賺到筆錢可點慢慢搣食過世? #1639

諗Sir你好,

 

已看過你Blogger和書中很多案列分析, 亦已報讀收息101(會員編號11XXX), 希望可以加以學習應用, 但與本人同類之案件實屬不多, 故好希望可以聽取你的建議。

本人畢業數年今年26歲, 未婚, 有女朋友.。早年做生意搵到一筆錢,之後生意轉差賣了出去。現租個小地方自己做自己平均每月都仲有3-6萬一個月(市好多d,市差少d), 無收入證明和不用繳稅, 每月開支約23萬元。

 

因為投資市場日新月異故亦唔保證可以做過世, 所以想諗定後路盡快達成財務自由。另外亦想盡快置業, 可以改善家人居住環境和同女友二人世界。

 

以下是本人的資產狀況;

300萬現金,

100萬蟹貨( 1211, 548, 3)

無樓與家人同住

 

心中有一些問題

無收入證明, 買樓full pay是否不智? (家人可再提供100萬協助)

如適合, 應選擇什麼?

有興趣買直債槓桿收息但礙於無入息證明難以實行

人地話優質股長揸必賺,我係咪照揸做蟹?

 

ANSWER:

年輕賺到錢,少部份趁後生有時間用黎買住宅一間等時間過去磨走債務,股票仍照買但要改善方法,要用嬰債及債基而唔好用直債,上述為讀者理財原則。

 

原因一: 可參考股神巴菲特,係CNBC在2017年3月訪問,佢話:「30年樓按是全球最好的投資工具!  他憶述自己在1971年利用30年按揭在加州買渡假屋,當時買入價15萬美元,現值1,100萬美元。他稱當時投入約3萬美元並做按揭,這是他50年來唯一一次做按揭」諗sir黎個解說,股神賺咁多主因唔係間屋升,而係銀紙長時間計貶值得太犀利,你用30年按揭借盡再慢慢還,今時月供$15k就好似股神當年月供幾百銀,十幾廿年後根本唔係咩錢,所以”debt burden will be inflated away”。惟香港生果報曲解了CNBC單訪問,話:「股神叫上車。」只好說香港不少傳媒為了呃個like,不惜引發謾罵、扭轉意思。

【股神叫買樓】畢菲特叫上車

https://hk.finance.appledaily.com/finance/realtime/article/20170307/56395327

 

原因二:  股票易買,但難羸。婚前好多做股票投資決定日後投在股市之比重。如果閣下有天資及心理質素好,那40歲前放50%係股市無妨。差不適合,踏實用樓、債、REITs去理財做人。講下股神,打從2017年尾,佢已被人詬病做乜keep咁多cash而唔買股票,股神投資公司巴郡現持有1700億股票,而同時有1000億係cash! 佢係2018年5月再接受CNBC訪問,佢話:「除非是做愚蠢的事,否則長期持有現金是世上最差的投資,我寧願巴郡只持有大約300億美元現金。」

 

HK01 巴菲特強調︰長期持有現金 是世上最差的投資

https://bit.ly/2Oa5she

 

留意佢只係講長期持有現金係好差,但事實佢由2017年底至5月都成手CASH或極穩既美國國債係手。所以睇人唔係在意人講乜,而係睇清佢做乜。事實亦證明股神5月揸重CASH極之正確! 港股5-7月走勢向下,美股勉強少跌。

 

另外我們用莊博的漁夫系統,去SCAN下讀者持有的(3 煤氣同1211 比亞廸)

 

你見上圖比亞廸已在2018年1月尾已出”止”訊號提示收工,而上年出了”破”訊號叫人留意。咁做令決策更有條理。

 

至於煤氣,跟系統2018年2月已收工。

 

聽日再講決出本文之理財原則之第三個原因。同埋望望548 深高速點處理。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室