典型香港窮中產個案 #1413

1

Dear 唸sir

 

本人有以下投資買樓個案期望查詢

 

本人與太太均為35歲,育有兩子(1歲及4歲),兩夫婦月入一樣為$48000(1個月後升為$51000),每月家庭收入約$96000,兩人均從未持有物業,現時大概月儲$30000,持有基金約$500,000、現金約$500,000,現時租住荃灣海濱花園兩房單位,月租$12000。由於有2名兒子,加入各自要供養原生家庭的父母(肯定沒有父蔭供樓^^)因此,家庭負擔均大。

 

本人有兩名兒子加工人,因此購買2房單位長遠而言未能解決住屋需要,因此想購入3房單位,又不想衝入那些120%樓按的風險陷阱。

 

其實本人同齡朋友大多數類似以上狀況,想買3房單位限於600m up 比不起首期,為兒子將來入校考慮又不想搬入元朗天水圍,面臨樓價超高及加息周期擔心一入市不久便下調,因此想請教唸SIR以本人現時狀況應入樓市還是先作其他投資讓本人能購入3房單位?

 

謝謝。Micheal

 

ANSWER:

咁都無辦法啦,月入十萬的家庭家庭負擔均大。其實呢個都係香港實情。所以如你是二十出頭四十未夠,諗住打工改善生活,你睇睇本案讀者就知單靠打工一個收入來源,生活可以有「幾好」? 故改變生活,要想法,及行動力。而唔係留係公司死做。當然尊敬你的職業是重要的,但工餘的時間怎用才決定你的人生。

 

中「加息毒」是一般香港窮中產病徵。睇財經雜誌用「加息毒」加陸生做封面,我除左講恭喜之外,都唔知應該講乜嘢好。

7

讀者都係問「換三房又唔想買」那些老問題,若有如其他人咁爬文,唔需要好似上星期個位爬足350個CASE,其實只消睇20-30個都已免費找到答案。看法一是讀者必需現時置業,樓市如再升上去佢受唔起,必需先單名持一宅去對沖樓市再升風險。看法二是買樓唔需要買三房,可入手較平的兩房收租,計買返間同區麗城一期兩房,500萬有可能有找,收租$13000-14000而供都係14-16K。

 

筆者看法是讀者儲蓄力低,十萬人工到35歲於未使供樓下只儲到100萬,其中原因就係佢選租而唔買囉。佢亦唔需要擔心而家買樓摸頂,因為佢擔心唔黎。而家佢人工咁高但資產值可能仲比下屬少之現象,主因就係輸諗法,人千祈唔好諗賺盡。當年同長實買樓,佢用車送你入馬鞍山食餐自助餐再SELL你,連李生做生意都要出鼓油啦。你又點可以一間樓都唔揸而死等最低位先買呀? 人到買第3-4間樓,到時純投資考慮再估升跌未遲。另一戰線儲下錢,既然佢話自己可以月儲30K,那3年後可再入手三房,到時唔使租啦。當然筆者個案是講步驟,點順暢執行及明白選取要旨需到課堂。

 

至於教仔,最好是身教,其他講完。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室