近排有多宗拆售，除了長實雍澄軒拆售外，銅鑼灣地帶商場又攪拆售，連同荃灣地王廣場上年尾分拆賣比散客，近一季數得出的分拆買賣都有四五單。拆售之成因，在於人對磚頭物業願意付之底價提高了，好似而家買間住宅都要「坐底」三百萬，如果地政署批准，你將間舊樓細三房(可能建築面積約六百幾呎)拆做兩間細單位賣，每間賣到二百幾萬一D都唔奇，收番六百萬比你就咁一間沽出所得更多。當然住宅樓冇得咁做，唔使諗。
拆售對市場之啟示，為一般大業主對升市將盡，或擁有對自身本業盈利不樂觀既諗法。升市將盡一點好簡單，等於你睇個市升到盡將自己間屋賣走一樣，只不過人地張契可以拆而你間自住樓冇，拆售可以將價錢賣得更盡! 但當然要有資深既老SALES怒SELL啦! 公司將旗下物業拆售亦可為公司估價有效提升，及增強現金流之辦法。例如原本物業估價十億，拆售後如部份單位賣得貴左，估值即可上升，集團唔使做而年尾盤數又可以名正言順執靚左! 最抵錫係有現金回流，更可利用剩餘未賣單位做抵押，借番幾個億。屋可以拆、酒店可以拆、公司都可以拆。小小超最叻就係呢「家」野。七國咁亂時有「法家」、華仔做戲扮過「墨家」、現金財團就成班「拆家」。
當然有此現象不只是業主主導，亦有需求主導的。香港大把人係樓賺到幾百個，用筆錢黎買番另一間住宅又有SSD縛三年，倒不如SELL佢買番間商鋪工廈，唔使浪費AGENT個客冇野做，又可以係政府出猛招時養住班伙計。相信黎緊一年，不斷有拆招出，記得九七年有幾個細商場(如: 深X都)賣完之後買家發現貨不對辦嗎? 貨不對辦係一個問題，而旺市近尾出現拆售潮亦是另一個模式。升市唔會話就完，但你要為下行市或震撼市作準備。
另外又有人問雍澄軒「摸貨」賺到錢既單位使唔使交稅? 其實物業買賣賺錢應否交稅需看此是否定義為商業活動，