【潘家榮】反思投資心態

– 個市都係差唔多,唔講佢喇,講第二啲話題
– 話說星期二完左講座之後,如常會有啲朋友圍住我問股票
– 當中有位朋友問我一隻582,佢話佢睇CCASS,諗極都唔明係咪轉左貨,叫我開個CCASS幫佢睇
– 我當然無開黎睇啦,我從來都唔係用CCASS黎睇野既
– 跟住佢就話好奇怪,佢從來未見過一個睇細價股唔睇CCASS,係都叫我開個CCASS出黎睇
– 當然我無佢咁好氣啦,我就反問返佢:「咁就算俾你睇到係咪轉左貨,邊個轉左俾邊個,咁又如何?係咪真係知道升跌先?」
– 跟住我再問佢:「妤喇,咁你用睇CCASS呢個方法咁耐喇,你係咪真係贏到錢先?」
– 佢答我:「其實都係得個吉」,我答返佢:「咪係囉」
– 跟住佢即刻補返句:「如果我唔炒呢個,我去做期權輸得仲快呀」

我講呢段小插曲出黎,係想帶出幾個問題,都係好多人會犯既錯誤,希望大家深思一下。

– 係咪平時其他人都係咁樣做既,果樣野就一定係啱?個個都話睇CCASS炒細價股,唔通個個都賺錢咩?
– 首先我唔係想一竹篙打一船人,話睇CCASS一定係唔得,當中可能真係有好多高手靠呢個方法賺左好多錢既
– 但係我想講既point係,既然呢位朋友一直喺呢方面玩黎玩去都係得個吉,點解仲要繼續呢?
– 乜都係假,睇住自己係咪真係賺到錢先最實際
– 你話如果果個方法真係幫佢逐步逐步賺到錢喎,咁緊係繼續鑽研啦
– 但係玩左咁耐都係得個吉,會唔會個方法根本唔work呢?點解仲要繼續用果個形式去睇野呢?
– 好喇,唔咁樣玩,因為玩期權輸得仲多(可能佢有啲好唔愉快既經歷啦)
– 咁樣咪乜都唔好玩囉,打好自己份工囉,點解一定要玩先?
– 呢個世界,唔係話因為另外啲野輸得多啲,呢樣野無輸咁多所以退而求其次所以玩呢樣嘛
– 應該係要,因為呢個方法一直幫我賺到錢,所以我先繼續做
– 正確既心態應該係咁嘛!!!

好喇,你又有無啲咩投資方法,玩左好耐,但係overall都係賺唔到錢,而你又繼續做呢?
大家又不妨諗一諗…..再諗吓,係咪仲係要咁?




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室