【 莫家強 】恒指繼續睇31712點

美股弱勢,但港股都可以有呢個表現,我認為絕對交到功課。暫時,恒指我仍會繼續睇向上回補裂口,目標31712點。至於往後點做,到時睇盤路再決定。   另外,昨晚上堂,有朋友問港股成交低而大升,係咩原因?我既理解係,兩個字─「默契」。如果唔係淡友讓路,無人沽貨,根本就無可能咁少成交升咁多點。但我哋都要諗,咁樣做,後著係咩?   但無論如何,市況回穩咗,只要唔係高追股票,將來就算真係大戶喺高位散貨,大市轉向,我哋仍會有好大機會賺住錢走。識得用埋期權,一直收住時間值,贏面更高。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】坐得穩 贏錢機會更大

講一講個big picture。 我相信恒指仲會再破頂。不過,假如在上升既過程中,大市成交一直減少,咁會係好明顯既資金撤離跡象。出現呢種情況,去到高位,就係造淡既時機。 半日成交得返836億,愈跌愈少。大股,要用作托市,唔會咁快玩完,但中、細價股,如果股價無乜表現,最好走走。 另外,講多少少。我自已好鍾意同一啲贏錢既客戶傾計,因為,從佢地身上,我可以學到好多嘢。其中,有一啲贏到好多錢既朋友,佢哋揸住好多大股,心態係唔會特登諗止蝕位。只要個市繼續向上,佢哋就會繼續持貨,直至市況轉壞為止。咁樣,比止賺、止蝕,賺得更多。 我自己手上既大股,暫時都無止蝕位。唔要止蝕位既好處,係啲貨會坐得更穩,贏錢既機會更大。我既諗法係,總之揀一啲好股票,計好自已可以揸得起幾多金額,就揸落去,配合期權收時間值,揸到贏為止。 真係到有見頂或大調整訊號,我會再通知大家。但在此之前,我會繼續坐穩啲貨。 以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 尋找有故事的股票

恒指34000點目標,已經不遠,除非有特別調整跡象,否則啲貨會盡量坐埋佢。至於之後點做,我要再睇下,到時再答大家。 但大慨計劃,係要揾一啲有「故事」既股票,繼續博上去。首先,一隻股票,如果背後有「故事」去backup,股價容易被炒起好多。其次,係牛三尾段,整體上升股票既數目會持續減少,一啲無乜上升理由既股票,股價可能會率先轉弱。呢樣嘢,我哋都要注意。 我買2318同388,就係因為有故事。當然仲有好多其他股票,都有佢哋既大升故事,大家都可以尋下寶。配合適當既技巧方析技巧,就可以更加確定邊啲股票容易上升。 利申:持有平保(2318)及港交所(0388)衍生工具好倉。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 有錢,個市升幾多都得

  股市,有錢就乜都得,呢個係遊戲規則。只要有足夠資金流入,啲股價就可以升到完全偏離基本因素。但當然,升完係要還既。 但暫時,港股既升勢完全無止步理由。短期調整,當然有機會出現,但中長線而言,升勢未完。要把握到今年既升浪,賺大錢,我認為有三個重點。第一,心態。第二,揀股。第三,策略。 心態,最難直接教到大家,要靠自己領略。揀股,幾個月前講既5隻股票,5隻都贏,嚟緊我都有信心會繼續估中。而策略,我想講多少少。 我依家開始做既,係慢慢將倉位內Short Put既比重減少,而加重牛證。兩者最大既分別係Short Put贏面大,但一旦出事,風險難控制,而且回報有限。牛證,風險視乎注碼,但可以限制最大虧損金額,而且只要揀中股票,理論上回報無限。我認為,更適合現時市況。 最後,今年內,大家可以預期會有一段時間,港股會大升特升。唔知幾時開車,但大家要make sure,到時開車,我哋一定要已經喺架車上面。唔好上錯車,唔好仲係喺月台度等。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 –識賺,又要識走

