拆解林鄭當選後香港樓市走勢 #1303

特首選舉塵埃落定,就算再有亂子亦不屬港人之福。林鄭當選後香港經濟樓市何去何從? 筆者喜愛抽離一點先從香港於地區上扮演角色、及現時金融趨勢去解說往後樓價怎樣走著。     如果香港無移民,根本唔會有董建華、唐英年。恰巧上述兩位人仕之先輩都在戰亂時從上海走落離香港,香港同上海從來唔需要比較,敢講香港同上海無得比,上海穩勝。不過香港可擔任對沖內地經濟的一顆棋子,時至今日,香港資產成為對沖人民幣下跌的瑰寶。六七年毛核心決定唔趁亂收番香港、筆者相信今時習核亦心中有數,取消一國兩制令香港變成了廣洲,對中國發展屬零得著。     近月中國同胞已用腳同錢「投票」,2016年9月數據,涉及買家印花稅的個案共250宗,15個月新高。如計大單位市場,無官方印證的代理數據表示,內地客買樓金額佔整體比例26%。一眾數字說明內地客又從回香港了,那為什麼自2012退場後更面對「踢喼」,內地客又要返黎香港呢?     說投機升值,就絕對唔係,內地樓升得快過香港好多。惟以投資價值而言,係香港買樓令內地買家免受限購令影響,加上持有美元資產可拉平人民幣下跌帶來財務損失,更可隨時賣樓將資金轉移海外,對內地買家而言擁「一石三島」之好處。近月不少香港地產商賣新樓會先問入票「抽籤」者買房數量,買八間的在A1籌,買四至七間的A2,一間的「窮老港」就死在B籌。當然結果梗係A1抽中者眾,可以先選單位。中籤者如屬剛成為三粒星的「港新貴」,梗係用盡首置名額唔使交15%稅之便利,有咁多谷咁多。香港地產商而家食梗呢條水,而揸住呢條水喉既人特首有份,屬大大茶飯,更有戰略性意義。     習核一向落力打貪打腐,內地人如走錢要大筆,將灰錢落港買樓屬不二之選。始終去日本同俄羅斯言語不通,台灣市場太細一谷就起,先將錢運去香港再部署他日跳到美國澳洲屬正當思路。筆者咁講呢條水路,係內地官場仲緊要過一帶一路。畢竟一帶一路是口講的,而「香港水路」是自己發財用的。今日選到林鄭再加兩個政協副主席同埋政治局top 3人物去睇實呢條水,在國內任何有灰錢係手既同胞,收到電話或被邀洗頭艇都要俾面。對某些人的統戰工作具有深厚意義。     土生香港仔你要發達,就請你務實地參與「香港水路」建設。當然你好命出世早已賺夠有米,就好應發財立品。至於上岸者懶清高仲要指點灰錢生意,筆者看此舉未免有些過態了,先講自己,筆者係靠邊站的,不支持亦不干擾。當然未成為「水路」持份者的,就梗係日日嘈嘈嘈,這些事情放諸管理賭場或茶餐廳都會發生。好啦要講講未來預計發生既事,看法是「香港水路2.0」將會出現,如你連水路1.0都未攪好,那好應少上網少睇報紙,多收風多看書多思考。     「香港水路2.0」由內地地產商發起,先用慈善名義在國內成立基金避稅,再將基金控有香港上市公司作旗艦,啟德同鴨脷洲地皮已投得,建成樓房後會拎返上海北京賣,推5大好處: 單位已由發展商打包落公司名持有,買家可規避持有香港住宅的15%重稅。 人民幣貶值相對令物業在國內升值,變相成為最佳買人民幣跌的工具。(世上買人民幣跌的工具難找,是香港的獨特性成就了此事! 基本上國家不希望有任何看淡人幣或股市的工具出現) 資金放到香港後,靈活性大增 有得住有面子! 為sell客半山往後恐怕仲要劃埋北半山(北角村重建後地點)、南半山(黃竹坑)、同東半山(筲箕灣)。 吹噓可投資移民(而家買樓唔計入項目架)   關於內地限購,比個例子你睇: 廈門市國土資源與房產管理局發布關於進一步完善調控措施,促進房地產市場平穩健康發展通知指,在嚴格執行2016年10月5日住房限購政策基礎上,該市戶籍成年單身(含離異)人士在該市限購1套住房。   同時,通過贈與方式轉讓住房後,再次購買住房需滿3年。新購買住房的,需取得產權證後滿2年方可上市交易。此外,各商業銀行嚴格貸款審查審批。