冇耐之前股神巴菲特高調批評對沖基金的表現和收費。上週我身在大陸，《香港01》的記者朋友都打嚟同我就呢個主題做咗個電話訪問。入面有些問題我覺得頗為有趣，值得節錄重溫。
首先好多人都會覺得好奇，新興市場唔掂好耐，commodities之前沉淪已久，會否令對沖基金可選擇的投資類別減少？
其實，上週三剛有單新聞，話今年3月份所有主要對沖基金策略都錄得收益，而其中新興市場對沖基金表現最佳，回報率為5.85%。 權威性的HFRI新興市場指數（HFRI Emerging Markets Index）亦增長6.9%，是自2009年5月以後業績表現最為強勁的一個月，且抵銷咗1月份的虧損，使EM類表現年度業績扭虧為盈，錄得年初至今增長0.8%。由這些數據看，新興市場現時其實未必算不景
而且，就算新興市場的經濟發展近五年來都困阻重重，但基金似乎每年都可以找到一個新的EM主題來炒作。譬如12,13年的泰國和印尼，14年有印度，上年頭俄羅斯，今年頭巴西。所以，相關對沖基金未必會覺得新興市場不景，也未必會僅僅因為呢個原因而覺得投資類別減少。
再者，與退休基金及其他共同基金不同，對沖基金經理的投資方法以靈活、自主度高、及不受（或較少受）條例束縛而著稱。未必理會佢號稱的Stlye限制
好似有隻fund叫Asian special situations fund, 「special situations」即係特殊事件投資策略，乃事件驅動策略(event driven)的一個細分，通常在一家公司的股權結構產生變化時發生，涉及到併購、回購和增發（placement）。在2013年第三第四季時，及14年第一到第三季時，恆指受一眾鬼佬基金追捧，跑得幾靚。然而照道理講，恆指幾靚仔都好，都唔係好關「special situations」事，但點知呢隻基金在嗰段時間內大比重持倉在大藍籌。消息傳出之後，此基金俾一眾財經專欄作家笑到面黃。但對沖基金自由度高，在操作上靈活自主，佢賺到錢咪得，無可厚非啊。
再好似CTA （Commodities trading advisors）類的商品期貨投資基金，個名入面有個commodities，最早係專搞大宗商品的，譬如粟米、大豆、豬腩肉之類。但而家咩嘢都做，商品、股票指數、債券、外匯，只能流動性高就做，而且此類對沖基金的交易多數以trend following為主。
金融風暴期間，全球各資產類別皆大跌，但由於CTA類基金大多數是做趨勢交易的，所以在大跌市中反而賺到錢，在當時滿目蒼夷的環境下成功突圍。 因為其08年的出色表現，故CTA類對沖基金的數量在09-11年期間大增，流入CTA的資金也大幅增加。最多時，CTA類基金的AUM佔了成個對沖基金界的15%有多。但由12年到現在，整個類別又再陷低迷，若干CTA基金做唔掂執笠，資金亦持續流出。
由呢兩個例子可以見到，對沖基金在投資選擇方面自由度極高，唔會俾太多拘束自己。當有一個或幾個新主題跑出的時候，成群的對沖基金都會擁過去，而當個主題勢微之後，又會擁過去第二個主題。CTA類係咁，舊時代在對沖基金界佔絕對主導的環球宏觀（global macro）類都係咁。一度唔得，實有第二度擺錢，呢個係個輪轉的過程，其實唔需要係太擔心對沖基金的投資類別會減少。
時 間：2016年6月2日(四) 19:30 – 21:30
費 用：每位$80、兩位一同報名$120
（*當晚提供輕食例如三文治及飲品）
地 點：尖沙咀金巴利道35號
金巴利中心5 樓 502室
地圖：https://goo.gl/maps/Jcvyuz8Q6AQ2
- 網上報名：http://bit.ly/1hWrFPS
- 短訊報名：WhatsApp 63832145
- 電郵報名：[email protected]
- 留「1.姓名」「2.電話」「3.電郵」「4.課程編號=WK02」
- 我們會向閣下發出「繳款指示」
阿爺打大交，求財定求氣？
王榮昆（James）
在美國時任職著名券商美邦Smith Barney內部的「11人團隊」，負責管理總值10億美元的客戶資產。
回港後，與拍檔成立Alpha Edge Group私人證研究券智庫，為客戶管理基金及股票投資組合，
因熟悉市場運作及對國內政經常態有精闢見解，獲《大公報》及《廠商會期刊》邀請，
以筆名「文少伯」於財經專欄撰文，強調投資須政經合一、價值與走勢並舉的研究方針。
James現於山東國資委旗下的中泰國際證券有限公司任職高級副總裁。
–
