【聶SIR】一種令人持續輸錢的邏輯 (2017/03/27)

.1(2)

    上月於不同渠道收到一些讀者的訊息,表示等在股票市場賺到錢就會報讀筆者開辦的課程,我心裏即時的想法是極有可能這些讀者都不會成為我的學生,是否報班不是我今天想考量的重點,更想談論的是他們的思維邏輯有所偏差,這也反映到他們的投資績效上。大家不妨想想,你會在甚機情況下想去學習某種技能呢?難道不是認為在某方面感到不足時而去報讀相關課程嗎?若套用在上述那些讀者身上,他們有意報讀我的課程,無非是對現時的投資績效感到不滿意。但他們表示在股票市場獲利後才報班,明顯是在投資技術沒有改進的情況下,奢望投資績效變好,試問有可能嗎?     二月雞吠皆升 筆者唯一想到的可能性是他們遇上大牛市,撇開2015年4月及5月市場稱為「港股大時代」的股市榮景,如今也算是牛市,從去年12月23日恆指收報21,574點,到上周五 (今年3月24日) 收報24,358點,是自從去年9月9日收報24,099點後歷時超過六個月再次收高於24,000點,若以去年12月23日計起,於大約三個月累升超過2,700點,升幅近13%。於2月份連細價股也被炒得沸騰,似有「雞吠皆升」之感,不論是否投資高手,在這樣的市況錄得賬面利潤絕不困難,問題是能否真正獲利。大家又可想想,當一個人於去年8月或以前買入一隻股份,到了今年2月「坐貨」歷時已近半年,甚至可能超過半年,如今得以「鬆綁」,或者已見持貨賬面賺了一至兩成,就會甘心離場嗎?     股民典型心態 「高追中伏不願止蝕,望見家鄉嫌賺得少」是典型的散民心態,因為他們總是着眼於買股票要賺錢,並且要賺到盡,結果見股價回落,利潤萎縮不少,甚至由賺變蝕,大多寧願繼續「坐貨」。其實「坐貨」不是問題所在,我也不時呼籲讀者持貨耐心守候,差別在於我以揣摩有心人的成本價為分析切入點,認為只要讀者的買入價與有心人的成本價相若或更低,就算要守候半年或以上,最終也會望見股價上揚的日子,絕非那些高追中伏的股民,既不知道股價為何上揚,也不明白股價何以下跌,更遑論是掌握股價的升跌節奏,抱持這樣態度來「坐貨」,最終有多少人可以「守得雲開」,能夠獲利離場,大家應當心中有數。     想法決定績效 回看本文開初論述的那些讀者,難道不是抱持賺盡的心態嗎?要等賺到學費才來上堂,不過實情是報讀我的初班也毋須2,000元,我相信大部分投資者都會投放超過這個資本金額來買股票,而投放如此金額的十倍或百倍者,更是比比皆是。撇開學費多寡,其實要等他們持有的「蟹貨」可以平手,若沒有市況配合,以他們的投資技巧根本就很渺茫,更遑論是有利可圖。即或有人可以賺夠學費,屆時有決心來上堂的我相信是絕無僅有,因為人在投資獲利時,到底是歸因於自己,還是外在因素較多呢?當人自以為經已悟出投資獲利訣竅時,還會認為有跟別人學習投資技巧的必要嗎?很多人以為他們的言行合乎邏輯,但當細意整理箇中因果關係時,卻是充滿漏洞的,倘若這種邏輯套用到股票投資上,績效的優劣早已有了定數,惟有跳出自我的思維盲點,才可扭轉不少散戶當前的投資劣勢,踏上投資創富的梯階。     聶Sir     於執筆時,筆者或相關人士,並未持有上述股份。上述內容給讀者予以參考,絕不構成任何買賣股份建議。        

Read more

【崢嶸語錄】潘家榮一週短評 (2017/03/26)