通過不動產交易信息共享,商業銀行嚴格按照二手住房交易價格為基數發放貸款,防止虛增房價套取銀行貸款。嚴格審查首付款資金來源的真實性,堅決杜絕「首付貸」。嚴格評估借款人還款能力,防範通過虛假收入證明、虛假流水、虛假交易騙取貸款等。   不排除日後連二手樓都玩埋,合法咁將香港資產轉比內地企業再打包賣比國內同胞,做法是咁的: 內地銀行黎香港推按揭服務,物業直接由內地公司持有。借款者在取得物業後斷供,抵押物業即轉到國內公司名下而免付BSD(買家印花稅)。如此一來,內地公司將大量香港二手物業打包再出賣,物業在中國已先有15%水位了,因為國內買家可間接取得業權而免付在港買樓要比的15%稅。     任總在上海工作一排了,可能知道呢個機遇可「打救」香港,在助選時已幫林鄭一把。其實過去五年有香港地產商董事入獄,為其工作的高官亦被收監,香港的精英及富豪已知大勢已去,趁早投入中資陣營一齊把握「水路」為上策。看倌見特首選舉結果,著片得365票只比泛民的300+多了一點點,調轉睇即係建制同富商界別基本全投林鄭,阿四叔都開到口支持林鄭了! 如果再五年企錯邊,恆基一大堆農地唔使旨意轉到住宅用! 筆者已在早前文章分析過新世界在過去5年企對邊,怎令集團業績三級跳! 筆者估計另一個得益點,在香港保險業。當年保誠及友邦都選在香港上市,主為金融海嘯後為撲水,不過自CRS實施後,當年急就章竟是把棋下個正著! 現在船帆對準了風口位。     CRS即是Common Reporting Standard,大致是銀行及金融機構有需要提供客戶資料與別國政府作追稅之用。直接講重點,自2017年初實行為富邦的生意有起色,因為台灣暫未參與呢個CRS,不過客戶係要飛去台灣開戶先可以合規避免。保險公司做生意係要附合CRS的,不過香港保險公司受保監局監管、銀行受金管局監管,行內都感覺到金管的監管水平高很多,因此不少內地人在港買的保單,只不過敷衍申報了事。明白到香港政府正為保險業監理局改革,相信是有人看到呢塊肥豬肉,要狠狠的參與咬一口了。點都好,若政府肯為「香港水路2.0」訂明遊戲規則,亦屬好事。內地就是連規則都無,早年入內地做生意要交十幾個陀地、而家減至幾個。若係香港做生意或轉錢可以比足稅同一個陀地就令件事可擺上台見得光,亦屬可考慮。     講返林鄭,佢參選時提出的幾個重點,如肯執行及最後能通過法案落實執行,筆者認為對香港有利,就當再遇金融逆境,佢(她)幫到香港死少幾倍人。但以香港人現時之耐力及抗逆能力,要好似幾十年前小強咁打不死就絕無可能。筆者亦同意以佢買廁紙同年年考第一既經驗,5年任期是否事成好考佢能否搵到有智慧及老江湖幫佢過關。惟林煥光先生此等公正及正直形象之人仕,林鄭自己已可予此功能不需再召,欠既就係有冇肯做爛仔同講數叻既人幫佢。大家身邊都有呢類朋友,佢地做野識轉彎,不過因為醒同唔習慣行正路,所以唔會考到第一。     林鄭提議容許未補地價的居屋業主,通過與社企合作,把單位在市場放租。另外將有經濟條件的公屋戶上樓,騰出公屋單位。都是老掉牙式的重啟置業階梯,惟今時林鄭上任時已對內地財團部署看懂一二,應可好去同內地發展商配合做到樓又可以賣、香港人又有屋住的局面。不過估計林鄭帶來是另一種和諧,土生土長香港人多被困哂係公局屋更難翻身,靚地就賣哂比內地富豪而香港人日後就從天水圍出發過海返工去服待富豪。此等模式在新加坡及馬爾代夫都略見一二。新加坡分配組屋比平民成功令民用房市同投資房市分割,馬爾代夫更誇張,遊客住係一邊靚resort用美金、原住民住係另一邊爛屋用馬幣。一個痛苦的切割先可以解決到外地人同本地人對一個城市之不同需要。相比下如後台更本地化的曾生當選,問題會拖得更耐,但本地人活下去比較有尊嚴一點。   […]

Read more

【聶SIR】一種令人持續輸錢的邏輯 (2017/03/27)