  大市成交,上午時段已經超過一千億。就算撇除咗碧桂園(2007)既影響,都有900億。所以,有一隻盈利同大市成交掛鉤既股票,絕對係貴得有道理,值得留意。我自己有貨,冧把唔使開,應該大家都估到。用啱策略,用啱工具,潛在回報可以超高。   但另外一樣嘢,大家都要留意,就係下跌股票數目超過一千隻。呢啲情況下,真係唔好買啲太偏既股票。好明顯,資金正在洗牌,未來既日子,強股愈強,弱股愈弱既情況會更加明顯。   最後,恒指今年內高位一定未見。但睇升都好,一定要用啱工具。隨著大市升得愈高,我做Short Put既數量會逐漸減少,呢個係對於風險管理好重要既一步。升市要識賺錢,股災前要識甩身,兩者都要做好,先可以賺到理想回報。咩策略、咩注碼為之合適,呢個絕對係我哋呢一刻要意考既問題。   利申:並未持有以上股份。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 要有部分股票,坐到34000

  恒指34000點既目標,依家睇返,已經唔遠。騰訊(0700)、平保(2318)係最safeplay既選擇,基本上個市升,呢兩隻股都一定可以跟升,甚至升得更多。 低位有跟住入市既朋友,記住,34000點目標到達之前,點都要有股票喺手。你可以食下糊,走下位,但有一部分股票,一定要限制自己恒指唔到34000點唔俾沽貨。個人經驗,咁樣俾自己一個小小承諾,會令心態上變得堅定好多,賺大錢既機會都會增加。 又講下我既個人策略。極低位既Short Put,11月尾開倉果啲,時間值已經賺咗大半。其實呢段時間,我都有慢慢再加注,回報都算唔錯。每個月都有啲時間值賺,呢啲賺返嚟既錢,我會再用嚟再儲股票。 騰訊、平保,固然可以趁低吸納。有啲朋友好叻,睇到邊啲股票我避咗無寫出嚟,估到我會買。但當然,如果大家想跟住做,最好事前都問我一下,避免買錯。另外,真係要識得做股票期權,優勢會大好多。呢兩個月,做過既朋友就會明白。 34000點到達之前,個市應該會相對容易玩。只要揀定一啲「好股」,低就買,高就走下位,低又撈過,配合Short Put,製造時間值收入,贏面就會更高。至於34000點之後,個市未必會即時調頭下跌,可能果陣先係升勢最快、最急既時候。但如果你到時仲係未有錢賺過,你唔會敢入市。要賺大錢,係要喺機會出現之前就準備好。 利申:並未持有以上股票。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 國指是寶藏

另一個市場既寶藏,係國企指數既期權同期貨。   國指,大家可以想像為一隻超大型既國企金融股。股價未必咁易大升,但就好穩陣。估值相當低,市盈率9倍幾,每年派息3厘幾,股價下跌空間有限。   識玩期權,識得點樣自製高息股票既話,呢隻產品超好做。技術好,唔用槓桿,一年要賺做10%以上回報,絕對唔難。 如果用槓桿,回報就照乘上去。識得策略,承受得起風險,可以做。呢個亦都係我現時既重點策略之一。   至於股票,今日又到賭股。低位揸上嚟既朋友,我覺得可以開始食下糊。不過記住,唔好沽哂,點都要留返啲貨,呢個係牛市玩強勢股既竅門,有助令心態平靜。呢樣嘢好重要,心態平靜,賺錢會易好多。   總之,依家最重要既係做啱策略,揀啱股,一步步為自己建立優勢,然後瞄準出年既恒指升浪,大賺特賺。大家good luck。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 震完倉上升,係好事

