^^【期權短評】莫家強期權短評 (2017/02/20)

 

#期權短評

「如果我對個市無乜睇法,咁又有無嘢可以做?」+ 【期權初哥聚會 】

首先,呢一刻恒指期權既引伸波幅好低,特別係即月,低得非常緊要,即係話啲期權非常便宜。呢啲情況下,我一定會建議大家做Long-side策略,即係Long Call或者Long Put,以小博大。

 

如果對個市既方向無乜特別睇法,可以同時做哂Long Call、Long Put。依家做,我覺得值博率唔錯。做法係,同時買入行使價24000點Call、Put,Call要199點,Put要111點,兩邊加埋即係310點。呢個策略,無論指數升定跌都可以賺到錢。總之,個指數愈偏離24000點就愈好。

 

下星期一結算,如果到時結算價升去到24500點,Put會輸哂,但Call會變成500點,減去310點成本,即係賺190點,回報率61.3%。同樣地,如果結算價跌到去23500點,Call會輸哂,但Put會變成500點,減去310點成本,都係賺190點。

 

仲有一個星期時間,上落500點我覺得機會都大。

 

理論上,呢個策略既最大虧損係310點。不過,有方法可以令風險減低,聽日再講。

 

 

風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室