.1(2)

    上月於不同渠道收到一些讀者的訊息,表示等在股票市場賺到錢就會報讀筆者開辦的課程,我心裡即時的想法是極有可能這些讀者都不會成為我的學生,是否報班不是我今天想考量的重點,更想談論的是他們的思維邏輯有所偏差,這也反映到他們的投資績效上。大家不妨想想,你會在甚機情況下想去學習某種技能呢?難道不是認為在某方面感到不足時而去報讀相關課程嗎?若套用在上述那些讀者身上,他們有意報讀我的課程,無非是對現時的投資績效感到不滿意。但他們表示在股票市場獲利後才報班,明顯是在投資技術沒有改進的情況下,奢望投資績效變好,試問有可能嗎?     二月雞吠皆升 筆者唯一想到的可能性是他們遇上大牛市,撇開2015年4月及5月市場稱為「港股大時代」的股市榮景,如今也算是牛市,從去年12月23日恆指收報21,574點,到上周五 (今年3月24日) 收報24,358點,是自從去年9月9日收報24,099點後歷時超過六個月再次收高於24,000點,若以去年12月23日計起,於大約三個月累升超過2,700點,升幅近13%。於2月份連細價股也被炒得沸騰,似有「雞吠皆升」之感,不論是否投資高手,在這樣的市況錄得賬面利潤絕不困難,問題是能否真正獲利。大家又可想想,當一個人於去年8月或以前買入一隻股份,到了今年2月「坐貨」歷時已近半年,甚至可能超過半年,如今得以「鬆綁」,或者已見持貨賬面賺了一至兩成,就會甘心離場嗎?     股民典型心態 「高追中伏不願止蝕,望見家鄉嫌賺得少」是典型的散民心態,因為他們總是著眼於買股票要賺錢,並且要賺到盡,結果見股價回落,利潤萎縮不少,甚至由賺變蝕,大多寧願繼續「坐貨」。其實「坐貨」不是問題所在,我也不時呼籲讀者持貨耐心守候,差別在於我以揣摩有心人的成本價為分析切入點,認為只要讀者的買入價與有心人的成本價相若或更低,就算要守候半年或以上,最終也會望見股價上揚的日子,絕非那些高追中伏的股民,既不知道股價為何上揚,也不明白股價何以下跌,更遑論是掌握股價的升跌節奏,抱持這樣態度來「坐貨」,最終有多少人可以「守得雲開」,能夠獲利離場,大家應當心中有數。     想法決定績效 回看本文開初論述的那些讀者,難道不是抱持賺盡的心態嗎?要等賺到學費才來上堂,不過實情是報讀我的初班也毋須2,000元,我相信大部分投資者都會投放超過這個資本金額來買股票,而投放如此金額的十倍或百倍者,更是比比皆是。撇開學費多寡,其實要等他們持有的「蟹貨」可以平手,若沒有市況配合,以他們的投資技巧根本就很渺茫,更遑論是有利可圖。即或有人可以賺夠學費,屆時有決心來上堂的我相信是絕無僅有,因為人在投資獲利時,到底是歸因於自己,還是外在因素較多呢?當人自以為經已悟出投資獲利訣竅時,還會認為有跟別人學習投資技巧的必要嗎?很多人以為他們的言行合乎邏輯,但當細意整理箇中因果關係時,卻是充滿漏洞的,倘若這種邏輯套用到股票投資上,績效的優劣早已有了定數,惟有跳出自我的思維盲點,才可扭轉不少散戶當前的投資劣勢,踏上投資創富的梯階。     聶Sir     於執筆時,筆者或相關人士,並未持有上述股份。上述內容給讀者予以參考,絕不構成任何買賣股份建議。        

Read more

【崢嶸語錄】潘家榮一週短評 (2017/03/26)

