人工低先至要買樓理財 #1343

諗sir

 

我見過你好多case

 

個個都有好強既儲錢能力

 

但我自己就讀書少,由 1997年開始工作至現在2017年,都儲唔到五十萬,實是慚愧

 

當年,1998年時,樓市低位,政府推出租者置其屋計劃,媽媽叫我供回自己住緊的公屋,

 

於是便向政府買及向銀行貸款,當吋樓价只是 $198,000

我便做了二十五年的按揭

 

由高息供到低息,每個月供 $1400左右

 

到了,2016年,我細佬則用了十万元供斷個貸款

 

但在 2012 年時,我細佬用左我名向兩間銀行分別借了大約十万元的 P Loan

 

現在我才知當時佢用了這些錢在大陸買樓,

 

當然,之後係放租及在升值了後出售,而賺價啦

 

而你,2014年,又与我丈夫合資在深水埗買入一物業,物業在深水埗地鐵站則,真是十分方便,行一分鐘就到,但估不到個物業的升幅這麼少,當時要用290萬買入,現值 四百萬,

 

而我和丈夫住的維景灣畔只是低層一樓,買入時475万,近日估價估到660萬,也升了 185萬,所以想出售深水埗的單位

 

我細佬當吋拿一百二十万,而我丈夫則拿一百五十万,仲有三十万是我細佬叫我丈夫借給他,湊夠一百五十萬的,  就在將來的租金收入中還反個三十万,深水埗的物業就用我細佬單名持有的

 

我細佬還用呢個深水埗的物業,唔知佢點做,亦唔知佢有冇做按揭,買左一個深水埗商場的鋪位

 

因此,我亦層問過銀行,可否將公屋做再按揭問銀行借到資金呢?可是銀行回覆,他們不做公屋的,再問什么兄弟公司借,都只可借十万,所以,我冇借.

 

而現在亦過了三年退制賣樓的時間,現樓价值 400-430萬,

 

我細佬就唔想賣,佢話出售要卑17%利得稅給政府,但我打去稅局問過 : 未必一定要卑的,糸 depend on 稅局覺得你賣樓的動機,稅局會俾張問卷你填,填完由稅局決定業主是否要卑?該稅

 

請問好唔好將深水埗物業出售呢?

 

我丈夫拿回自己的資金後,大約有220萬,然後,用反我個名在其他區買過一層,自己供反呢 !

 

我 39歲,月入16000

我丈夫45歲,月入39000

有一子,6歲

 

我的基本開支是供保險 10000元每月,股票十萬,供mpf公務員

 

丈夫開支23000元每月(已包括供樓),佢仲有股票二十萬,基金五十萬,長糧公務員

 

打算用我名買,然後出租,還是原封不動照將深水埗出租,租金和我細佬分,可免洗其他厘印,律師,agent等洗費呢

 

諗sir,

其實,

我人工甘低,我有諗過都系唔好買啦,但我在想如果系放租的話,有租客為我供,甘,我人工低其實都唔關事,所以諗了很久,唔知點,真系要請教你

 

 

ANSWER:

呢篇文頗有趣,有點像「親子王國」討論區的留言,筆者亦此平時花了更多時間去理解讀者想表達什麼。對於讀者已達的人生階段,實不再用花時間改變什麼想法和思考。惟看倌若是年青朋友,好應想想如遇上貴人,究竟人地會花幾多時間去理解你的說話。至於筆者已將未答個案排好,今日排到呢個,就算難睇都唔會放棄。更估計讀者平時係網上留言只1-2句,今次咁俾面寫一大段,那照應好去回答。

 

讀書多少同賺錢多少,無一定關係,而家比往時更見唔到呢個關係。按讀者所言,佢都只不過係1978年出世,大把睇呢個blog既人年長過佢。雖然各人家境唔同,不過該時代長大的小朋友大都不需要面對無錢交學費、又或阿女被逼輟學去賺錢供阿哥讀書呢味野架啦。

 

另一件事留意: 讀者講咁多物業,好似只係得間公屋係佢自己名。維景灣畔讀者只交待了佢係同老公住,但唔知係聯名定單名。

 

至於維景灣畔買最低一層,只可以係跌市等住跳價沽都無人接呢個現實。唔係講某屋苑,而係任何樓都唔應該買最低層。不過,讀者離執好維景灣畔呢件事仲好遙遠,佢都係先搞好bb班先。

 

關於讀者同佢細佬加埋佢老公既計劃,就想賣左深水埗物業再搵讀者單名買,惟因讀者已有公屋,再買第二間樓要比15%重稅,未計佣金雜項,若以三個人為一體想法,賣樓就是不必。加上讀者人工唔高,利用銀行做靠山再脅持租客幫佢家庭儲錢,就係最好理財策略。

 

人工高反而唔駛點買樓,人工低先至要買樓去理財,這確是筆者想法。因為買樓可助業主利用30年長按揭工具去單邊睇銀紙長眨呢件事,達到讀者1997年左右20萬買左間公屋,今日值400萬此效果。留意香港經濟或人工都冇升值20倍,而係銀紙唔見洗20倍。

 

但用讀者個人角度去諗,賣深水埗物業就是好做法。既然有人比錢用自己單名買樓,那就算要比稅都無妨。這些事情讀者要學好基本功再作分析會更有效果。人對錢財事,唔可以唔理,亦有一些事不能不著緊。做事不認真,社會自然會對你作出懲罰。

 

補充說明: 一區樓市上升又或另一區跑慢,都有其道理。邊區跑先,唔係估估下,根本有數據。當然你去買海之戀,經紀梗係會比正確而又偏向一方的資料你睇啦。

 

人工萬六,每月供一萬保險,都係搞笑。不過照顧唔到咁多啦,就算名醫都唔可以一次搞好幾個病徵。筆者庸醫一位,聽唔入耳當講笑可以。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室