[潘家榮] 上升市 錢易賺亦易輸 (2017/07/27)

20170727

 

上升市  錢易賺亦易輸

唔知大家有無試過,當自己有一排嬴得好順,賺左好多錢,但係唔知點解總會做左某啲trade,而令自己輸返,又或者每次個戶口升到接近某一個數,又唔知點解果時就會回頭,一直都上唔到去?我好耐好耐之前,就曾經試過想賺到某一個額,但係每次去到附近就掉頭輸返,上極都上唔到上去。

 

究竟點解會係咁?係咪因為命運使然,令到我地點都賺唔到呢舊錢?

 

緊係唔係啦,喺大家認命之前,其實有無諗過,每當你嬴到飄飄然既時候,你既投資決定會唔會同未賺咁多既時候一樣?會唔會開始覺得,啲錢好容易賺,所以對自己做trade寬鬆左?即係好似明明隻股票正常係要走既,但係你就會覺得有好多buffer 喺手,唔介意睇多陣先;又或者明明隻股呢一刻無signal再加再買,但係因為升左上黎,你又會嫌之前買得少,想再買多啲,所以就唔理咁多買左先算,跟住俾籍口自己:個市咁旺,早啲買無所謂既………..

 

當呢個又睇耐啲,果個又買早啲無所謂,就係因為咁,你果刻用既策略,其實同你之前一直幫你賺錢既策略已經唔同晒,而贏開既策略你唔再跟,輸返轉頭亦都好正常。

 

我明白好多同學覺得最近好易賺錢,但係要緊記,千析唔好被勝利沖昏左頭腦,原先用開既方法一定要跟返。投資最怕就係貪婪與恐懼,大家記得要平常心。

 

 

而近期港股氣勢甚勁,差不多日日都破頂,很多人都磨刀霍霍,準備在這旺市大賺一筆,不斷找股票炒。相反,筆者最近在操作上反而非常他條,並不是無心戀戰,而是要買的貨早便買齊了,現在再需要做的事根本不多,只要坐定定便可以了。

 

很多人會以為當市旺的時候,應該要很忙,每天不停地找一些當炒的股票去炒,才沒有浪費這難得的旺市,可是我一點也不認同。沒錯在市旺的時候,我們每天都很容易找到一些當炒的版塊,可能今天炒內房,明天炒汽車,到後天見資源股落後,又可買些炒一炒,炒個不亦樂乎,每天賺一點,總可累積一些利潤。

 

但是我們不可能有無限金錢,買齊所有想買的股票,就算你本身已揸著一些好股票,一旦它們的升勢稍為喘氣停了下來,而又見到一些落後的股票接力,可能你會選擇沽出手上的股票,而轉炒這些,結果只會是不斷將好股票沽出,換入一些沒那麼好的,以劣幣驅逐良幣,長遠來說絕不會是一件好事,亦很大機會令你走失一隻原本可以幫你大賺的股票。

 

要在股票市場做大嬴家,最重要的是要揀選最好的股票,並且懂得坐大浪,而不是為了些蠅頭小利,不斷炒出炒入,所以大家記緊要抓緊這個宗旨,抵擋其他短線的引誘,好股票要坐定定。

個股方面,港交所(388)最近已轉為強勢,若今天能升穿223.8,中線持有具值博,217元作為止蝕,不跌穿便搏坐一個大浪,相當值搏。

 

 

 

 

我的兩場講座,(26/7) 及 (29/7加開場) 名額已滿,惟八月初檔期亦滿,下期加開場在八月尾, (26/8)[星期六] ,有興趣參加的話,即到 網上填表 。http://homebloggerhk.com/55741/

 

20160314-個人照2

潘家榮
元大證券(香港)經紀業務部營業總監

(以上純屬個人分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室