20160314-個人照6A

    3月24日 16:05 · 啱啱今個星期上堂先講基本分析有佢既盲點,其中一個就係,就算你熟讀晒公司好幾年既業績,研究晒佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現? (唔好以為我係話基本分析唔好,技術分析就好,技術分析一樣有佢既盲點…..第日有機會再分享) 今日6863就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑做假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。 另一樣野,我成日都講,喺底既股票唔代表安全,當個市升晒上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐吓先唔止蝕,希望坐返家鄉的話,咁就即刻損失慘重喇。 要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。 #潘家榮【講座2017/04】打開散戶致勝之路│KP10 新人優先留位,舊生亦可參加,以課程總監回覆為準 時 間:2017-04-22(六) 17:00-18:30(全一課) 地 址:尖沙咀金巴利道35號-金巴利中心13樓03室 地 圖:https://goo.gl/maps/iJZXtRAhcEp 報 名:bit.ly/2ffhxkZ *必須填寫「1名稱」「2電話」「3電郵」「4課程編號=KP10」   3月24日 15:35 · 【#股海崢嶸】#潘家榮:升市不用太過興奮 跌市亦不用太過恐慌 (2017/03/24) http://homebloggerhk.com/68904/ 每次大市由高位稍為跌多少少,就會吸引一班淡友出來,大鑼大鼓說大市升勢已完,預計要向下跌幾多,所以早前他們叫大家不要追貨是絕對正確的。 這種一路升一路估頂的做法,對最後總有一次會估中,但是這樣做除了可以在當時認一認叻之外,實際意義其實不大,因為在之前的升市可能已經估錯了很多次頂,明明可以好好坐一個升浪,自己卻浪費一大堆精神在估頂身上,那又何必呢?…..     3月22日 15:36 一朝早叫大家「升又唔駛太過興奮,跌亦唔駛太過恐慌」,並唔係因為我非常睇好,而叫大家點跌都唔駛理。 我一向都話定策略係好重要,當個市一郁,無論係升又好定係跌都好,我地唔應該跌左落黎先至問點算,而係喺普通既日子,都已經預備定一旦跌既時候要點樣做,當你喺最清醒既時候已經諗好晒,就唔會喺跌左落黎既時候先至驚,唔知點算好。…..     3月21日 15:38 · 有朋友尋日叫我講下1357美圖,呢隻股份最近成為好多人既焦點,唔係因為佢地突然覺得美圖秀秀好好玩,而係因為佢喺11個交易日入面升左超過八成,而尋日更加一度單日升三成,可以話係股民近期既神話。 要研究返點解佢會咁升法,其實都唔需要點解釋,主要係本身公眾持股量只係得13.58%,再用多一兩個月收吓貨,要貨源歸邊一啲都唔難,跟手就好易炒上去。 莊家股既野,雖然唔係我杯茶,不過都可以簡單講吓。⋯⋯     3月21日 13:00 · 【股海崢嶸】潘家榮:齋睇指標逆市造淡錯失機會 (2017/03/21) homebloggerhk.com/68722/ 大市繼續上升,期指轉眼間已到達24,500的水平,創2015年中股災後的新高。在剛剛過去的週末,筆者翻開報章雜誌,發現有不少人對現時升市的睇法仍然相當謹慎,有說國指營造雙頂,亦有話恒指出現RSI頂背馳,並不相信升市可以延續。⋯⋯ 更多     3月20日 […]

Read more

【紅猴股評】簡志健一週短評 (2017/03/26)

..1(c)

    3月19日 10:00 · 紅猴: 傳奇基金經理彼得林治(Peter Lynch)曾說:「天下最糟糕的事,莫過於投資股票,卻不了解所買的上市公司!」他認為:「投資者對研究上市公司沒興趣,一看到資產負債表就頭昏,看年報只看照片,這豈非進股市白吃白喝!」天下那有免費午餐?想學懂怎樣有效率精讀中小型上市公司年報,可由參加紅猴加LARRY HUNG 課程   http://homebloggerhk.com/13379/ 紅猴簡志健 × Larry洪龍荃【無懼世事變改 港股致勝攻略班】ST2N     11:06 · 經濟一週專欄] 今天在「財報危與機」專欄,發表文章「不要漠視投資者知情權」(P.46),以丘鈦科技(1478)作例子,不明白為何市場上的證券行分析報告,只講表面機會,不提背後風險。   若果你持有這些股票,卻未預算有一天的股價忽然如此,也未免太天真吧!若果這已是你預期之內,但仍覺得不爽,那麼你已冒著超過自己能承受的投資風險! #一天大跌85巴仙的股票正停牌中 (圖片來源:Yahoo! Finance) [想學懂怎樣有效率精讀中小型上市公司年報,請按 https://goo.gl/Mzp1GT]     今天完成和Larry Hung合作的投資講座「無論旺市淡市,全天候尋找賺錢機會」,已是兩度加場,三度公演!多謝週五晚上也抽空出席的朋友,更多謝即場報名投資課程的支持者。 無懼世事變改 港股致勝攻略班(ST2N) 5月18日開班 中小型上市公司年報精讀班(ST2M) 3月31日 開班 詳情:http://homebloggerhk.com/26425/   [傳媒訪問] 今天中午於TVB J5的「午市進擊」做現場直播訪問嘉賓,閃睇完數份在12:00至12:30公布的公司業績,即要在12:45開始回應作短評,是個不錯的體驗!     [觀微知勢專欄] 今天發表文章,分析冠捷科技(903)的翻身機會。收費專欄連結: http://homebloggerhk.com/68859/   [最新業績分析] 敏實集團(425)昨天收市後公布去年業績,今早開市逆市造好。我已更新業績分析數據,大家若有興趣可按下圖連結參閱。     IGG(799)、美圖公司(1357)及周黑鴨(1458)於是月初正式被列入「港股通」名單,股價便不理什麼基本分析,不理估值高低忽然飛升,明顯是「北水」的威力,可是卻不是所有列入名單的股票可即時得到如斯待遇。不過,大家也可以學懂怎樣得知「港股通」名單的變更(下面有相關連結),嘗試把握一下「投機」機會! […]

