[潘家榮] 嚴守紀律 方能穩操勝券 (2017/08/30)

30/8/2017 15:20

 

圖00

 

正如尋日所講,唔失守27700都唔駛驚,結果今日咪又係升返晒上黎,而且仲要破晒頂,所以我一直都話,定好策略係非常重要,就算遇到咩突發既情況,我地都可以好冷靜咁去面對。

 

 

今日睇報紙,見到開始有人做統計,話北韓射親飛彈,之後個市都會升,雖然過往數據既情況係咁,但係大家千析唔好信,因為咁樣正正中左我之前所講,一個歸納法既思考錯誤,(可參考前文 https://goo.gl/Xrgiik ),以前射咁多次飛彈都無事,並唔代表以後射飛彈都會無事,所以千析唔好見到一射飛彈,就即刻衝入市,咁樣只要錯一次,就隨時會輸大錢。

 

 

正如我一直所講,所有消息其實都只不過係噪音,最重要係個市自己係想升定想跌,如果個市本身想升,就算射左飛彈,個市都係照升可也,而如果個市係要跌,尋日絕對有條件可以跌多啲,今日亦都可以彈都彈唔起,所以大家要做既,係跟返市場既選擇。

 

 

而家個市又升,啲股又升得好,我知大家近排都賺好多,但係要緊記切忌嬴到心熊,開始唔跟Discipline,明明有野要走,但係諗住「唔緊要啦,等吓可能都會升返呢?」,可能呢排市好佢地最後都係上返黎,但係如果習慣左咁樣做的話,當遇上跌市既時候,就會好容易輸返。所以,啲股升得幾好,你賺左幾多錢都好,咩情況之下都要保持警覺。

 

 

 

最後,因為9月份期指係低水大約一百點,所以原本講既27700呢個位,黎緊係會以9月期指既27600作準。

 

 

潘家榮
元大證券(香港)經紀業務部營業總監

(以上純屬個人分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)





本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室