24,719點低近530點。至於上述三隻亞太區股指,本來今年走勢一直不俗,如今亦已由升轉跌,上證、恆指和日經分別累跌5.36%、1.38%和6.07%,連同歐洲三大股指英國、德國和法國分別累跌7.74%、6.27%和4.39%,可見現時環球主要股指均錄得下跌,上週算是環球股市的小股災。如今獨有國企指數仍累升1.64%,上周五收報11,901點,但實則較去年底收報11,709點,只差192點。倘若美股跌勢未止,預期國指由升轉跌亦無可幸免。 現時需要宏觀的資本市場形勢解讀 上述小股災始於2月5日,美股三大指數急挫,跌幅介乎3.78%至4.60%,其中道指跌幅最大,下跌1,175點,錄得創史上最大單日點數跌幅。市場解讀是跟美國10年期國債收益率一度升至2.85厘水平有關,這是自2014年3月以來最高,當晚進一步升至2.88厘,再創4年新高。於上周五仍然高企於2.86厘,市場認為這意味著通脹有可能升溫,擔心美聯儲的加息步伐將會加快。但平心而言,於年初市場已預期美聯儲今年會加息三次,每次為1/4厘,合計只有3/4厘,即或今年加四次息,亦不過較去年高1厘而已,根本就與去年的狀況相若,所以筆者認為這不是美股大瀉的主因,卻不過是美股在借勢調整罷了。至於更深入的分析,歡迎已訂閱「聶升股票專欄」的讀者,參閱今日已發佈文章「探討上週美股大跌的深層意義」,相信對現時的資本市場形勢解讀,將會有所啟發。 聶振邦 (聶Sir) 證監會持牌人 筆者確認本人及其有聯繫者均沒有出現以下兩種情況,其一是在執筆前三十天內曾交易上述分析股票;其二在文章發出後三個營業日內交易上述的股票。此外,筆者現時也並未持有上述股份。 以上純屬個人研究分享,並不代表任何第三方機構立場,亦非任何投資建議或勸誘。讀者務請運用個人獨立思考能力自行作出投資決定。

Read more

【Jack Sir操作日誌 0209】花明柳暗又一千

  本以為星期五晚美股才可能再跌一次,但市場偷步者眾,「心急的止蝕盤」讓美股昨晚再跌一千。 港股今天自然難避免,最後還是跟隨美股A股一樣,跌回今年升幅有突。 昨天只有部署了long put, 選擇除了指數外,全都是大藍籌,原因是急跌時,二線股的價內價外期權會很難成交,大藍籌方便平倉。 可能今日又有些沒看之前日誌的朋友說我「馬後炮」, 其實我既然是第一個敢說熊市初期的人,也沒有必要解析為何做淡倉,情況如2015年6月時,敢說熊市開始的,通常被閙,被圍攻。 無論牛熊,基本因數變化不大,以後自然愈來愈多分析員會告訴你原因。 被很多人質疑是好事,若很多人認同的話,通常代表我看錯方向。 我寧願說錯,做錯,虧損,也不願做事後的聰明,盈利或虧損,都是很正常的事,做期權不肯止蝕的才是問題所在。 無論虧損或獲利,不必炫耀也不必自卑,「出得黎行,預左要還」。 會跌到那裡?跌到開始很多人話熊市重臨為止。 適逢今晚又是星期五,除非美股期貨在歐洲時段再急跌,否則short put 博反彈只能半日遊。 今日有平部分long put 倉,也有roll down 新淡倉。 未開市前本來我準備在28500 〜29000,之間作short put 半日遊,港股最多跌近1400點,比對美股及A股,已經算跌得少。 執筆時在中午前,跌市已成災,是否逢低博反彈,全看A股,自己決定,非常時期也不方便有太多建議。 下午的我隨時推翻上午的我。 〈期權投機風險大,輸得起先好玩〉 個人的交易方法「並不」適合大部分投資者,建議找到自己承受到的有效交易策略。 以上乃個人之操作日誌,並不構成推薦,建議或誘使買賣之行為,期權價格可能急升或急跌,過往之績效不代表將來之獲利保證,交易員隨時改變看法,投資人應自我評估風險。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室