20160314-個人照6A

    3月24日 16:05 · 啱啱今個星期上堂先講基本分析有佢既盲點,其中一個就係,就算你熟讀曬公司好幾年既業績,研究曬佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現? (唔好以為我係話基本分析唔好,技術分析就好,技術分析一樣有佢既盲點…..第日有機會再分享) 今日6863就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑做假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。 另一樣野,我成日都講,喺底既股票唔代表安全,當個市升曬上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐嚇先唔止蝕,希望坐返家鄉的話,咁就即刻損失慘重喇。 要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。 #潘家榮【講座2017/04】打開散戶致勝之路│KP10 新人優先留位,舊生亦可參加,以課程總監回覆為準 時 間:2017-04-22(六) 17:00-18:30(全一課) 地 址:尖沙咀金巴利道35號-金巴利中心13樓03室 地 圖:https://goo.gl/maps/iJZXtRAhcEp 報 名:bit.ly/2ffhxkZ *必須填寫「1名稱」「2電話」「3電郵」「4課程編號=KP10」   3月24日 15:35 · 【#股海崢嶸】#潘家榮:升市不用太過興奮 跌市亦不用太過恐慌 (2017/03/24) http://homebloggerhk.com/68904/ 每次大市由高位稍為跌多少少,就會吸引一班淡友出來,大鑼大鼓說大市升勢已完,預計要向下跌幾多,所以早前他們叫大家不要追貨是絕對正確的。 這種一路升一路估頂的做法,對最後總有一次會估中,但是這樣做除了可以在當時認一認叻之外,實際意義其實不大,因為在之前的升市可能已經估錯了很多次頂,明明可以好好坐一個升浪,自己卻浪費一大堆精神在估頂身上,那又何必呢?…..     3月22日 15:36 一朝早叫大家「升又唔駛太過興奮,跌亦唔駛太過恐慌」,並唔係因為我非常睇好,而叫大家點跌都唔駛理。 我一向都話定策略係好重要,當個市一郁,無論係升又好定係跌都好,我地唔應該跌左落黎先至問點算,而係喺普通既日子,都已經預備定一旦跌既時候要點樣做,當你喺最清醒既時候已經諗好曬,就唔會喺跌左落黎既時候先至驚,唔知點算好。…..     3月21日 15:38 · 有朋友尋日叫我講下1357美圖,呢隻股份最近成為好多人既焦點,唔係因為佢地突然覺得美圖秀秀好好玩,而係因為佢喺11個交易日入面升左超過八成,而尋日更加一度單日升三成,可以話係股民近期既神話。 要研究返點解佢會咁升法,其實都唔需要點解釋,主要係本身公眾持股量只係得13.58%,再用多一兩個月收嚇貨,要貨源歸邊一啲都唔難,跟手就好易炒上去。 莊家股既野,雖然唔係我杯茶,不過都可以簡單講嚇。⋯⋯     3月21日 13:00 · 【股海崢嶸】潘家榮:齋睇指標逆市造淡錯失機會 (2017/03/21) homebloggerhk.com/68722/ 大市繼續上升,期指轉眼間已到達24,500的水平,創2015年中股災後的新高。在剛剛過去的週末,筆者翻開報章雜誌,發現有不少人對現時升市的睇法仍然相當謹慎,有說國指營造雙頂,亦有話恆指出現RSI頂背馳,並不相信升市可以延續。⋯⋯ 更多     3月20日 […]

Read more

【紅猴股評】簡志健一週短評 (2017/03/26)

..1(c)

