醫生都買唔到樓 #1559

諗sir:

 

我係你個忠心讀者,係youtube都有跟開你既教室。

 

本人係公立醫院既醫生,月入9萬,到現在為止有流動資金280萬。家境貧困,父母沒有辦法幫我俾部份首期,但我都想上車置業 。

 

如果搵上車盤,都希望日後可以樓換樓,所以最好上車盤有高升值能力。請問以我現在經濟狀況,可以買那裡的上車盤(有高升值力)?港島原線有無可能呢?

 

ANSWER:

約十年(2009)前有人打上電台問曾特首醫生都買唔起樓,樓價好貴

而家(2018)都係有人來信問筆者醫生買唔起樓,點攪?

 

2009年報導(生果):

任職醫生的聽眾嚴小姐原計劃明年與任職律師的男友置業結婚,她指現時樓價太貴,無力供樓,「樓市應該㩒吓,家樓市連專業人士都冇可能供得起,貴成咁,係咪矯枉過正?」她更道出不少中產人士心聲,「中產冇要求政府做啲乜,自力更生,但係買樓方面,俾大陸人搶貴晒,香港啲人點呢?」她要求當局調整內地人來港的投資政策,保障港人置業權益。

先回應醫生大哥,一間「易入口」的上車盤更要有高升值能力的,就好似想唔想花禮金娶五十中女但又要高生育能力,你咁問係咪玩野先? 定係做手術做到傻左? 記住唔好一路睇諗sir youtube一路做手術。至於上述文字不含性別歧視之意,或物化雌性。如有女仕需要筆者作一段「男版」,請告知筆者,樂意安排。

 

9萬月入之借貸力為90000/10000*50%*2.59 = 1160萬,加上自己現金280萬,假設佢可拎一半出黎做首期,入手600萬樓付20%首期借400餘萬應可上車,即入手600萬樓冇咩困難。至於六百萬BUDGET,侯選佳麗有:將軍澳中心438實呎兩房、堅尼地城嘉輝任選、荃灣愉景新城兩房。僅此免費提供資料比大哥你參閱。

 

至於若認為呢D樓cheap,唔想住? 回應是1. 由於醫生都有分不同經驗及儲蓄年期,確實社會存在不少儲蓄達千萬的醫生去買貴哂d樓。2. 不少人賺錢唔係靠工資,一個人月入十萬不表示在社會上層,因為投資人或老闆無月入之概念。內地人更是「沒有收入」。在內地官階收入與資產數量不對稱是無罪的。

明白現時斷症有電腦扶助,可能入幾個病徵就有藥出,唔使諗。對於一些無既定答案的問題,實在難倒醫生哥。

時興彿系生活,既然筆者今次免費作答,好應大家有來有往,想請教醫生哥以我現在的肥胖狀況,有冇唔運動? 唔食藥? 唔做手術介入的方法? 可以練成低BMI指數身體(有高顏值)?唔節食有無可能呢?

 

有! 當我個仔第時當上飛機師,仍然返屋企唔請我飲茶仲要伸手要首期買樓既時候,筆者就可自然瘦。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室