星期一又要準備錄影,先簡單講一講市況: 1) 上星期既跌市,邊啲股票強,邊啲股票弱,其實都呼之欲出。只要牛市繼續運行,買呢啲股票長揸,回報已經可以相當不俗。 2) 好多人問吉利(0175),講一講。高位出陰燭,低位出陽燭,明顯待變格局,好友、淡友打緊交。簡單講,如果高位可以出到陽燭,可博反彈。但低位再出陰燭,就要小心。但點都好,吉利情況比舜宇(2382)好好多。 3) 今朝恒指示人以弱,但轉頭走勢又轉強,個市就係咁陰濕,但出現呢種情況,對後市嚟講係好事。今日,最勁既係港交所(0388)。但大家要明白,港交所近年做嘢,都係雷聲大,雨點小,升勢通常都不能持續。要睇升,入市要快,唔好等,唔對路就要即走。   今早既震倉,我都話係好事。如果大戶想港股跌,其實以朝早的情況,要推倒大市,絕對不難。但市況於短暫下跌後就回升,某程度上反映了大戶的意圖。之前我仲擔心恒指有可能跌穿28135點,但現在睇嚟,相信機會不大。   不過港股就算升,都不能升得太快。內地想要港股穩步上升,而非急升。北水的流向規模,肯定會配合。策略上,如果大家懂得製造時間值收入,會有著數。   賭股中長線要留意。另一個有轉強跡象的板塊,是內銀股,都值得中長線睇好,短線宜趁低吸納。   港交所(0388)急升,短期可博Long Call,但要小心,呢隻股票升勢通常維持唔耐,出入都要快。港交所最想得到既,係能夠吸引國際資金既優質企業,例如係阿里巴巴、京東、百度。有啲咁勁既股票來港,處於亞洲時區既機構投資者,肯定會擺有錢入嚟,有助港股成交增加。但要佢哋來港,一定唔易。另外,傳有機會嚟上市既企業,當中包括Uber,大家就知個傳聞有幾大可信性。睇好港交所,唔對路要識睇位落車。   利申:並未持有以上提及股票。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 為明年部署

  對於騰訊(0700),投資策略好簡單,低就值得買,直至牛市完結為止。   少少貼士。想買騰訊,但嫌400蚊貴,假如股價落返360-370蚊就唔介意買既話,可以留意一啲中長期價內既期權Short Put。有朋友近日都做咗,如果騰訊股價跌,最大風險就係用370蚊,買入自己選擇數量既貨,再無其他額外嘢。相反,如果騰訊股價上升,2018年6月尾,可以賺到每股51蚊回報。   最大既風險只係買貨,買得起,就唔會好大風險。   視乎大家既風險承受程度,呢個玩法有幾種變著。呢種玩法,好處係,騰訊升固然有錢賺;騰訊股價唔郁,又有錢賺;騰訊股價微跌,都照賺。只要唔好大跌就可以。識得多少少竅門,效果會再做好啲。   至於市況,大升向係升,但大家要預計一樣嘢,升得多會跌返啲,因為唔可以升得太快。簡單啲講,係大漲小回格局。   我自己既策略,總之,就係望住下年大市既高位嚟做。揀啱股,用啱策略,我對明年賺多一年大錢,好有信心。   利申:未並持有以上提及股票。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】#期權短評 有期權,坐貨更容易

  有唔少之前好強勢,股價升到好貴既股票,喺最近個港股既反彈浪,上升既力度都唔夠。呢類股票,最要小心。已經跌得好急既,有2382,2018。有部份內房股,175,情況相對無咁差,但如果持貨唔少,都要留意住。 至於700,2318,逄低就可以買。利用期權,可以買得更低。呢兩隻股票,早前大市反彈,佢哋既資金流入情況非常對辦,中長線仍可睇升。 港股,我信下年仲會有個高位,中長線嚟講,應該未升完。但問題係,就算係咁,我哋都要識得把握先會賺到錢。第一件事,要揀啱股票。第二件事,要坐得穩。 我自己既做法,係用Short Put配合埋股票嚟做。呢幾日,個市升升跌跌,但我啲低位恒指Short Put,盈利一直增加緊。下年3月尾,恒指已經無機會跌到20400點,我既Short Put倉位,基本上只要慢慢等收錢就可以。情況順利的話,大慨1月尾,已經有機會可以用1點平倉,攞返按金。到時先決定再點做。 另外,繼續睇好賭業股。 利申:未並持有以上提及股票。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室