    3月19日 10:00 · 紅猴: 傳奇基金經理彼得林治(Peter Lynch)曾說:「天下最糟糕的事,莫過於投資股票,卻不了解所買的上市公司!」他認為:「投資者對研究上市公司沒興趣,一看到資產負債表就頭昏,看年報只看照片,這豈非進股市白吃白喝!」天下那有免費午餐?想學懂怎樣有效率精讀中小型上市公司年報,可由參加紅猴加LARRY HUNG 課程   http://homebloggerhk.com/13379/ 紅猴簡志健 × Larry洪龍荃【無懼世事變改 港股致勝攻略班】ST2N     11:06 · 經濟一週專欄] 今天在「財報危與機」專欄,發表文章「不要漠視投資者知情權」(P.46),以丘鈦科技(1478)作例子,不明白為何市場上的證券行分析報告,只講表面機會,不提背後風險。   若果你持有這些股票,卻未預算有一天的股價忽然如此,也未免太天真吧!若果這已是你預期之內,但仍覺得不爽,那麼你已冒着超過自己能承受的投資風險! #一天大跌85巴仙的股票正停牌中 (圖片來源:Yahoo! Finance) [想學懂怎樣有效率精讀中小型上市公司年報,請按 https://goo.gl/Mzp1GT]     今天完成和Larry Hung合作的投資講座「無論旺市淡市,全天候尋找賺錢機會」,已是兩度加場,三度公演!多謝週五晚上也抽空出席的朋友,更多謝即場報名投資課程的支持者。 無懼世事變改 港股致勝攻略班(ST2N) 5月18日開班 中小型上市公司年報精讀班(ST2M) 3月31日 開班 詳情:http://homebloggerhk.com/26425/   [傳媒訪問] 今天中午於TVB J5的「午市進擊」做現場直播訪問嘉賓,閃睇完數份在12:00至12:30公布的公司業績,即要在12:45開始回應作短評,是個不錯的體驗!     [觀微知勢專欄] 今天發表文章,分析冠捷科技(903)的翻身機會。收費專欄連結: http://homebloggerhk.com/68859/   [最新業績分析] 敏實集團(425)昨天收市後公布去年業績,今早開市逆市造好。我已更新業績分析數據,大家若有興趣可按下圖連結參閱。     IGG(799)、美圖公司(1357)及周黑鴨(1458)於是月初正式被列入「港股通」名單,股價便不理什麼基本分析,不理估值高低忽然飛升,明顯是「北水」的威力,可是卻不是所有列入名單的股票可即時得到如斯待遇。不過,大家也可以學懂怎樣得知「港股通」名單的變更(下面有相關連結),嘗試把握一下「投機」機會! […]

Read more

【期俠語錄】莫家強一週短評 (2017/03/26)

