政府房策之短評及建議(2/3)

->>按此到上回文章

 

上回講到政府與地產商之對奕以反面收場,恐怕絕非大家之福。咁要樓市降溫除左一系列發展商唔受歡迎既措施外,有冇其他地方可以做呢令施政報告不再新瓶舊酒。

其實關於深圳前海發展都同大家有關,現時多放在報紙A10版。前海其一重大政策,在於當地發債機構有望將所集資金直接轉回國內,現時在外匯管制下,這是不允許的。咁對你有咩關係在於很多商機都由此而來,眾所周知國內借貸利率極高,9厘年息借錢都大把人要。一旦前海可向香港集資,國外既錢可經香港回流國內帳,另外在港用5厘同大家集資都可以至少用9厘在國內借出,當中息差之大而衍生出之利益,實在可「二次」咁再推動香港經濟。

當然有好處時亦有壞,一旦港人熱衷此息差會令香港經濟生態和大陸接軌,推高利息而不利樓市。由於前海換回大陸既資金可會設額度,中國政府更可借比間接調控香港經濟,令香港自82年將息率政策半數交比美國後,而家又「雜溝」一半比中國,當中之微妙可吸引不少大學教授黎研究。講返正題,諗樣認為社會上有不少舉「港英旗」者憂慮香港會比大陸同化實可理解,因差不多全香港人都有共同語言,就係國內有些惡習真係令人看不過眼。但時代之巨輪是不可逆轉的四十年前國內大批人湧到香港,帶來金錢同勞動力,令大家享受左黃金廿年。現時同胞帶住錢同小朋友名正言順咁過關黎買野讀書,你夾硬阻住佢似乎唔你係解難之常理,應借力打力,令香港更上一層樓。

政府不斷講樓房需求是剛性的,要由供應著手解決問題。但有否諗過由需求處解決呢? 咁唔通叫人唔好結婚唔好生仔咩?? 當然唔係。而係香港有部份人根本唔使住係香港既,或可提供誘因令佢地撤離香港。首先由靈活多變既打工一族著手,政府可將屯門工業區發展成深圳前海發展區之接口。其實你而家去屯門睇下,周圍都係同胞,黎緊仲要係屯門開「勞力士」! 大部份人都係珠江口兩岸黎既,因為有左深圳灣大橋,由國內黎屯門都係15-30分鐘。反轉咁睇,有冇可能令港人可以係香港搵錢深圳使呢? 深圳物價當然在攀升中,但講到底都係基層員工三千蚊一個月,同香港有段距離。況且係深圳灣口岸(即蛇口附近)住,返屯門元朗都係半個鐘以內既事,小朋友返學同而家路程差不多,當然要過關比之前複雜一點。不過想到返工近左,間屋大左,銀紙見使左,其實現時已有不少港人回流國內。此事之成在於政府要提供近邊境工作職位,令市中心樓宇需求減低

觀乎四周屯門可作比舉試點。新界西一帶均是工作職位少為人詬病,何不承深圳發展前海之勢,將新西與深圳融合咁樣新界西咪再唔係處於港地圖既邊緣,成日要比交通津貼資助居民返中環返工囉。屯門更有西鐵與沿線尖沙咀紅磡接上,亦有現成但產出率不高既工業區,位處在屯門西鐵站旁。一旦金融機構率先在屯門成立辦事處,由屯門搭西鐵返奧運站或中環,都係45分鐘到步。所以政府應好好利用屯門工業村之地,村內其一大地主為田家炳,相信以佢九十之齡加上平時熱衷於國內建校之善舉,政府同佢傾應該唔難。另外一個可發展當然係上水工業區,而家已經有不少國內人在區內工廈半倉半鋪。

諗樣明白呢個係「慢」措施,見效都要5年,到時咩世界都唔知。下篇再提另一「快」建議。請bookmark本網以留意。

 

->>按此看下集

Comments are closed.

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top