【期權教室】莫家強期權短評 (2016/10/20)

  【#期權短評】 今日想講一件事,聽日隨時停市。 本來個市企穩返,我都諗緊好唔好再加Short Put。但睇返個風,真係好似打得好正,聽日休市機會好大。 我地休,但外圍股市唔會休。 有咩影響?Touchwood,如果美股連跌兩日,星期一返嚟,我哋個市可能會有啲震盪。 既然已經有倉喺手,呢一刻我唔會太急加注。 利申:有騰訊(0700)SP + LC。  

Read more

【期權教室】莫家強期權短評 (2016/10/19)

  【#期權短評】 股票期權有84隻,賺唔賺到錢,好視乎我哋識唔識得揀邊隻嚟做。 做Short Put的話,揀股有兩個重點。第一,隻股票要穩陣;第二,引伸波幅要夠高。呢一刻嘅 #銀河娛樂(0027),我覺得都符合呢兩個要求。 識揀股票期權,賺錢會容易好多。 Short Put 嘅最大風險係要接貨。但係,因為引伸波幅夠高,所以我哋可以將接貨價調到好低。基本上,就算銀河娛樂既股價跌1成,都未到我哋個接貨價,我地都仲有錢賺。 其次,就算接咗貨,我哋仲可以做Short Call,繼續收期權金。 舊生聚會嘅時候講過,以銀河娛樂嘅引伸波幅,一個月後到期嘅期權,做等價Short Call,可以收接貨成本4%嘅期權金。呢個回報絕對唔少。 識玩嘅話,除非銀河娛樂股價一年跌超過3成,否則都可以唔使輸錢。低引伸波幅嘅股票期權,唔會有呢個效果。  

Read more

【期權教室】莫家強期權短評 (2016/10/18)

  【#期權短評】 都講咗個市非常古惑,嚇完你又升返上嚟,之後又可能再穿底嚇你。總之呢啲市,唔好玩太大,有壓力就好易會輸錢。反而細細注,賺錢唔係咁難。 呢一刻,個市仲未完全企穩,指數期權Short Put要學過先好玩。對於初學者,玩股票期權,風險會比較易控制。 今日,攞隻 #銀河娛樂(0027)做例子。 雖然隻股之前跌得好甘,但整體走勢唔差,加上今日有得升,後市表現應該會OK。 加上,期權嘅引伸波幅夠高,呢一點非常重要。 銀河娛樂現價為$30.05。做11月行使價27既Short Put,每手可收$0.40 X 1000 = $400。打和位係$27 – $0.4 = $26.6。 即係話,只要銀河娛樂11月結算嘅時候,股價唔跌穿$26.6都唔使輸錢。就算真係跌穿咗少少,問題都唔係太大,聽日再講。  

Read more

【期權教室】莫家強期權短評 (2016/10/17)

  【#期權短評】 今日恒指已經跌穿上星期四嘅低位,按照計劃,我會等個市再跌多一吓,等引伸波幅抽高,先會揾位入市做Short Put。 好喇,但係個市睇落又唔係太差。如果個市唔跌,仲要升返上去,點算? 的確有呢個可能。大戶呢幾年「古惑」咗好多,有好多次都係一跌穿個底,個市就升返上嚟。 之不過,跌市唔做Short Put,呢個係紀律問題,我一定會守。大家都知道,如果一做Short Put個市就大跌,個情況會有幾麻煩。呢個紀律,令我避過咗好多次危機。 但係,唔做得Short Put,又代表唔做得其他方法睇好。聽日再講有咩可以做。

Read more

【期權教室】莫家強期權短評 (2016/10/14)

  【#期權短評】 今日唔係講今日嘅策略,係講下星期嘅策略。 有唔少朋友問,好唔好先開11月嘅Short Put? 我答最好睇埋下星期一。 今日唔跌,星期一都唔跌,個市就會穩好多。仲有「佢地」有鋪癮,啲大鑊嘢好鍾意喺weekend爆出嚟。所以Short Put我今日就唔會做住。 我個倉最主要有Spread博反彈,有騰訊(0700) SP + LC,但注碼唔大。 但係如果個市再跌,我會大大注博反彈。有一種反彈叫做「報復性反彈」。如果恒指連23000點都跌穿埋,我會等22500點左右,就衝入市。 不過要記住,博,一定要用有限風險嘅策略嚟博。 簡單嚟講,個市企得穩就Short Put,企唔穩就等跌到好驚嘅時候博反彈。  