PhotoAlexMok-1

【 #期權短評】 咳過唔停,今日請假喺屋企休息,跟市未必大貼。 之前講既下跌裂口,仍然有可能補埋。不過,之後唔好心急,指數有機會升多少少先跌。大家可以吼恆指24600點至24800點先部署淡倉。 不過,補多一句,最好既情況係開市無耐就升到,根據過去經驗,成功率會再高啲。假如個市真係咁勁,今日就到24800點都可以試做,但最好可以睇埋下星期一。 最後,記住要用有限風險既策略,計好注碼先入市,預咗無止蝕位。之前有人問過,唔解唔set止蝕? 有止蝕位,就有機會俾人挾走,中咗止蝕先跌。以策略本身設計黎代替止蝕,係做「逆勢」策略既一個小技巧,一方面錯咗都唔怕輸死,另一方面唔會俾人震走,贏面先會高。     【 #期權短評】 今日長話短說,早啲出post。 最主要想講兩樣嘢。第一,裂口;第二,造淡時機。 之前上個堂既朋友會詳細知道點解同點做,呢度簡單講少少。 個市上返去,短期內有機會補埋個裂口,即係恆指會升返上去24500點以上少少。裂口呢家嘢,一係唔補,但當一開始補通常都會補埋。因為,裂口本身既阻力好細。真正大阻力既位係裂口以上既位置,即係24600點至24900點左右。 最好係恆指升到以上提及既位置,等一日開市無耐高開,就用有限風險既策略睇淡,咁做既成功率會高好多。     【 #期權短評】 之前講過,一支「上升裂口大陽燭」可以令一啲之前無貨,甚至係睇淡既投資者改變睇法,入市高追股票。同樣地,一個下跌裂口,或者係一支大陰燭,都可以令一啲高追咗股票既人開始質疑自己既決定。 今日,暫時出緊下跌裂口。當然未到收市,都未知個裂口會唔會維持到。但簡單黎講,有裂口,後市會比較難再次上升。 聽過有前輩講,睇圖就係睇人既心理,同大戶散戶既角力。識睇圖,就會幫到掌握市況。呢方面其實幾好玩,有機會再同大家分享多啲。 講返策略。今日恆指如果可以升返上去,補返無裂口,我會做返Long Call,但當然機會唔大。相反,維持下跌裂口既話,就暫時繼續睇淡,直至有見底訊號再算,到時再update大家。     【 #期權短評】 分享一嚇其中一樣我觀察緊既嘢。 呢幅係過去三年波幅指數圖。上過高班既朋友會就明白我想講乜。呢一刻,我係等緊個波幅指數俾我signal我,話俾我知往後應該點樣做。 如果波幅指數升返上去,就會更有利我哋做「收息」既策略,到時就唔係每個月賺一萬幾千咁少。相反,波幅指數再跌既話,就做另一邊既部署。 有興趣既朋友都可以研究嚇,A係世界盃,B係大時代。     【 #期權短評】 策略方面,暫時都無太多update。 簡單黎講,如果個市繼續升,我一個月點都會賺到幾千蚊。但係,我最希望既係個市可以見頂回落,假如5、6月恆指跌返落去22000點左右,到時利潤可以有幾十萬以上。呢個就係我呢個「淡友」部署緊既策略。 個市會唔會再升,我唔肯定。但係我知道如果我用普通既方法睇淡,個市一直升我要一直輸錢既話,好快我就會失到耐性、膽量,被迫止蝕離場。 相反,只要我可以做到升市都有錢賺,咁樣我就唔會咁怕個市繼續升,心理壓力會細好多,要挨到個市跌既機會都會更高。呢個就係我鍾意做期權既其中一個最大原因。 另外,同過幾個朋友傾計,大家對後市既睇法都唔一樣。有人睇淡,有人睇好。而睇好既朋友,又有唔同程度;有人睇升埋3月就跌,有人睇大升特升。 大家啲睇法太唔同,FB好難一次過講。咁啦,有需要就搵我,我再個別俾個合適方法大家。     【 #期權短評】 睇完我寫既嘢,有朋友都笑我:「其實你都幾淡友底。」 但係依家既情況就係,個表象好到連我呢個「淡友」都唔敢造淡,或者咁樣就係危險既地方。 剛才趁期指跌咗幾十點,我都執咗嚇個倉。簡單黎講,係將個倉執返好少少,變返做「輕微」睇好,升會有少少錢賺;慢跌2000點以上既話,就大賺。 「係,升你都會有錢賺,但如果真係牛市你會賺少好多囉。」 老實講,呢一刻我覺得唔似。但如果到時真係黎牛市三期,仲要係勁牛,雞犬皆升,高位買貨過夜我就唔會架喇,但唔過夜玩窩輪、股票期權Long Call都已經可以賺好多錢。不過,真係到果刻先算啦。 暫時,恆指升緊78點。成交方面,11點鐘已經4百幾億,價量配合架喎。但係匯控唔升,建行唔升,工行唔升,中行唔升,港交所唔升,上升股票669隻,下跌745隻,加上恆指呢個高度,我自己對個市有好大戒心。   […]

Read more

【財技簡易宮略】長問短答(卅八) (2017/03/24)

按此成為付費會員或請先登入
Read more

【股海崢嶸】潘家榮:輝山乳業頓成是日教材 (2017/03/24)

20160314-個人照5

  24/3/2017 15:20     啱啱今個星期上堂先講基本分析有佢既盲點,其中一個就係,就算你熟讀曬公司好幾年既業績,研究曬佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現?     (唔好以為我係話基本分析唔好,技術分析就好,技術分析一樣有佢既盲點…..第日有機會再分享)     今日 輝山乳業 (6863) 就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑造假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。     另一樣野,我成日都講,喺底既股票唔代表安全,當個市升曬上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐嚇先唔止蝕,希望坐返家鄉的話,咁就即刻損失慘重喇。     要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。  

