【潘家榮】識揀股真係好重要架

忠言逆耳,但係我今日好想提醒大家,雖然而家期指升左四百點,曾經升過五百幾點,揸住既強勢股特別係指數果啲都升得好勁,但係大家唔好被勝利沖昏頭腦,升就嫌自己之前買得少,又或者太保守無買到衍生工具而後悔,如果咁易受貪婪與恐懼所影響,就會好容易做錯既決定,要緊記。

要知道指數升緊,但係跌既股票數目有過千隻,唔係一件好事。記唔記得喺上月尾話呢一轉要以指數股為主,背後既理據係咩?唔係因為我叻,估到大戶炒指數唔炒中型股,而係因為個assumption我係驚會行牛三,指數升股唔升,所以買強勢既指數股就一定無死。

今日見到果幾隻指數股係咁升,戶口升之餘,其實我都驚,隱約都聞到啲瘋狂、牛三既味度,至少我今日都擋左好多客問我買咩牛、買咩call……正股都嫌慢…….所以大家冷靜一下先,跟返我地自己既步伐,平常心啦。

P.S. 頭先睇某節目,有人話自己揀股買全年都無得賺,而買指數ETF仲好…….就知識揀股同唔識揀股既分別真係可以好大,所以識揀股真係好重要架

筆者為證監會持牌人

00個人照-1_1



__01





 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室