債市買賣操作入門 #1347

 

諗Sir 你好，本人長期瀏覽你的文章，購買了諗Sir 的著作，獲益良多，亦是收息101 舊生，最近遇到難題，望諗Sir 指點。

 

本人情況如下，

 

現金 530萬

股票 50萬

外幣 20 萬

 

車位租金(沒有按揭) 收入 3,500

 

3房單區單位(市值大約980萬，按揭490萬, 已借盡50%，30年) 租金收入 23,000 (供款每月14,000)

 

自住2房單位 (市值大約950萬, 按揭460萬, 未過罰息期，30年)  (供款每月13,000)

 

夫婦(穩定固定收入) 二人共 200,000

 

平均每月支出(連供養父母,供2間樓,稅項,工作開支) 130,000

 

年儲 120 萬

 

本人上過貴收息班101，有認真去研究債券，亦去過銀行同證券行查詢，唯發覺操作上有些困難，問題如下，

 

1. 銀行可提供債券雖然已經不少，但其回報一般不過3.5%
2. 如選擇回報1-2%較短年期，扣1% 手續費，叠增一倍以上，H+1.4%息，回報其實有可能會倒蝕，尤其在第一年已經扣手續費。
3. 在美國有機會加息的預期下，萬一息差再收窄，第2點更有可能發生。
4. 證券行，較為高回報(如YTM 5%) 債券選擇可能會多一些，但問題係好多都要證明達PI 級數，還有他們按息較銀行更高(2-3%), 息差不高下，操作不易。

 

縱合以上原因，短年期(3-4年)有資金流動，要有10%回報，似乎我還未掌握得到，在未有把握前不敢輕舉妄動。

 

其實本人目標每月額外大概8萬被動收入，望十年內財務自由，望諗Sir 賜教。

死板人 上

 

ANSWER:

呢幾個星期發問的朋友較多，基本上非學生既朋友免問啦，始終課金先行是硬道理。就當筆者唔需要收入，都要出糧予一批在剪片及應付查詢既同事。收息101課程已收緊第44班次。成功將不少朋友從銀行血泊中、或股市迷陣中拯救出來。當然明白有些聰明人，對筆者的收息方法是不屑一顧的。只好說筆者行到今日「未穿未爛」，主要都係承認自己蠢，同埋肯用半杯水的心態學習。對於典型提問例如:「加息令債市下跌」…又或「槓桿後CALL MARGIN會CALL到你死」，呢D問題係上星期出席某銀行的免費講座已回應。這些顯淺事可在免費講座中回答，有用的才在堂上面授。亦同意在銀行面向大眾，所授的一般是淺白概念，唔會有深入事情學到，筆者亦將講座收益作了捐獻。

債券與股票不同於債券沒有中央交易所，收費不劃一而流通量不明。股市看似很透明，但敢講入去人多但贏錢走既人少，這亦是為什麼有少數人願意提供便利予廣大民眾參與股市吧。不少人去銀行問債券而不得其果，在於呢盤生意無得做。銀行唔係「唔識」而係「唔講」，所以你問一世都得唔到答案。唔好彩更會被人「誘拐」你的原意而指你去買錯產品，在你傷口上再補一刀。筆者希望能在市場抽離一群有質素的學生，遠離銀行以佣金維持員工收入的營運模式，行一條真係為自己筆錢出發既路。

 

去證券行買債會好一點，但不少買家要達到PI(Professional Investor ，專業投資者 cat.2， 簡稱:個人專投)類別才能售予。敢講在A證券行要求買呢隻債要PI的時候、B證券行係唔需要的。那…為什麼咁不統一…專業投資者的定義不是按<證券及期貨條例>訂的麼? 背後原因是不少證券行見該債券風險較高，或近日價位跌至吸引水平(那當然近日該發行人有些不利事件)，便推「PI牌」出黎卸責。因專業投資者在港投資，不受<證券及期貨條例>保障，沒投資者賠償基金，要投訴自己請律師去法庭，成交後是否發出收據予客戶，亦可豁免。在客戶訂立授權書比經紀幫佢炒野呢件事，都管等很寬鬆。所以一旦想留貨比自己人而要耍走個客、又或真係擔心條債仲會跌而想賣後免責，對於證券行而言只賣比「磚頭」(PI)就最好了。如客人有心想買，其實話比一個單邊經紀聽你耍買咩，叫佢幫你去SOURCE下仲好。單邊經紀會告知你邊間機構可以就咁做，邊間要「磚頭」(PI)先買到，而個開價又分別係點。趁此機會同大家深化下而家落場買債是什麼回事。

 

當然同意有些證券行真係覺得條債風險高，唔想賣，這也無可厚非。作為投資人，一定要學懂些indicator去辦識債券發行人未來之倒閉風險有幾大，先好入場。

 

至於直債，有MARGIN的，叫做槓桿。而債基係叫疊增，兩件事動作唔同，call margin之機制都唔同。如讀者仍未攪清直債與債基的分別，不如跟甘比去入隻恆大派9.5%息的債券吧，不槓桿就好，唔好咁複雜。當然此為在過去三月份於報紙上的時事作陳述，不構成投資意見。

 

上圖: 收息學生完成課程及實行後留言

 

有感讀者仍下不了手是心理問題，與早年電視台訪問「牙醫阿哥想買太古城上車，但成世都買唔到」的情況近似。即係讀者一心想搵條直債又10%一年而又到期保本加上發行人要渣打/匯豐咁穩陣的，咁攪梗係有排都未買到。等同你咩樓都唔買只想要太古城上車，唔計父幹，咁真係要你勁叻仔先得! 係過去2-3年債市升多跌少，筆者早年提及過的一些債券已經價升了不少，而家DV44班次既學生，話佢地收穫與DV01學生相比一樣就肯定無可能。何況筆者就應該沒提及過有3年期到期而又穩陣的直債可以槓至10%。有提過匯豐直債，不應槓埋都應只係約8%，而年期是3個倍數。內房可以短又做到10%，但當然無咁穩陣。

 

所以請勿將閣下的夢想交比筆者，而同學一般完成課程後會做到的，就是於下個月開始穩穩陣陣買少少收息，請看上圖有些學生都已經收緊15%息了。細碼少少投於債基是好開始，讀者亦可考慮由10萬開始，將投資組合由細變大。因為債基進出客易，慢慢由細銀碼加上去唔難，到有一定信心先再疊增至收15-20%都可以，唔駛一開始就槓桿。留意筆者無產品賣，所以先會指出「先買少少」的想法。至於直債是20萬美金起首的投資物，就當讀者有約500萬資金，放在債市都係「小船一艘」。先運用些債基，再等等市況，找1-2條直債吧。

**諗Sir收息101課程　即付即可網上學習第一至六堂**

※只接受修畢「收息101」的學員報名，本課程不對外開放！※

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330