【潘家榮】想法決定命運

今日兩樣野所講,主要係由一啲新朋友既留言又或者訊息而黎:

1. 一位朋友問我,今日由升轉跌(我估佢係講個市),係咪轉勢?
其實每一日都有機會有啲野令你覺得轉勢,係咪轉勢,無人會知,但我想講既point係,我知道好多散戶都好緊張每日既波幅,單日升得好就覺得好好,單日跌就覺得走晒樣,太過著重短線波幅,只會好容易俾咁被個市舞,同埋當大家將目光放到咁細,就無可能睇到大picture,亦無可能坐到大浪。你試吓兩隻眼睇住個雙筒望遠鏡去行路,你睇下行唔行到去目的地?所以唔好拎住放大鏡去睇市,放遠目光,睇成個大勢,我地睇既係大浪,而唔係短短一兩日既升跌幅。

2. 另外一位朋友又問,1888橫行左半個月,而家向上突破,買唔買得?我答佢上星期五買左啦,跟住佢聽到之後就話即刻走去買,一聽到咁,我就即刻stop佢,唔係話唔買得,但係連止蝕位都唔知,一聽到我話有就乜都唔理去跟,會唔會唔係咁好呢?唔好總係諗住買完一定會贏,唔股票好講值搏率,就算隻股票睇到幾好都好,但係如果睇錯左,一輸就會輸死人,就永遠都唔會係一個好投資。要成為股市贏家,唔係要追求好即食咁,邊隻買得邊隻唔買得,最重要既係你既投資心態,係咪可以令你長期賺到錢。

係咪轉勢,呢隻買唔買得,呢啲問題根本都唔重要,我著緊既係你地既投資心態點樣諗,你既想法決定左你既命運。

筆者為證監會持牌人,其全權委託帳戶的客戶持有建滔積層板(1888)




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室