Read more

【期權教室】莫家強期權短評 (2016/10/13)

  【#期權短評】 覺得跌過龍,可以博反彈。但正如昨日堂上所講,要博,重點係要用「風險有限」嘅策略,否則會好危險。   睇升嘅有限風險策略,有兩種情況下最好用。第一高追升勢;第二逆市撈底。   10月Short Put,肯定仲有錢賺。張數多可以減下磅。張數少唔使驚,可以坐多陣,賺埋啲時間值。10月Short Put夠遠話,唔係重災區。   11月Short Put,我唔建議開住。等引伸波幅升多啲先開,會著數好多。有上堂嘅朋友應該知道爭幾遠。   如果Short Put行使價可以開到18000點以下,贏面就會高好多,要有耐性。  

Read more

【期權教室】莫家強期權短評 (2016/10/12)

  【#期權短評】【期權教室】莫家強期權短評 (2016/10/12) 能夠每一次都睇中市,買中方向,固然係好。但係更加實際嘅做法係學習策略,令自己贏嘅時候贏多多,輸嘅時候輸少少。 睇返上星期五套Spread 嘅情況。   期指跌左486點。   24000 Long Call,買嘅時候係280點,依家86點,輸194點。24800 Short Call,沽嘅時候係65點,依家係13點,賺返42點。   即係總共要輸152點,以一套大權計算,係$7600。   但好處係,呢套Spread係有限風險,就算個市再跌,都已經唔會有太大風險。假如個市真係再跌,SPH就有機會大賺。   今晚舊生聚會,當然會首先回顧一下上個月SPH嘅成績。另外,會講開倉策略,同埋分享一啲有唔少朋友話過想聽嘅期權知識。   今晚見。  

Read more

【期權教室】莫家強期權短評 (2016/10/11)

    【期權教室】莫家強期權短評 (2016/10/11) 【#期權短評】 我成日都講,學玩期權,最少要識做兩種方法。第一種,係賺錢容易嘅方法;第二種,係風險有限又可以賺大錢嘅方法。 – 前者可以確保我哋不論市況好壞,起碼會有錢賺先。 – 9月23日第一次提過嘅20600 Short Put,當時期指係23800點,期權價格係18/19點。就算今日期指跌咗,時間值我哋已經賺咗七成以上。 – 即使市況轉壞,對張Short Put都唔會有咩影響。如無意外,最遲下個星期,期權嘅價格就會跌至1點。睇情況,到時我可能會提早平倉,攞返按金部署11月倉位。 – 第二種方法,可以令到我地面對跌市,都可以輕鬆好多。呢一點非常重要,聽日再講。 –    

Read more

【期權教室】莫家強期權短評 (2016/10/07)

– [#期權短評] 大戶好叻,好識得捉散戶心理。如果個市要升,但係佢地唔想我地參與,佢地就會用「方法」chok 走我哋。 所以,要賺到呢啲大升浪,第一樣我地要做嘅事,就係學習點樣唔好咁易俾人chok 走。 以下介紹一個方法,風險有限,最適合用嚟高位追升。我經常都會用,非常好用。 先係買入24000 Call,280點;再沽出24800 Call,65點。無論如何,個市跌到幾低都好,最多只係會輸(280點 – 65點) = 215點。一套大權的話,即係$10750。計好注碼入市,呢啲情況下,低風險過買正股。 相反個市真係升,結算價去到24800點以上,最多可以賺585點。一套大權的話,可以賺$29250。我覺得相當抵博。 – –

Read more

【期權教室】莫家強期權短評 (2016/10/06)

【期權教室】莫家強期權短評 (2016/10/06)[#期權短評] 我明白有啲朋友會唔鍾意買破頂嘅股票,因為覺得貴。 但係有咁嘅諗法,好多長升長有嘅股票都會買唔到,好易走寶。呢個係一個好大嘅問題。 例如,啱啱又破頂嘅 #友邦(1299),再等低啲先買,未必會買到。 呢啲情況,如果係覺得隻股票係好,就要果斷去追。唔夠膽買都要買,最多買少啲,用注碼控制風險。 另外,可以用期權策略嚟買。早幾日講到,用嚟買 #騰訊(0700)既方法,都可以用友邦身上。 大市仍然未破頂,但整體形勢已經有好轉。買入率先破頂嘅股票,到個市真係出現升勢嘅時候,回報通常會多好多。 其他可用嘅策略,聽日再講。     – –

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室