Read more

【舊文重溫】王榮昆:輝山乳業的迷思 (2015/10/06)

James_Wong3

[王榮昆] 輝山乳業的迷思 (2015/10/06)   「老婆話佢玩嘢,阿媽問佢係唔係傻咗,阿爺陰陰嘴笑...」他們不是在拍大X冰皮月餅的廣告,而是講緊輝山乳業(6863.hk)於9月30日又再回購2734萬股,涉資約7600多萬元,股價再創上市新高。從片頭那一家人的面部表情解讀,應該是一個太早沽,一個望住日日升唔敢買,一個賺到笑。只是不知道誰會笑到最後?   自去年10月起,輝山便啟動了回購程序,至今共動用了約21億元在市場回購約9.35億股(平均價每股$2.27)。其控股股東楊凱及葛坤,更投出46.8億元增持公司近22.38億股(平均價每股$2.09)。由於在公開市場掃貨的金額巨大,輝山期內的股價便由最低回購價$1.3升至上週五的最高$2.93,升幅達125%。   這些金額是一個怎樣的概念? 回到2013年9月的IPO時,公司以每股$2.67發售新股集資近78億,即是說這次回購金額為當時集資金額的四分之一。大股東楊先生就更跨張,不但把招股時套現的資金重新投資於公司,更額外自掏數十億元來增持。   如此大筆的資金從何而來?我們可以把公司回購和大股東增持分開來看。在輝山的公司方面,回購的資金主要來自其IPO集資所得,其營運現金流,以及在今年初向 匯豐貸款所得1.56億貸款。在輝山的大股東方面,增持的資金主要來自其IPO套現所得,以及其分別於今年6月5日和8月13日, 懷疑向平安銀行抵押46.42億股借來的錢。此批股份共佔已發行股33.24%, 或大股東近一半的持股,大約可以按到數十億錢。而大股東真正大手增持是在今年7月2日,時間點上也可以契合。   其實,輝山的股票回購始於與美素佳兒的生產商Friesland之合營。後者承諾注資近七億人民幣,並在完成交易後六個月內(即2015年4月1 日至9月30日)於場內買入總值3,000萬美元的股份, 禁售期為六年。也就是說,6863的公司和大股東不但跟Friesland搶股票, 更偷步買入。   當然,因為Friesland在5月底已快速買齊貨(最少買到1億5000萬股),而輝山和其大股東仍在高位不停大量地買,且買入量較Friesland更多,並因此推高股價,相信Friesland對坐這轉順風車是完全沒有異議的。   6863公司的回購和大股東的增持,令策略夥伴、投資者、甚至自身都有賬面盈利,看似三贏,其實卻處處透著詭異。在今年第二及第三季的告訴大手回購之下,截至9月17日,公司自身持股已逾7成。用抵押、借錢等種種手段來進行大規模的回購,若只是為了向市場彰顯對公司的信心,則未免殺雞用牛刀。 那麼,肯定是別有所圖。   如果說6863所圖的是賣盤,那的確有這個可能。輝山的兩名基石投資者已在高位賣出手上持股,而一手幫助輝山建立華東及華南銷售渠道的麥惠舜(Mark Anthony Wilson)亦在做了不夠一年後就跳船。這種管理層的更換與賣盤之前的準備功夫相符。但若是要拿控股權,為何非得要這樣在公開市場一路掃上去?   同時,由於公司的大額回購,其2016財年的預測PE已炒到35倍, 估值不合理地高於同業。誠然,隨着股價的攀升,大股東從向平安銀行抵押的46.42億股中可以按到更多的錢出來,然後再入場掃貨,進而再推高股價。但是輝山自己將於11月尾公布2016財年的中期業績 – 意即其買賣禁制期(blackout period) 將從10月尾開始。而且,現時Friesland也已無需再買6863了。   所以在這個價位上, 6863的股價在10月中下旬到11月中下旬出中期業績前都可能缺乏動力。所以我們不妨等它出完業績才做進一步的行動,因為輝山乳業大手回購的動機實在是曖昧不明。 王榮昆(James) 在美國時任職著名券商美邦Smith Barney內部的「11人團隊」,負責管理總值10億美元的客戶資產。回港後,與拍檔成立Alpha Edge Group私人證研究券智庫,為客戶管理基金及股票投資組合,因熟悉市場運作及對國內政經常態有精闢見解,獲《大公報》及《廠商會期刊》邀請, 以筆名「文少伯」於財經專欄撰文,強調投資須政經合一、價值與走勢並舉的研究方針。

