44歲冇積蓄冇樓冇老婆後悔不已! #1703

老師,你好,

 

本人會員編號 15304,

已修畢收息101及103,

機緣巧合下,從YouTube 上認識你,之後在Homeblogger 閱讀很多個案,亦有購買你的著作,大開眼界!([收息論]買唔到,大部分較大型書店冇貨!)

我見很多人的開場白都是與你相逢恨晚⋯⋯

唯過去已成定局,小弟人生上半場完全輸掉,全因太過安於現狀,人工4-5萬,搵到夠洗夠玩夠食就算,冇積蓄冇樓冇老婆,現在後悔不已,

只望人生下半場,唔入波都唔可以再輸!因此懇請老師賜教:

 

以下是我的資料:

個人狀況 : 男性,單身,44歲

家庭狀況:與父親家姐同住北角半山,市值大概2300萬,已供完,我是業主。

職業收入:正職製衣出口行業,洋行類型,屋企生意,公司出糧13000,兼職 uber,收入約20000。(公司生意每況愈下,現在正職與兼職已變成對調位置)

資金:港幣350萬,這是家父年初售賣另一物業後給我的錢。

這亦是家父唯一的另一物業。

 

這筆錢是我的最後注碼,

因此我非常謹慎,暫時還未作出任何投資,只是放在銀行做3個月定期。本人全無投資經驗,

經過堂上學習所得,我計劃2019年作出以下投資,(資金現在銀行定期,到19年初才能動用)

 

首先購買

ANZ bank perpetual 直債,S&P rating AA- , Coupon rate 6.75%

這是澳紐最大銀行,我以往住在紐西蘭,我對這銀行滿有信心。

唔知可不可以用呢條直債,

用堂上所授方法開戶,借出錢購買債基

假如成功,會產出以下收入:

直債:

$200000 x 6.75% = 13500

債基:

$240000 x 6.5% = 15600

利息成本:5040

回報: 13500+15600-5040 = 24060

24060 / 200000 = 12% p.a

 

請老師指點

祝生意興隆,桃李滿門。

 

answer:

唔做投資係唔得,好多人咁講係因為佢要推銷理財產品,而筆者咁講是想比個中肯的意見你。筆者課上不作銷售,用收費模式去提供客觀理財意見,你是否相信此模式閣下自決。惟市面上太多「好心人」,係你不知不覺之下打開你銀包拎走你錢,收左錢仲要扮岳不群咁既清高樣。唔投資唔得之原因,見政府日日印銀紙去解決財務問題,實在攤薄緊你份糧! 生意同行競爭,很多時因不想動腦或冒風險創新,轉而向同行打壓,又係不知不覺咁逼你向下流。新加坡同南韓有借鏡的地方,就是其危機感。當然兩地都有些矯枉過正的例子,本文不贅及。

 

另外有些人希望在網免費找到有用答案,希望「好心人」幫忙。誠然在香港此時差上差的社會氣氛,自己「大贏」又肯免費寫有質文章分享的人數目近零,你大可問問自己會否在網持續在網寫作分享一下? 市面有金融界作家身為團結香港之項目基金的幹事,過往幾年在電視台、報章持續撰文,身邊亦有批寫手為求「埋堆」而寫作一番,希望得到名聲及影響力從而上位,聽落佢地咁講好似唔關你事。但一提及「明日大嶼」填海計劃,你就知睇這些免費資訊其實亦消耗著你的錢,到你老時入政府醫院等番年幾年先有得平醫Cancer,你個陣先明白此消費模式就真係「相逢恨晚」。其實利用媒體去宣揚自己理念冇問題,但如「壇主」同批「食客」大打免費幫人旗號,將自己放在道德高地而求私,咁就真係遺害不淺。

 

講講筆者立場,其實填地同解決居住問題不具大的關係。東涌規劃時想造個住22萬人(即約沙田一半)的城市,但成果只得約六萬六,東涌好多樓冇人住(空置率>10%)。既然阿「東」未攪好你又整壇新野出黎幹什麼? 何不趁現時東涌滿地M巾,擴展東涌商業活動從而提供就業,吸引更多原香港人入去住同做野?

 

讀者年少搵到夠洗夠玩夠食就算,冇積蓄冇樓冇老婆,而家44歲後悔不已。同一道理,筆者奉勸香港勿趁有運時就好大喜功一味洗錢,消費在些只用你錢而唔產出錢的項目。而不花時間建構一些能長時間「養返起你」的項目,例如中藥、科技,影視,教育此等產業,香港市民到老時定必後悔不已。

 

讀者計條數收12%冇問題,收息103後會將利息成本減到比很多人低。惟一些執行上的細節可提醒下:

  1. 係第二度買直債再打入銀行然後去借錢買債基,條文上可以但銀行職員唔會做,原因都係個D啦
  2. 讀者要攪清佢隻ANZ bank直債係咪用澳定紐紙買,又或真係美金版? 總之唔係隻隻直債都係20萬美金入場的,會跟幣種而變的
  3. 債基分三注入比較好,至於三注的時機為何讀者已學了indicator去睇了
  4. 當然讀者福氣厚,手上仲有2300萬既樓未曾加按。佢可以小試牛刀睇睇呢350萬收一年息是否平穩。2019年初執行正可見證用債收息的平穩性
  5. 留意債基或直債派出的息不可隨通賬而升。上述只係第一步,下部要部署買樓收租。租金可隨通賬上升,打破政府用通賬去貶走大家人工之現實。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室