Read more

【期俠語錄】莫家強一週短評 (2017/03/26)

PhotoAlexMok-1

【 #期權短評】 咳過唔停,今日請假喺屋企休息,跟市未必大貼。 之前講既下跌裂口,仍然有可能補埋。不過,之後唔好心急,指數有機會升多少少先跌。大家可以吼恒指24600點至24800點先部署淡倉。 不過,補多一句,最好既情況係開市無耐就升到,根據過去經驗,成功率會再高啲。假如個市真係咁勁,今日就到24800點都可以試做,但最好可以睇埋下星期一。 最後,記住要用有限風險既策略,計好注碼先入市,預咗無止蝕位。之前有人問過,唔解唔set止蝕? 有止蝕位,就有機會俾人挾走,中咗止蝕先跌。以策略本身設計黎代替止蝕,係做「逆勢」策略既一個小技巧,一方面錯咗都唔怕輸死,另一方面唔會俾人震走,贏面先會高。     【 #期權短評】 今日長話短說,早啲出post。 最主要想講兩樣嘢。第一,裂口;第二,造淡時機。 之前上個堂既朋友會詳細知道點解同點做,呢度簡單講少少。 個市上返去,短期內有機會補埋個裂口,即係恒指會升返上去24500點以上少少。裂口呢家嘢,一係唔補,但當一開始補通常都會補埋。因為,裂口本身既阻力好細。真正大阻力既位係裂口以上既位置,即係24600點至24900點左右。 最好係恒指升到以上提及既位置,等一日開市無耐高開,就用有限風險既策略睇淡,咁做既成功率會高好多。     【 #期權短評】 之前講過,一支「上升裂口大陽燭」可以令一啲之前無貨,甚至係睇淡既投資者改變睇法,入市高追股票。同樣地,一個下跌裂口,或者係一支大陰燭,都可以令一啲高追咗股票既人開始質疑自己既決定。 今日,暫時出緊下跌裂口。當然未到收市,都未知個裂口會唔會維持到。但簡單黎講,有裂口,後市會比較難再次上升。 聽過有前輩講,睇圖就係睇人既心理,同大戶散戶既角力。識睇圖,就會幫到掌握市況。呢方面其實幾好玩,有機會再同大家分享多啲。 講返策略。今日恒指如果可以升返上去,補返無裂口,我會做返Long Call,但當然機會唔大。相反,維持下跌裂口既話,就暫時繼續睇淡,直至有見底訊號再算,到時再update大家。     【 #期權短評】 分享一吓其中一樣我觀察緊既嘢。 呢幅係過去三年波幅指數圖。上過高班既朋友會就明白我想講乜。呢一刻,我係等緊個波幅指數俾我signal我,話俾我知往後應該點樣做。 如果波幅指數升返上去,就會更有利我哋做「收息」既策略,到時就唔係每個月賺一萬幾千咁少。相反,波幅指數再跌既話,就做另一邊既部署。 有興趣既朋友都可以研究吓,A係世界盃,B係大時代。     【 #期權短評】 策略方面,暫時都無太多update。 簡單黎講,如果個市繼續升,我一個月點都會賺到幾千蚊。但係,我最希望既係個市可以見頂回落,假如5、6月恒指跌返落去22000點左右,到時利潤可以有幾十萬以上。呢個就係我呢個「淡友」部署緊既策略。 個市會唔會再升,我唔肯定。但係我知道如果我用普通既方法睇淡,個市一直升我要一直輸錢既話,好快我就會失到耐性、膽量,被迫止蝕離場。 相反,只要我可以做到升市都有錢賺,咁樣我就唔會咁怕個市繼續升,心理壓力會細好多,要挨到個市跌既機會都會更高。呢個就係我鍾意做期權既其中一個最大原因。 另外,同過幾個朋友傾計,大家對後市既睇法都唔一樣。有人睇淡,有人睇好。而睇好既朋友,又有唔同程度;有人睇升埋3月就跌,有人睇大升特升。 大家啲睇法太唔同,FB好難一次過講。咁啦,有需要就揾我,我再個別俾個合適方法大家。     【 #期權短評】 睇完我寫既嘢,有朋友都笑我:「其實你都幾淡友底。」 但係依家既情況就係,個表象好到連我呢個「淡友」都唔敢造淡,或者咁樣就係危險既地方。 剛才趁期指跌咗幾十點,我都執咗吓個倉。簡單黎講,係將個倉執返好少少,變返做「輕微」睇好,升會有少少錢賺;慢跌2000點以上既話,就大賺。 「係,升你都會有錢賺,但如果真係牛市你會賺少好多囉。」 老實講,呢一刻我覺得唔似。但如果到時真係黎牛市三期,仲要係勁牛,雞犬皆升,高位買貨過夜我就唔會架喇,但唔過夜玩窩輪、股票期權Long Call都已經可以賺好多錢。不過,真係到果刻先算啦。 暫時,恒指升緊78點。成交方面,11點鐘已經4百幾億,價量配合架喎。但係匯控唔升,建行唔升,工行唔升,中行唔升,港交所唔升,上升股票669隻,下跌745隻,加上恒指呢個高度,我自己對個市有好大戒心。   […]