Read more

【期權短評】莫家強期權短評 (2017/03/24)

PhotoAlexMok-1

【 #期權短評】 咳過唔停,今日請假喺屋企休息,跟市未必大貼。 之前講既下跌裂口,仍然有可能補埋。不過,之後唔好心急,指數有機會升多少少先跌。大家可以吼恆指24600點至24800點先部署淡倉。 不過,補多一句,最好既情況係開市無耐就升到,根據過去經驗,成功率會再高啲。假如個市真係咁勁,今日就到24800點都可以試做,但最好可以睇埋下星期一。 最後,記住要用有限風險既策略,計好注碼先入市,預咗無止蝕位。之前有人問過,唔解唔set止蝕? 有止蝕位,就有機會俾人挾走,中咗止蝕先跌。以策略本身設計黎代替止蝕,係做「逆勢」策略既一個小技巧,一方面錯咗都唔怕輸

Read more

【聶SIR】分析貨源歸邊不容忽視的重點 (2017/03/24)

.1(2)

    筆者於上周三 (3月15日) 零晨時份收到讀者Sammy的電郵提問:「聶Sir你好!我留意到中渝置地 (1224) 於3月14日晚上發出供股公告,由於我想多瞭解當中是否可值得投資,所以查看中央結算系統 (簡稱CCASS) 的參與者持股資料,發現持股總數佔已發行股本99.87%,大股東張松橋透過直接及間接持股為60.47%,如資料無誤,應全數放在CCASS之內,但問題是根據資料顯示持股最多的證券商是中南証券 (佔權9.14%),若張松橋的持股放在其中,明顯只屬於其中一部分,那麼其餘股份到底在哪裡呢?難道他拆散股份放到不同證券商之中?據傳張松橋財力雄厚,理應不用把持股抵押到其他證券商以取得融資,到底為何會出現這樣奇怪的持股分佈呢?是否我對CCASS數據的理解有誤呢?       略談供股重點 讀者上述公告關於供股,規模為2供1,由於未有超過此比例,毋須召開股東特別大會已可進行,屬於小規模供股。供股價2.00元較3月14日收報2.26元折讓11.50%,對比一般授權配股的折讓上限為少於20%,反映今次屬小折讓供股,連同上述小規模供股的安排,認為股價被向下炒機會不大。雖然如此,宣佈供股翌日股價開報2.16元,較2.26元低開4.42%,並於上午收市前約15分鐘跌至2.05元,下午開市後才見逐步回升,最終收報2.10元,但仍較開市價再跌六個價位,較供股價僅高5.00%,不排除有心人在刻意壓價收貨。       主席大權在握 現看股權結構,主席兼執行董事張松橋全權擁有興業有限公司和Fame Seeker Holdings Limited,分別持有集團約10.71億股和2.34億股,佔權41.37%和9.04%,即張松橋持有集團50.41%股權,因佔權為30%或以上,是控股股東,亦因佔權超過50%,為集團最大股東,表示管理和控股的主導權均已集中在張松橋一人手上,進一步確認不會藉着今次供股將股價向下炒。此股還有另一大股東,就是Regulator Holdings Limited (簡稱Regulator),持有約2.60億股,佔權10.06%,於2016年中期報告列出張松橋視為擁有透過Regulator所持有相同數目股份的權益,表示張松橋現時實則可控制集團60.47%股權,不過須留意Regulator沒有承諾供股,倘若最終的確沒有參與供股,該公司的佔權將被攤薄至6.71%,那麼張松橋可控制的股權會降至57.12%,微跌3.35%,從張松橋仍是集團最大持份者和佔權逾五成,可見即或Regulator不參與供股亦影響不大。       街貨分佈剖析 若是如此,我認為並非張松橋不願進一步斥資供股,而是有意讓有心人接貨,便能令有心人的街貨佔比增加,達至貨源歸邊效果。另於3月15日的中央結算系統 (簡稱CCASS) 顯示參與者有344名,持有約25.85億股,相對現時已發行股數約25.88億股佔99.87%,反映上述三名大股東持貨已在CCASS。現時約303萬股未有放進CCASS,參考供股公告顯示董事們 (張松橋除外‧同下) 持有約439萬股,多於上述約303萬股,認為他們的持股亦已放在CCASS機會大。值得留意「不願意披露的投資者戶口持有人」的持貨高近12.62億股,暗示興業有限公司持有約10.71億股在其中,其餘1.91億股則分別放在64名參與者之中,這就是分析此股是否貨源歸邊必須注意之處,若是假設張松橋的持股被放在有披露的CCASS部分,立時看到幾近沒有街貨的結果,邏輯上有問題。至於願意披露持貨分佈約13.23億股,由279名參與者持有,當中包括了餘下兩名大股東和董事們合共持有約4.99億股,經扣除後的街貨量約8.25億股,其中首十名均持貨超過4,500萬股,認為屬有心人持股機會大,她們佔上述279名參與者的3.58%,卻持有約5.22億股街貨 (已扣除兩名大股東和董事們持股),為願意披露於CCASS持貨分佈者之街貨佔比的63.25%,因已高於六成,反映貨源已被歸邊。    

