【潘家榮】個市還在好淡分界線之下 加貨勿太多

上星期三下晝既市評同大家講,當時市場已經有一定既恐慌,所以唔需要再繼續沽貨住,反而叫大家睇住有啲咩股仲係強勢既,到升上去既時候可以加。要留意,今次覺得有機見底,純粹係單憑感覺,見到大陰燭又大成交,係一個股票轉手既跡象,所以我自己都有啲bias想搏一搏,但要知道個市仲係喺好淡分界線之下,呢一刻並唔代表已經安全,所以唔好諗住嬴硬,乜都唔理就瞓身係咁買,點都好,都要諗定萬一呢一次只係跌市既反彈會點?正如星期五所講,最快今日先開始加返啲股票,而事實我亦都有逐步加,但呢一浸我最多都係加到去倉位既一半,唔好加得太多,以免如果個市跌返落去,都唔會太傷,寧願等個市好返晒,而呢一刻買既野都有錢賺,先逐步再加都唔遲。

 

 

有朋友問我而家仲有咩貨?呢條問題真難答,我點都要對我客戶公平,我無理由喺呢度開晒成個倉出黎我有邊幾隻,我買左啲咩架嘛?其實大家睇我平時有咩要申報,都大概知我揸啲乜,只要睇返啲舊post,再keep住跟進住我啲策略,就會知道。或者都可以喺度透露吓少少既,股王騰訊減左一半,仲淨返一半,暫時無意加返,而平保就無減過,止賺位調高至72.25。另外,藍籌股其中一隻最靚既係萬州(288),想買就定8.25止蝕。

 

 

筆者為證監會持牌人,其全權委託帳戶的客戶持有萬州國際(288)、騰訊(700)、中國平安(2318)

 

00個人照-1_1


__01





 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室