Read more

【財技簡易宮略】長問短答(卅八) (2017/03/24)

按此成為付費會員或請先登入
Read more

【股海崢嶸】潘家榮:輝山乳業頓成是日教材 (2017/03/24)

20160314-個人照5

  24/3/2017 15:20     啱啱今個星期上堂先講基本分析有佢既盲點,其中一個就係,就算你熟讀晒公司好幾年既業績,研究晒佢應該值幾錢,好有信心現價非常超值,但係你肯唔肯定成盤數係咪一定啱?又係咪無啲奇怪野出現?     (唔好以為我係話基本分析唔好,技術分析就好,技術分析一樣有佢既盲點…..第日有機會再分享)     今日 輝山乳業 (6863) 就即刻成為教材,單睇啲大行報告,佢地俾既目標價都係個幾兩蚊,但係今日即刻傳個大股東挪用30億投資房地產,而且又懷疑造假,佢地又點會諗到咁?所以如果淨係對住啲Report,唔信個市場,對啲估值太過認真的話,就會好易中招。     另一樣野,我成日都講,喺底既股票唔代表安全,當個市升晒上黎,而隻股票一直都升唔起,一定有佢既原因,你見隻6823一直都係喺2.8至3蚊橫行,升又升唔起,而家一跌就跌九成喇,如果一般散戶諗住坐吓先唔止蝕,希望坐返家鄉的話,咁就即刻損失慘重喇。     要點樣避開呢啲股? 好簡單,就係永遠買強勢股,而唔係貪平撈啲喺底、差既股票,再加上嚴守止蝕,就唔會發生呢啲事喇。  

Read more

【舊文重溫】王榮昆:輝山乳業的迷思 (2015/10/06)