Read more

【股海崢嶸】潘家榮:升市不用太過興奮 跌市亦不用太過恐慌 (2017/03/24)

20160314-個人照6A

      每次大市由高位稍為跌多少少,就會吸引一班淡友出來,大鑼大鼓說大市升勢已完,預計要向下跌幾多,所以早前他們叫大家不要追貨是絕對正確的。   這種一路升一路估頂的做法,對最後總有一次會估中,但是這樣做除了可以在當時認一認叻之外,實際意義其實不大,因為在之前的升市可能已經估錯了很多次頂,明明可以好好坐一個升浪,自己卻浪費一大堆精神在估頂身上,那又何必呢?   股市不會無止境地升,但要睇淡,都要等大勢轉了向才好做,估頂估得太早只會令自己陷入困境。現時好淡分界線在24000,而指數一日仍在此水平之上,說見頂似乎言之尚早。   前天美股突然急跌,港股一開便裂口下跌近三百點,相信不少揸齊貨的投資者當日都會非常擔心,所以筆者特意在fb寫了一句: 「升市不用太過興奮,跌市亦不用太過恐慌」,派一派定心丸。   寫下這一句,並不是因為我是超級大好友,盲目地看升,就算跌市都叫大家不用理,而是希望大家可以平常心面對,因為股市操作最忌太受市場氣氛和情緒所影響,若然一見市升得好就貪心,嫌自己買得不夠多而瘋狂地找股票買,稍為跌多一點,又嫌自己太多貨,害怕自己買了個頂,這樣不斷在貪婪與恐懼之間浮游,只會越炒越衰。   所以,無論升又好、跌又好,都應該以平常心來應市,先問一問自己有沒有定好策略,若然所有股票都一早定好止蝕/止賺位,跌穿便沽貨,不跌穿便繼續坐,只要做好準備,就算遇上任何風浪都可以安然渡過,而不是見跌市才問應該怎麼辦。   潘家榮 元大證券(香港)經紀業務部營業總監    

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。