股票長揸死L緊、港交所無300蚊 #1406

HI 諗sir

已上完買樓001,正上003中。到目前為止,已追看近350個case,實在太有用了。希望上完收息101&103會覺到更多穩健收息之法。無意間發現你個bolg,一睇就知好野!追看左100個case後就立刻報讀了買樓001&003,收息101&103。

本人是97由大陸落來香港的一個屋村仔。家人努力供我讀完大學。我亦逐步發展自己的事業,到今年自己開了公司營運起來。

但感到入行7年來,行業越來越難做,所以想在賺到錢之餘,發揮到錢生錢的力量,希望逐步可以產生更多現金流!

3年前買樓結婚一次過做完!裝修用了差不多30萬!實在不智,新婚夫婦切勿浪費此金錢!現在已有一歲半的囡囡和年尾出世的囝囝,而又不捨出租用了30萬裝修的物業出去。

以下為本人的資料:

 

1

 

  1. 有感樓市將近升盡,會先加按套現現有物業。加按6成,可套0.78M

原有現今1.44M+0.78=2.22M

 

(如果諗sir方法按爆8成,如報4M,可套1.4M,但印花稅已要9萬?律師費要double?是否沒法避免)

 

我的情況按6成好還是按8成好?

 

  1. 打算先逐步投入0.75M到收息101學到的債基疊增收12-15%,即每月7.5K~9K。0.75M投入到債基疊增收20%,即每月12.5K。希望可增加20K的現金流
  2. 留下0.72M在mortgage link備用,收一兩年息,再入手一間4M的收租樓。會多去睇樓,做好準備。

 

請問現時股票市場將近28000點,如重複15年大時代後的跌市,債基會否同樣好傷?

另外,請問以上想法是否正確?如有錯誤,請幫忙指正!thanks, 屋村仔上

 

answer:

在社會越卓越既人,越能與本blog共他個案產生共嗚。久而久之,本blog積聚了一批幹實事既人

 

人總是很易忘記,回應讀者有關15年大時代後的跌市,抽其中一隻債基,其實呢隻就係用黎產出25%的套餐A債基,價格由$113跌至$103(留意唔同幣值有唔同報價),跌幅10%之內。同時間中國銀行股份,$5.4跌至$2.8,差不多無一半(即二合一)。故若不想於下次跌市將你身家分一半出去,就咪重倉或長揸股票。

1A

1B

另外想講2015年的跌市係好「碎料」,2008先叫有料到,不過08好彩只係捱半年,其實情況比沙士易捱好多。而債基A當年2008全年跌2.7%,比起匯豐當年140跌到$40仲要青姐喊住叫$28供股,債券類的投資較有防守性。但要記住,唔係保本。你要保本就轉去睇「新假期」唔好睇「投資blog」,亦要肯定自己錢夠逐蚊洗唔投資都可捱到尾既水平。

 

1C

 

 

對於一些市值高於700萬的樓房,就當行一拆二按爆都要跟舊的第一標準比印花稅。是否值比看自己對cash之渴求。對於本案讀者而言,生意人本生就係要「水」,無論風水上及公司運作上都係。所以咪慳呢幾萬印花稅,最多用信用卡貸款低息借埋佢出黎,若有感跌市黎更應借盡。個市真跌想借都未必可以。律師費唔係double,003堂上已解埋個breakdown同約莫公價多少,幫同學先格價。

 

由於讀者資金不高而做老板缺點是借貸力反比打工仔差一點,故同意先利用手上cash收息固守,等時機有變才出動再買第二間樓,完成老婆老公每人一間之格局。留意不要急於將債基疊增推上收20%年息,投入E餐先收12%,等市跌再現身入手原本收20%之A餐,到時更有收穫。筆者亦已在收息101相授觀察債基出入市之方法。

 

那究竟股票買唔買好? 筆者BLOG往往提出一些較少眾的投資概念,例如買債、買REITs、或買美國ETF。唔講股票主因是香港值得買既公司越見少,有博客話要長揸港交所,話係獨市生意。惟作此論點前先要解好港交所及證監會之權鬥先可以。港交所同意受證券及期貨條例「保護」,暫仍是獨市。不過佢以往是自己搵公司返黎自己批上市,有點人治。另一批人睇唔過眼就搵證監查一查佢,可見於近期證監對上市公司越見辣手。筆者明白港交所終有一日會上$400,不過唔知你到時識唔識放? 同埋等幾耐? 故叫人長揸確實是個永遠唔穿既大話,永遠可以叫你再等下一年。生意有其生命週期,騰訊都一樣。而知道盤生意幾時生死,係老闆或者大股東(可能係、不過又有時唔係)。做小股東既下場,係連開股東會都唔想預你。

1

 

留意,筆者唔係講孫柏文,佢無教開書,佢亦講明3星期時限睇上$300。雖然佢個大明燈好爆(<廣告),於28/7/17吹咩「港交所3星期上$300蚊」到而家無實現。不過仍主要都係談值博,亦唔係叫你「死揸等3舊」。同意孫兄才華橫溢,不過佢有冇心神坐低指點你係另一回事。而家就係連孫兄都會睇錯,你仲將錢訓身入股市,又或將買樓希望寄託於什麼月供股票儲儲儲? 唉唔好啦。容許筆者用小小生意人角度講一句:「股票長揸死L緊。」本案讀者都係老板,你再望望佢寫乜?








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室