兩個月就可令樓價跌五成之方法 #1319

 

陳茂波升遷做司長,智慧定必有所提升。長官門經常外遊,肯定知道廣東恩平同日本溫泉究竟爭幾遠。差別不在大細,而係於內地浸溫泉,一路浸一邊擔心皮膚發炎。於內地玩機動遊戲,最刺激不在機動遊戲本身。當然近年香港多了新類型案件,如去泳池會被盜取信用卡,這或許是粵港一體化所帶出之產物。惟我們不深究個別案件是由那一幫人作為,旨作提出香港的治安水平,比內地或世界上很多地方好了不只一截。至於局長早在訪問已表明從小就很有上進心,今次「大灣區融合理論」+「恩平溫泉論」深受各界抨擊,對表明自己忠精愛國又有進益。家陣想要出名上位,唔介意做箭靶填補眾網民於免費瀏覽時所感空虛,其實還是有個做法。

 

至於「大灣區融合理論」用黎做研究呃下經費或者開個局就可以,真係要「融」很看商業機構是否支持。筆者看法是香港的名聲及香港銀髮族的錢正不斷被看中及提取,年輕一群再係度亂叫無作為,不出十年就會被邊緣化。香港班老野被榨乾同淨,見於:

 

  1. 父幹論廣被合理化,不少地道老人家為兒子將積蓄投於高價樓市,下次金融風暴再臨又有一批財富被挖去。呢件事基本上肯定會發生,從前是美國舞高弄低美元剪羊毛,今次是香港樓價下跌,一批中產港爸爸被剪毛

 

  1. 你話港樓大跌內地都唔見得有幾好? 惟投資之精粹在於跌市時邊個最有實力。你見筆者自己好少寫文同你追逐價升價跌,只強調買樓前需計好借貸力,量度用掉多少,點解呢?

 

  1. 香港另一樣被嚴重透支的是信譽。係由內地人講比筆者知,香港究竟有那間藥房專賣假藥,而由內地人開設的。其實只要理順近年的零團費導遊打人模式,已可得知此產業鏈經已形成,與其攪什麼美食車? 不如打理好旅遊業先啦

 

  1. 商業頭腦永遠轉得最快,incentive足夠推動佢地思考。香港政府傾唔到係內地借地,不過圓玄學院已經幫你傾好左,見下圖係香港圓玄學院買個牌位,即送內地一個龕位,那就是透支了香港的brand,再加銀髮族的錢,然後賣內地既「地」

15

  1. 香港人,競爭力不夠而被排擠去內地,是必然。筆者都係香港出世,當然唔想見到呢件事發生。由小學happy到九七年炒閃卡加上「他媽哥池」,實在是美好回憶想後代同我地一齊共享。不過世界唔係由諗sir話事,又或歷史洪流連國家主席都阻唔住。香港變美好之餘主人都要換,老人輩既舊人死後屍骨被移居內地,活人於生時就被逼返回內地

 

  1. 計好借貸力再買樓、及保守的買債,是自認蠢人自保財富的最佳模式。近年湧現太多人免費比股票number,太多人只要你比$98蚊就包飲包食請你去睇樓,十足李嘉誠當初sell馬鞍山樓請埋你入去食buffet一樣。話左貪心既人格局細,最尾係會輸到突。

 

  1. 有能力既人當然除港樓外可投資海外,打散集中投資香港的風險

 

  1. 唔排除香港陽宅炒完,陰宅都炒起。據有線新聞報導內地係唔可以用在生人仕名義係死前炒陰宅,杜絕「陰宅期貨」。不過香港可以! 所以香港同內地,因法則有異令陽人既樓炒到不平衡,死人既樓都炒到不平衡
  2. 同一招,可用於內地發展商買左香港既地,究竟點促銷埋內地既樓

 

  1. 香港的法治、信譽都係留比有能力既人。所以別活在福中不知福。香港點解樓咁貴? 真係你同我都有份造成。想樓價跌? 筆者唔可以鼓勵你拎個炸彈放係某車廂內點燃。炸三次? 保證樓價跌。當年一個色魔已令人唔敢去屯門。你無炸? 就係咪表示你有幫手託起樓價?








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室