【莫家強】期權短評 – 以Short Put減低買貨成本

 

24852487_1280522872094227_1564736566623351547_n

 

大市,整體走勢已經好轉,但大家要預期短期上落仍會較大。買貨,係可以既,但重點係要坐得穩。

昨日講過,如果我係大戶,我會有兩個考量。首先,可以的話,我唔會想啲股價再跌得太低,俾止咗蝕既人咁易買返貨。其次,係我會盡量震走一啲入咗市既投資者,等將來升市出現時,少啲人參與。

港股短線會好chok,但中長線升勢未完,明年仲會有一個高位,恒指應該最少會升至32000點以上。而現時我既著眼點,係點樣可以喺一個理想既位置入貨,坐到出年。之前高位走咗貨,已經令我哋確立咗一定既優勢。如果依家我哋可以再利用Short Put,能以更低成本價買入股票,將來坐貨就可以坐得更穩,賺既錢都會更多。

我自己現時既策略,都係以Short Put加持股為主,用Short Put既時間值收入令買貨成本價一直降低。詳細做法,遲啲講座會講多啲。

至於揀股,大股之中,睇盤路,短期可能以平保(2318)較好。至於騰訊(0700),長遠都唔會有問題,有朋友喺低位做定Short Put先接貨,我都覺得係唔錯既方法。

利申:並無持有以上股票。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室