睇樓10個TIPS(上) #1400

總訣: 大部份人睇樓都係留意屋內之事,例於水喉出水順唔順? 有冇漏水呀? 地板花唔花咁樣? 惟屋外之事才屬最致命及業主不能改變的,建議睇樓者多加留意。

 

好似筆者有朋友曾租屋予一個懷疑變態佬,佢係窗偷影對面鄰居。最終鄰居係佢個窗裝部cam「反偷影」佢。好不容易才等到懷疑變態佬完約,想另找人再租。惟因鄰居不肯移除窗裝部cam導致再難找到他人租或買,丟空引致損失。就當朋友當面多次同鄰居解釋舊租客已走都不能解困,而該單位不算兇宅,不過如果你買左都幾麻煩。所以屋外之事才往往「致命」,屋內之事只要裝修九成九都可解決。

 

入屋請先走到主廳的窗前,睇睇屋外是否有山墳、嘈吵車聲此等情況。若有露台,請用手將出落台的落地玻璃門打開,看看玻璃門能否好好關上防入水。

 

入屋請走到主廳的另一邊窗(或對流窗),或全部窗都睇睇。望出去搵水渠。留意之前有否爆水喉而整濕外牆的痕跡。因咸水由外牆滲進後會令鋼筋發锈,逼得石屎掉落,而此為不治之症不可去除咸水

 

請問經紀藏在地/牆的水喉怎樣走,沿喉去找有否漏水痕跡。如水喉已收為經外牆走,留意有時外牆業權歸公家所有,咁改建有機會令銀行因發現僭建而唔批樓按。另外亦見過有時水唔係由你條喉出黎,而是鄰居亂改佢間格,一幅原本係龐無事既牆,都可以因對家做左個企缸而漏水

 

水喉如已換過,可走到走廊留意水喉有否換埋由屋走至後樓梯大水喉個段(當然一些新樓既喉而家唔係咁走線)。一般而言屋主有將走廊個段水喉換埋,一來水喉再爆機會低、二來應不會屬一些低質之化粧樓

 

留意屋內之房門會否闊度都一致,不排除有些門改細過而令增空間感。準買家要留意清楚改建會否過份而令按揭不能批出

 

如睇樓個陣落過大雨、或窗(於鋁部份)有水跡,需留意是否窗有滲水跡象。當然窗要打得開都需檢查

 

更小心者,可攜鏡去倒照窗外之外牆石屎有否失修,評估是否窗外要重做防水工程

 

浴缸/企缸是漏水黑點,請沿企缸四周查看水有否滲過牆。至於窗口式冷氣機下方亦屬黑點,要留意有無水跡

 

筆者每星期都有「真。樓盤傳真」的節目播出,會帶大家睇樓一間。至今超22集。下星期會再撰文寫寫有關冷氣、門、間格的一些要注意事項。請到時再換領。

 








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室