兩萬幾月入。十年能買三間樓。點計出黎?#1724

Sir 你好! 我係阿康,剛上完買樓收息課上完堂真係獲益良多行少好多冤枉路, 十分感謝! 現有理財問題, 希望你能指點一下。

 

本人庸才一名31歲, 平平穩穩打office工31K,仲有份part-time約5K冇報稅收現金。未婚妻30歲15K月入,我們都可將月入1/3儲起,已訂酒席下年成婚。我地大家儲左118萬。

 

本人現住父母樓(現價298萬已供完) 近年才醒覚要上車買樓結婚, 可恨自己遲起步, 現正留意北區/沙田區想買400萬或以下上車盤結婚自住, 以本人單名九成按30年還.估計買樓連裝修大約60, 之後計劃明年結婚.假設結婚開支能收回平手, 尚剩30萬在手.

 

二人借貸力為$(31200+15000)/2/10000*2.59=5.98M。買完第一宅有意於兩年內擔保未婚妻九成上會買屯門300萬上車盤收租. 兩宅應該用左5.76M借貸力尚剩0.22M。之後希望年年努力儲錢能夠45歲多買一宅(大兩房/三房)以完成一生三宅.

 

想問小弟計劃是否正確? 若第一間樓用未婚妻買,我能否擔保她? 能否計出第一宅何時結欠過半轉出租用變成核實收入? 另外加按父母樓套現放債基收息是否可取? 最後份PARTIME人工對借貸力有幫助嗎?

 

還望諗Sir指點指點

 

ANSWER:

 

呢位讀者對理財認真對待,已做了的,是維持良好儲蓄習慣,三十出頭儲到118萬,加埋九成上會皇牌要上車無難度。當然呢個香港成日有人提住買樓上車好難,就當父母輩都希望為自己教仔不力而掩飾,乖乖地拎錢出黎話很生冇可能儲到首期,老豆負責比天經地義。偏偏呢個讀者加女友平均工資只20k左右,計哂買第一宅及二宅住數比你睇,儲蓄水平只維持月入1/3,仲有錢淨去日本。計佢月月儲15k附近需77個月即6年才完成。惟讀者有parttime收入,可能儲蓄期為5年或更少。

 

當然社會有不幸殘缺者,或工資在全民中位數者,政府已提供70萬餘個公屋加居屋單位比呢批人,覆蓋近香港300萬人口。大家明白香港政府稅率收得低,更年年退一萬幾千比納稅人,收你咁既錢而起樓幫左近半人口,如你再想要求多去加拿大交埋個邊稅率會更理想,去俄羅斯慳返冷氣錢都係個好選擇。筆者已不只一次收過中產人仕來信,講話佢反對用公帑起公屋,叫筆者出下聲。當然,筆者已夠多haters,無謂再亂開心share啦。

 

銀行承認未婚夫妻之間亙相擔保,就當之後唔結婚都應唔會追返你,你可以話此為低息貸款中的一個漏洞,所以讀者係擔保到佢未婚妻既,如佢地準備做一男一女之婚姻。假設第一間樓400萬入手及九成上會,360萬供14k/月,供入去既錢約一半係供緊本既,故一年係還緊7000*12=84000本金。5年後還本已40-50萬,自己又儲15k*60個月 = 90萬,如將本金用作提供還按揭加埋月月供款當中已扣減本金(約7000),360萬結欠會減至220萬,如樓價由400萬血至440萬,那結欠就會少於樓價一半,第一房可轉正出租用途,老婆變成冇自住樓係手又可高成數上會了。另外租出樓房之租金收入*70%可計作桃實收入,如租金有12K/月,讀者核實收入為31K+15K+12K*70% ~ 54K,總借貸力因此提供,可買第二間樓。其實讀者現有110萬儲蓄係手,所以佢可少於5年已夠錢去補轉屋用途。亦即計到與讀者收入近同之夫婦(平均夫婦月入20K附近),若買上車類型供5年就可添第二房,再隔5年就可買第三房,30歲開始到40歲買第三間樓,絕有可能更計埋比你睇。留意若政府日後放寬按揭政府,難度會比今時更低。另外過去10年樓市大升,不少人買樓後2-3年,已可將樓唔補錢轉用途啦。當然真賺到錢。真幾樓在手收租既人,佢唔會同你分享佢點撈到幾張樓契係手。

 

至於父母樓,按幾萬萬出黎利用收息101方法買債基收息可以,慢慢試好再添上去未遲,而家正是實行及買入良好時間。PARTTIME人工點計作核實收入買樓003已教。

 







 

 

 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室