解釋香港樓市五常問 #1328

諗sir 你好!

 

本人現有兩橦物業(一個係我名), 一個係大埔明雅苑(已補地價供完, 估賣到4M),一個係元朗尚悅(還欠3.3M,每月供大概$14k, 應該估賣到4.8M)。因為小朋友讀書緣故,考慮緊搬紅磡,心儀海濱南岸三房。大概8M。 家庭收入大概$60-70k。

 

想請問若果有自住加投資原素,應否賣灑兩間新界樓而搬去紅磡?但又擔心由兩層樓變一層好似不太有投資價值…而且稅佣雜費等太貴, 但新界樓又升幅不大。想問有無咩好提議?

 

一家四口的主要收入來源的我

 

ANSWER:

對讀者提出的暫未有一項同意,希望其他高手賜教。筆者謹回覆如下:

 

新界樓升幅不大?

回答:  實情是新界樓升幅最高。已經在網提過不只一次。當然想精進一點? 分18區再睇埋單位類型去認識樓市是必要的

 

  2007年4月30日(點) 2017年4月30日(點)
中原城市指數 – 港島 61 166 (10年升172%)
中原城市指數 – 九龍 53 153(10年升188%)
中原城市指數 – 新界東 53 166(10年升213%)
中原城市指數 – 新界西 41 139(10年升239%)

 

一個係大埔明雅苑?

回答:  居屋主要是免地價去提供住處予經濟能力未足的人,由於內籠平實加上印象唔夠富貴,有錢人唔會住令呎價長線跑慢(當然短線好似兆康咁試過2012年跑贏附近地區)。看倌可以覺得說話難聽,但若論呎價輸贏? 實情就係咁。何況不少人上流之前,都係居屋居住。資助房政策本身係幫到人,你個人點睇又另一回事。正因如此,讀者趁公營房屋供應高潮前好甩左間老居佢。

 

一個係元朗尚悅?

回答:  元朗市,一向唔睇好。18區供應之首。未計橫洲對佢影響。就算做劏房,都有更平價既豬棚地鐵皮屋去頂爛市。讀者供緊14K,係樓市上升期望可供租相抵,但遇上大跌市,究竟有幾慘? 估計結果係: 慘過「沙士嘉湖」。

1

若果有自住加投資原素,應否賣灑兩間新界樓而搬去紅磡?

其實買樓就係一個投資加自住既行為。清晰些少,應修正為「投資加消費」的行為,而租樓就係純消費行為。所以星期日就唔使問:「究竟母親節此女性為主角的節目,應該出街食定屋企叫外賣呢?」點都好,要比低個建議,就係先賣明雅苑,過左SSD再丟埋尚悅,得約5.5MIL。夫婦男一間女一間,各取120萬作30%苜期買400餘萬大屋苑兩房收租。淨低金額300萬去買債基收息去補貼租三房的租金。300萬收息8%,已一年收24萬,夠佢係外邊租三房啦。

 

心儀海濱南岸三房?

回答:  海濱南岸(Harbour Place),是香港一個私人屋苑,位於九龍紅磡灣愛景街8號,於2008年5月入伙。屋苑原本是私人參建的政府居者有其屋項目紅灣半島(Hunghom Peninsula)。唯政府宣佈停售居屋後,將紅灣半島業權賣回參與發展項目的地產發展商新鴻基地產,屋苑共有7幢樓高約35層的住宅樓宇
1A

奈何過去兩年更舊既黃埔花園升得好過2000年後既海濱南岸。已經話明係「岸男濱海」,讀者仲要試? 一家四口,錢財事好應有造詣啦。

 

稅佣雜費等太貴?

回答: 師奶/寡佬買樓睇雜費、常人買樓睇升勢








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室