【潘家榮】個市越亂 操作越簡約越好

– 今日咁樣跌落黎,我唔認為關敘利亞事,今朝美期仲係高開架,到而家都仲係升
– 可能今日係炒港元hit 7.85,驚走資呢個因素
– 不過係咪消息,有無消息都唔重要,最緊要係個市點樣行啫
– 今日突然跌咁多,當然樣衰啦
– 但係如果個市上星期係升過上31000,如果仲係上星期初果啲位
– 今日喺30300呢啲位置,你又會唔會驚呢?
– 同一個水平,但係當你見到指數單日跌咁多,感覺就會好唔同
– 所以大家唔好太過受單日升跌果個數字所影響,其實而家都仲係喺果啲range入面
– 升既時候乜都唔理係咁揾野買、買爆倉,到跌返落黎又即刻好驚要清貨,咁樣好易俾個市玩死
– 所以都係唔好跟車咁貼,跟返策略做啦,你見我上星期只係加左一成幾貨,而唔係係咁揾野買就知啦
– 個市越亂,操作越簡約越好
– 啲股睇住3月廿幾號附近既低位做止賺止蝕位啦

– 另外有一樣野想講,個市都未落返去4月頭低位,但係隻700已經落返去400蚊
– 好明顯係弱勢啦,大家唔好諗住人人都叫佢做股王,就係唔係都買佢啦




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室