James_Wong3

[王榮昆] 輝山乳業的迷思 (2015/10/06)   「老婆話佢玩嘢,阿媽問佢係唔係傻咗,阿爺陰陰嘴笑...」他們不是在拍大X冰皮月餅的廣告,而是講緊輝山乳業(6863.hk)於9月30日又再回購2734萬股,涉資約7600多萬元,股價再創上市新高。從片頭那一家人的面部表情解讀,應該是一個太早沽,一個望住日日升唔敢買,一個賺到笑。只是不知道誰會笑到最後?   自去年10月起,輝山便啟動了回購程序,至今共動用了約21億元在市場回購約9.35億股(平均價每股$2.27)。其控股股東楊凱及葛坤,更投出46.8億元增持公司近22.38億股(平均價每股$2.09)。由於在公開市場掃貨的金額巨大,輝山期內的股價便由最低回購價$1.3升至上週五的最高$2.93,升幅達125%。   這些金額是一個怎樣的概念? 回到2013年9月的IPO時,公司以每股$2.67發售新股集資近78億,即是說這次回購金額為當時集資金額的四分之一。大股東楊先生就更跨張,不但把招股時套現的資金重新投資於公司,更額外自掏數十億元來增持。   如此大筆的資金從何而來?我們可以把公司回購和大股東增持分開來看。在輝山的公司方面,回購的資金主要來自其IPO集資所得,其營運現金流,以及在今年初向 匯豐貸款所得1.56億貸款。在輝山的大股東方面,增持的資金主要來自其IPO套現所得,以及其分別於今年6月5日和8月13日, 懷疑向平安銀行抵押46.42億股借來的錢。此批股份共佔已發行股33.24%, 或大股東近一半的持股,大約可以按到數十億錢。而大股東真正大手增持是在今年7月2日,時間點上也可以契合。   其實,輝山的股票回購始於與美素佳兒的生產商Friesland之合營。後者承諾注資近七億人民幣,並在完成交易後六個月內(即2015年4月1 日至9月30日)於場內買入總值3,000萬美元的股份, 禁售期為六年。也就是說,6863的公司和大股東不但跟Friesland搶股票, 更偷步買入。   當然,因為Friesland在5月底已快速買齊貨(最少買到1億5000萬股),而輝山和其大股東仍在高位不停大量地買,且買入量較Friesland更多,並因此推高股價,相信Friesland對坐這轉順風車是完全沒有異議的。   6863公司的回購和大股東的增持,令策略夥伴、投資者、甚至自身都有賬面盈利,看似三贏,其實卻處處透著詭異。在今年第二及第三季的告訴大手回購之下,截至9月17日,公司自身持股已逾7成。用抵押、借錢等種種手段來進行大規模的回購,若只是為了向市場彰顯對公司的信心,則未免殺雞用牛刀。 那麼,肯定是別有所圖。   如果說6863所圖的是賣盤,那的確有這個可能。輝山的兩名基石投資者已在高位賣出手上持股,而一手幫助輝山建立華東及華南銷售渠道的麥惠舜(Mark Anthony Wilson)亦在做了不夠一年後就跳船。這種管理層的更換與賣盤之前的準備功夫相符。但若是要拿控股權,為何非得要這樣在公開市場一路掃上去?   同時,由於公司的大額回購,其2016財年的預測PE已炒到35倍, 估值不合理地高於同業。誠然,隨著股價的攀升,大股東從向平安銀行抵押的46.42億股中可以按到更多的錢出來,然後再入場掃貨,進而再推高股價。但是輝山自己將於11月尾公布2016財年的中期業績 – 意即其買賣禁制期(blackout period) 將從10月尾開始。而且,現時Friesland也已無需再買6863了。   所以在這個價位上, 6863的股價在10月中下旬到11月中下旬出中期業績前都可能缺乏動力。所以我們不妨等它出完業績才做進一步的行動,因為輝山乳業大手回購的動機實在是曖昧不明。 王榮昆(James) 在美國時任職著名券商美邦Smith Barney內部的「11人團隊」,負責管理總值10億美元的客戶資產。回港後,與拍檔成立Alpha Edge Group私人證研究券智庫,為客戶管理基金及股票投資組合,因熟悉市場運作及對國內政經常態有精闢見解,獲《大公報》及《廠商會期刊》邀請, 以筆名「文少伯」於財經專欄撰文,強調投資須政經合一、價值與走勢並舉的研究方針。

Read more

諗sir建議看的書: 當幸運來敲門 #1302

你好!諗sir! 很喜歡看你的文章! 現在每天習慣都會意你的fb。本人30歲,家庭主婦,育兩小孩,先生本身自顧,因健康問題暫時停工。所以我們現在老本幾乎吃精光,只剩下幾萬儲蓄。   本人早年買下樓, 9成按揭作出租用途。供6k 收租8k。買入價1.6M欠1.3M市值2.8M 申請轉按中 轉6成扣除雜費約套300k。 先生名下物業自住,買入價2.8M現值3.8M 欠1.65M月供10k 想幫佢轉按6成, 約可套70萬。   套出約100萬,目的支付日常生活與醫療開支。預計約30萬未來一年生活,不知道餘下70萬可投資咩產品可增加每月現金流? 有大陸親戚介紹買大陸新開樓盤約22000/平 有40~100/平選擇 可按7成 應否用套出資金投資大陸樓? 因我們兩夫妻都沒有投資智識。想請教諗sir指點一下,或者可以提供其他更好的方案給我們, 謝謝! Wendy上   ANSWER: 筆者自己思考: 為什麼內地房產商會走到香港買地起樓?   可正名將資金一大筆由內地過到香港。試想想你上海賣香港樓,付人民幣合法可擁有香港資產,完全無視銀聯卡或者乜乜卡個D禁令。淨係呢點,已肯定令香港樓賣爆。所以香港樓價將會包含內地資金逃逸而享有之溢價,而家只係序幕。你個仔學好點煮上海菜,比讀完港大工商科更有賺錢能力。(當然,先講賺錢能力唔係一切) 內地衍生利益之後延稅遠比香港重 香港本土地產商過往賺得太盡,參考新鴻基過往3年年報,集團於地產的margin介乎30-40%。今時內地地產商黎香港10-20%利潤已夠,在港賣樓對他們而言很好賺 持有美元資產,對沖人民幣下跌風險   遲下香港起好的樓盤會包銷上上海賣,香港人連見證ICC排大隊賣樓的機會都無。當然,樓市會有爆破一日,估計到時香港中國是但一方樓市都難獨善其身,在上述數個考慮之下,筆者不鼓勵任何人在內地置業。   同意讀者於理財沒有知識,一旦將樓加按突然有幾百個係身,牛鬼蛇神就會出現。所以話,最尾剩到錢係身既人,本身必須是識賺錢同懂理財。人傻自然有人呃走你D錢,所以戲入面既「傻人有傻福,符碌過一生」近乎唔存在。拍戲主依賴觀眾同理心加上灌輸美好願望去formulate賣座情況。在現實需付出耐性及年度計的堅持才能把錢賺來。   由於財缺,建議將讀者自己間樓按爆八成去套出更多cash。可套得2.8mil*80%-1.3mil ~90萬。一般的加按六成只獲30萬,唔知夠兩個小朋友加暫病配偶行到幾遠。按至八成月供230/259*10000 ~ $8800/月。將手頭資金增至90萬+70萬= $160萬。   當然,先生間樓都可按爆八成的,可暫時唔做咁盡,留番萬一銀包再見底時救急。若先生間樓按爆佢可套1.4MIL,即比而家70萬套多仍倍。 仲有,筆者唔係教產品的,而是學方法。產品可以每日轉,但懂方法就可助增強個人判斷力,往後自己解決問題。有時你見一些人好無運,好似頭頭碰著黑咁樣,其實萬事總有因,建議閣下睇一本書,好快睇完的: (ISBN:9861330321)   筆者自己睇開悶書,唔建議人地做苦差事。不過呢本真係又薄又易明,如你睇過就留點讀後感係POST COMMENT吧。   點都好,就當只160萬CASH係手,可以點做? 買股票是不宜的,穩陣錢從來不買股票。就當中電或領展,年波幅都比債券高。就當債券槓桿左將價之波幅增大一倍,用作計波幅之標準差仍比匯豐、內銀低。160萬投入債基疊增,行埋收息101課那最穩陣的「老豆之選」收息方案,悶到極之下收8-10%,讀者一年收入即多16萬,即每個月都有多12K用。當然坐食會山崩,若先生做唔到野,讀者點都要攪返左收入來源。同埋無野做及無收入證明既人,係點都做唔到按揭或加按的,未係新公司做夠半年都唔得,讀者需同時考慮這些情況。   證券業亦有本地薑與中資拗手瓜情況,耀才的新開戶7個月免佣? 定係同騰訊控有股份既富途證券一世免佣好? 如果你想擁有一世買港股的免佣戶口,可跟下面步驟做開戶。若香港證券行如真倒閉? […]

Read more

【期權短評】莫家強期權短評 (2017/03/24)

PhotoAlexMok-1

【 #期權短評】 咳過唔停,今日請假喺屋企休息,跟市未必大貼。 之前講既下跌裂口,仍然有可能補埋。不過,之後唔好心急,指數有機會升多少少先跌。大家可以吼恒指24600點至24800點先部署淡倉。 不過,補多一句,最好既情況係開市無耐就升到,根據過去經驗,成功率會再高啲。假如個市真係咁勁,今日就到24800點都可以試做,但最好可以睇埋下星期一。 最後,記住要用有限風險既策略,計好注碼先入市,預咗無止蝕位。之前有人問過,唔解唔set止蝕? 有止蝕位,就有機會俾人挾走,中咗止蝕先跌。以策略本身設計黎代替止蝕,係做「逆勢」策略既一個小技巧,一方面錯咗都唔怕輸

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。